Mak Sati, indak ado nan paralu ambo komentari pandapek Mak Sati tu. Batua kasadonyo. Sacaro basiinsuik perbaikan alah mulai dilaksanakan. Sekretariat di Jakarta dan kantua L.O di Padang alah dipindahkan ka Kayu Tanam. Kapalo sikola nan tatap sadang dicari. Kapalo sikola samantaro alah dapek dan sadang diurus. Gadji guru ka diniaikkan 15%.
Dapek ambo tambahkan bahaso Ajoduta dari MinangUSA alah marespons email ambo tantang bantuan buku untuak perpustakaan dan tantang bantuan komputer, bakeh atau baru. Baliau mangatokan daripado mangirim komputer bakeh dari Amrik, labiah bancak mambali di Jakarta, dan mananyokan bara haragonyo. Salain tu Ajoduta maminta surek resmi INS ka MinangUSA, supayo bisa ditaruihkan ka babagai limbago donor nan ado di Amrik tu, dan maanjurkan supayo INS mambuek website, nan alah direspons pulo dek Sanak Ephi Lintau. Usaho ambo mancari 'native speaker' guru bahaso Inggirih alah direspons dek konco ambo sasamo panguruih alumni Princeton University di Jakarta, Martin Schell, nan manganjurkan ambo manghubungi Direktur 'Princeton-in-Asia'. Alah ambo hubungi malalui email, dan kini ambo sadang manunggu balasan email ambo. Kalau indak ado halangan bulan Oktober/November muko baliau ado rencana ka Indonesia. Ambo usulkan diaruihkan ka Sumbar. Aratinyo, dalam duo hari ko, lumayanlah tanggapan positif taradok hasil rapek kapatang tu. Tarimo kasih banyak ateh doa dan sumbangan pikiran sarato pangalaman Mak Sati. Ambo tunggu saran salanjuiknyo. Wassalam, Saafroedin Bahar (L, masuk 72 th, Jakarta; Tanjuang, Soetan Madjolelo; Lagan, Kampuang Dalam, Pariaman.) "Basuku ka Ibu; banasab ka Bapak; basako ka Mamak" Alternate e-mail addresses: [email protected]; [email protected] [email protected] ________________________________ From: Sjamsir Alam <[email protected]> To: [email protected] Cc: Farid Anfasa Moeloek Prof Dr <[email protected]>; Prof.Dr Emil SALIM <[email protected]>; Dra Aditi HUSNI <[email protected]>; Abdulgani Garuda <[email protected]>; Warni DARWIS <[email protected]>; Ir. Raja Ermansyah YAMIN <[email protected]> Sent: Sunday, April 26, 2009 10:58:03 AM Subject: [...@ntau-net] Re: INS KAYUTANAM. Pak Saaf, dan apak2 jo ibuk2 panguruih INS nan ambo amba gadang, Alhamdulillah, limo point tu memang lah mancakup program maksimal mambangkik batang tarandam. Kini konsep alah. Tingga pelaksanaan. 1. Nan pokok SDM nan ka malaksanakan dari pucuak sampai ka urek. Kalau sagalo personil indak well informed dan indak maraso well involved, apo lai indak mamahami sumangaiknyo, limo pint tu ka talipek di ateh karateh sajo. Lah sambuah contoh maso lalu. 2. Di antaro SDM di ateh, nan paralu bana manakuai co darah di iduang adolah nan mamangkua di lokasi sikola ko. Apak2 jo ibuk2 nan di Jakarta kan cuma mancaliak dari jauah. Baliau2 cuma mamikiakan nan gadang2, sumber dana, mancari SDM nan berlian, mancukuikan fasilitas nan paralu, tapi, sado kagiatan ko ndak banyak artinyo kalau para eksekutif di lapangan indak sairiang sarangkuah dayuang. Mungkin marekrut tukang pangkua ko bukan karajo nan bisa dikarajokan sambia lalu. 3. Jan lupo, sacaro administratif, sikola ko di bawah payuang Dinas Pendidikan Kabupaten Padang Pariaman. Apak2 jo ibuk2 indak bisa malangkahi lembaga ko. Baapun istimewanyo sikola ko di mato apak2 jo ibuk2, di mato birokrat dinas pendidikan sikola ko tatap berado di bawah wewenang dan kendali mereka. Jadi kontak sacaro kontinu indak bisa dihidari. Walaupun di mato apak2 jo ibuk2 panguruih, pengawas sikola nan di bawah komando kapalo dinas ko urang ketek, mereka harus dibao duduak sameja, supayo inyo mangarati visi dan misi nan apak2 jo ibuk2 emban. Saisuak, sangkek ambo jadi bujang salamaik di Kanwil, panguruih lah maraso cukuik sasudah baiyo batido jo kakanwil. Di siko talatak salah satu batu panaruang. Nan ka mauruih sikola ko kan indak kakanwil lansuang doh, dan jan diarok kapalo dinas ka mangkatubahi anak buahnyo manaruihan kandak apak2 jo ibuk2. Bujang salamaik ko bakarajo manuruik rambu2 baku, jadi kalau INS barado di lua rambu2 ko, banyak hal bisa mancogok. Dan, ciek lai, nan ka diuruih pengawas ko kan indak cuma INS, puluahan sikola di kabupatennyo. 3. Apak2 indak bisa bagageh. Sabalun ado bukti bahwa tamatan INS ko memang bakualitas, minaik calon siswa potensial jan diarok ka dapek. Tapi kalau tamatan SMTA-nyo lah tabukti dek masyarakaik cap ampu, dapek sakian puluah urang PMDK ka PT negeri, sakian puluah urang jadi wirausahawan sukses, sakian urang satahun jadi juara olimpiade matematik, fisika, biologi dsb, sakian tim dan perorangan jadi juara perlombaan olahraga dan kesenian sampai ka tingkek internasional, baru calon urang gaek siswa picayo. Untuak sampai ka sinan memang pandakian nan ka apak2 jo ibuk2 tampuah labiah curam dari tanjakan kelok 44. Kok iyo pandapek ambo laluan, kok ukan tukai. Iko dek angek hati, mudah2an sakali ko berhasil sacaro signifikan. Ambo tolongi jo doa dan pikiran barang sado nan dapek. Salam, mak Sati (L. 72+1+24) Tabiang Pemerhati pendidikan icak-icak. ----- Original Message ----- From: Dr.Saafroedin BAHAR To: [email protected] Cc: Farid Anfasa Moeloek Prof Dr ; Prof.Dr Emil SALIM ; Dra Aditi HUSNI ; Abdulgani Garuda ; Warni DARWIS ; Ir. Raja Ermansyah YAMIN Sent: Sunday, April 26, 2009 7:52 AM Subject: [...@ntau-net] Re: INS KAYUTANAM. Mak Sati, Tarimo kasih ateh response Mak Sati. Basamo jo jawab ambo ko, posting Mak Sati ambo taruihkan ka pak Emil, pak Moeloek, pak Abdulgani, dan bu Aditi salaku Sekretaris Dewan Pembina, Silakan Mak Sati kontak e-mail langsuang jo pak Abdulgani.[Btw Ayah ambo almarhum katurunan Galuang juo.] Sagalo masukan Mak Sati tu batua, dan manajemen nan baru bukan sajo sadar ka masalah tu, tapi juo alah mambuek program untuak mananganinyo. Indak ado kainginan untuak manaruihkan gaya "mambali nak ubi, makan nak lamang" doh.. --~--~---------~--~----~------------~-------~--~----~ . Posting yg berasal dari Palanta RantauNet ini, jika dipublikasikan ditempat lain harap mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi/dibanned: - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama - DILARANG: 1. Email attachment, tawarkan disini & kirim melalui jalur pribadi; 2. Posting email besar dari 200KB; 3. One Liner =========================================================== Berhenti, kirim email kosong ke: [email protected] Untuk melakukan konfigurasi keanggotaan di: http://groups.google.com/group/RantauNet/subscribe -~----------~----~----~----~------~----~------~--~---
