He...he...walau gadang di Padang sayang juo JEPE indak punyo kenangan jo Gunuang Padang- Aia Manih.( atau sangajo indak ma agiah tau ?) Jan sampai banyak pulo rang nan tau yoo.... ( kesian dech loe kecek anak ambo beko ). Tampaknyo JEPE nan acok main ka Mulia- Satria Theatre sajo..... Aia Manih jo Gunuang Padang juo jadi tampek paforit kami diawal tahun 70-an. Apolai tampek sikola kami di jalan Kalenteng-Kampuang Cino dakek Muaro. Kalau dek karano ado guru nan indak datang...acok kami barami-rami naiak ka Gunuang Padang. Selain pandangan lepas kelaut bebas atau Muaro, berbagai model kuburan Cino nan ado juo manjadi back ground nan mantap untuak berbagai sesi photo kami dulu.. Kok lai panjang ukatu dihari libur , kami bajalan ka Aia Manih, bahkan kami pernah maadokan samacam Cross Country Muaro- Taluak Bayua dengan persyaratan awak bajalan sadakek mungkin jo bibia pantai ( jadi indak manampuah jalan nan biaso). Salah satu akibatnyo tapak tangan kanan ambo tapaso dijaik di Taluak Bayua ditampek praktek dotor nan kabatulan guru kami juo, Itu tajadi dek karano tagurajai/tapaleset dan jatuih ka lauik, katiko mamanjek dan luko dek batu karang. Mungkin dek karano focus sadang mangaja target, indak taraso tangan lah cabiak, Taunyo katiko maliek aia lauik lah mulai merah disekitar ambo, ruponyo tapak tangan lah luko. Maso itu harago cangkeh lumayan tinggi, jadi cukuik banyak kabun cangkeh sapanjang jalan sahinggo banyak pulo pondok pemilik/penjaga kabun itu. Konon kabanyo mereka urang Nieh, samo jo mereka nan mangaku urang asli Padang umumnyo urang Nieh juo. Bukan nan barasa dari Mudiak ( Lb. Bagalung, Kuranji dan sekitarnya) Dek ulah Tommy dulu, harago cengkeh jatuah sahinggo urang maleh bakabun cangkeh jadinyo....baa ko lah kini apo masih banyak kabun cangkeh disitu. Kok indak ado lai atau lah bakurang mungkin kabun itu bisa jadi salah satu nan manyababkan daerah itu menjadi sepi. Selain itu , untuak wisatawannyo. Kini urang lah bisa langsuang ka Aia Manih naiak roda ampek atau roda duo sakurangnyo, jadi jalan nan lamo via Muaro lah ditinggakan urang. Tapi nan jaleh.....Mungkin kini banyak urang nan takicuah di Aia Manih iko... Manyangko batu Malin Kundang tu ado ditapi Pantai.... Itu sabananyo hanyo merupakan karya seni.... Nan dikatokan batu Malin Kundang nan asli ado dibaliak Pulau dilepas pantai Aia Manih nan bisa ditampuah bajalan kaki katiko pasang suruik.......... Wass TR-53+
--~--~---------~--~----~------------~-------~--~----~ . Posting yg berasal dari Palanta RantauNet ini, jika dipublikasikan ditempat lain harap mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi/dibanned: - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama - DILARANG: 1. Email attachment, tawarkan disini & kirim melalui jalur pribadi; 2. Posting email besar dari 200KB; 3. One Liner =========================================================== Berhenti, kirim email kosong ke: rantaunet-unsubscr...@googlegroups.com Untuk melakukan konfigurasi keanggotaan di: http://groups.google.com/group/RantauNet/subscribe -~----------~----~----~----~------~----~------~--~---