Alaikumsalam kanda Saaf, Insya Allah pesan alah sampai, mukasuik alah jaleh. Sementaro kami mausahokan nan diminta, apo bisa atau mungkin alah ado website INS Kayutanam tu. Kalau ado nan bahaso Inggerisnyo tantu elok bana. Jadi bisa kami konekkan sajo ka calon pemberi grant atau bantuan nan ado di AS. Sabanyo pulo dengn ado website sekalian sebagai PR dari sikola dan sekaligus memperlihatkan sikola ko lai diuruih secaro profesional dan akuntabel. Ado opsi lain. Kalau bisa kami ketahui bara hargo laptop bekas atau yang standar di Padang atau di Jakarta. Jadi penyumbang bisa mengirim pitih sajo dari pado mengiirim laptop bekas ke Indonesia yang tentu biaya pengiriman indak murah, disamping ado aturan pabean nan haruih dilalui. Disampiang itu, kalau bisa kami (MinangUSA Foundation) bisa mandapek surat resmi dari INS Kayutanam tentang permintaanko. dilampiri sedikit profile institusi ko dan proposal tentang keperluan komputer tu. Kalau bisa dalam bahaso Inggeris. Sekian dulu kanda. All the best. dutamardin cc. Malik Abdullah, President MUSAF
--- On Sat, 4/25/09, Dr.Saafroedin BAHAR <[email protected]> wrote: From: Dr.Saafroedin BAHAR <[email protected]> Subject: BANTUAN BUKU DAN KOMPUTER UNTUK INS KAYUTANAM. To: "dutamardin umar" <[email protected]>, "Tanjuang Heri" <[email protected]>, "Jun Aidi" <[email protected]> Cc: [email protected], "Prof.Dr Emil SALIM" <[email protected]>, "FA Moeloek" <[email protected]>, "Farid Anfasa Moeloek Prof Dr" <[email protected]> Date: Saturday, April 25, 2009, 12:14 PM Assalamualaikum w.w. Dinda Ajo Duta, Sanak Heri, dan Sanak Junaidi sarato para sanak sa palanta, Izinkan ambo manyampaikan bahaso kini INS Kayutanam -- iko talatak di Kabupaten Padang Pariaman -- sajak bulan Februari ko dikelola dek manajemen baru. Di Dewan Pembina duduak antaro lain pak Prof Dr Emil Salim, Prof Dr Farid Anfasa Moeloek, dan Drs Abdulgani Dt Sidubalang, mantan Dirut Garuda. [Ambo disalek-an di siko]. Di Dewan Pengurus, duduak Drs Suherman, nan kini manjabat sabagai Kapalo Dinas Pajak Sumatera Barat dan Jambi. Di Dewan Pengawas duduk sabagai Ketua Dr Syamsir Kadir, S.E, M.Sc. Pengurus baru ko alah menyusun rencana karajo jangka pendek nan dimukasuikkan sebagai landasan untuk pembangunan jangka menengah. Tujuannyo adolah untuak marevitalisasi sikola nan babasis ka telenta para siswa, nan ruponyo sasuai bana jo kebijaksanaan pendidikan maso kini, sahinggo INS Kayu Tanam ko layak dikambangkan dari asset daerah manjadi asset nasional. Dalam rapek pengurus langkok hari Sabtu tanggal 25 April pagi sampai siang alah diambiak babarapo keputusan penting. Nan mendesak bana untuk dipakuaik adolah: laboratorium, komputer jo perpustakaan. Laboratorium akan diusahakan dek Dewan Pengurus. Nan paralu kito gotongroyongkan adolah komputer jo perpustakaan. Lai bisa Dinda Ajoduta, Sanak Hari Tanjuang, jo Sanak Jun Aidi mambantu dalam hal ko ? Untuak komputer indak usah nan baru bana, nan bakeh sajo, asa masih elok dan bisa dipakai, sangat welcome.Sarancaknyo babantuak laptop. Jumlah kabutuhan adolah 331 buah untuak siswa dan 43 buah untuak guru, jadi kasadonyo 374 buah. Kok indak bisa sakali lacuik, bagalombang bagai molah. {Kaba-kabanyo harago barang-barang dibantiang kudian-kudian ko]. Fasilitas internet alah dipasang. Baitu juo jo perpustakaan, paralu bana buku-buku mengenai ketrampilan. Bidang ketrampilan nan diajakan kini adolah: otomotif, pertukangan kayu, tukang las, keramik, listrik, elektronik,sanggar musik, drama. melukis.Buku-buku manual atau majalah-majalah bekas sarupo 'Popular Mechanics' dan 'Popular Science' barangkali cocok bana. Dahulu wacana kito soal buku ko tasakek dek ongkos kirim. Dalam rapek tadi ambo tanyokan ka pengurus baru, kok takumpua, lai amuah mambayia ongkos ka Indonesia? Tanyato disanggupi. Tolonglah Dinda dan para Sanak manjajagi kamungkinan maagiah bantuan ko, dan tolong diagiah kaba dalam kasampatan partamo. Tipak di ambo, akan ambo usahokan mananyokan kalau ado surang baduo mahasiswa Princeton University -- tampek ambo sikola tahun 1973-74 dahulu -- nan amuah manjadi guru bahaso Inggeris di INS Kayutanam ko. Dulu memang ado program ''Princeton-in-Asia' nan manangani program guru mahasiswa ko. Kabatulan ambo kini jadi salah satu anggota panitia seleksi mahasiawa baru Princeton di Indonesia. Ateh paratian Dinda jo Sanak ambo ucapkan tarimo kasih banyak. Mudah-mudahan amal baiak kito ko diridhai Allah swt. Btw: walau email ambo ko ambo tujukan ka sanak kito nan batigo di ateh tu, ambo juo maharokkan bantuan nan samo kapado para sanak nan lain, bantuan buku dan komputer [nan bakeh jadi juo.] Wassalam, Saafroedin Bahar (L, masuk 72 th, Jakarta; Tanjuang, Soetan Madjolelo; Lagan, Kampuang Dalam, Pariaman.) "Basuku ka Ibu; banasab ka Bapak; basako ka Mamak" Alternate e-mail addresses: [email protected]; [email protected] [email protected] --~--~---------~--~----~------------~-------~--~----~ . Posting yg berasal dari Palanta RantauNet ini, jika dipublikasikan ditempat lain harap mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi/dibanned: - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama - DILARANG: 1. Email attachment, tawarkan disini & kirim melalui jalur pribadi; 2. Posting email besar dari 200KB; 3. One Liner =========================================================== Berhenti, kirim email kosong ke: [email protected] Untuk melakukan konfigurasi keanggotaan di: http://groups.google.com/group/RantauNet/subscribe -~----------~----~----~----~------~----~------~--~---
