Pak Saf dan kawan2 di palanta RN ko,
Di ambo taraso bana memang paralunyo ado lembaga penelitian tentang Minangkabau
yang segi tinjauannyo komprehensif, kontemporer, tanpa maninggakan segi
tinjauan sejarah, antropologis, dsb. Sabananyo kawan2 awak di Fak Sastra Unand
lah banyak juo babuek ka arah iko ko. Cuma ndak kunjuang tadanga kegiatan
mereka tu. Mungkin kurang publisitas atau juo terbelit dengan keharusan
birokrasi, karano mereka takabek jo itu. Mereka juo praktis kurang melibatkan
urang lua cando awak-awak ko kecuali kerjasama dengan pihak luar, termasuk luar
negeri sekalipun, karano ado faktor xyz nyo di sinan.
Pak Saf dan kawan2, co lah angekkan pulo tungku di sinan maangkekkan
permasalahan ko. Ambo sangat bana mamahami dan marasokan apo nan Pak Saf
sabuikkan tu. Salam, MN
--- On Mon, 4/27/09, Dr.Saafroedin BAHAR <[email protected]> wrote:
> From: Dr.Saafroedin BAHAR <[email protected]>
> Subject: Re: Fw: [...@ntau-net] Basilang kayu dalam tungku ---> APO INDAK
> PARALU SUATU LEMBAGA PENELITIAN MINANGKABAU ?
> To: [email protected]
> Cc: "Dr Mochtar NAIM" <[email protected]>, "Suryadi"
> <[email protected]>, "Dr. Gusti ASNAN" <[email protected]>
> Date: Monday, April 27, 2009, 9:18 PM
> Waalaikumsalam w.w. Inyiak Sunguik, Sanak Sutan Sinaro dan
> para sanak sa palanta,
> Sajak ambo manggabuang di Rantau Net ko -- kiro-kiro tigo
> tahun nan lalu -- nampak bana manfaatnyo RN sabagai sarana
> untuak batuka pikiran tantang Minangkabau, sajak dari
> masalah hiduik sahari-hari sampai pado hal-hal nan mendasar
> saparati sistem nilai ABS SBK dan limbago-limbagonyo.
> Hanyo acok taraso bahaso wacana kito di RN tagaiang-gaiang
> sajo, indak ado kasimpulannyo, karano indak ado samacam tim
> perumus. Rumusan disarahkan ka kito surang-surang.
> Tantu sajo caro iko ado baiaknyo, tapi ado juo indak
> baiaknyo, karano kalau surang-surang tantu sajo kito bapacik
> ka pandapek kito surang-surang pulo.
> Dalam hubuangan ko takana dek ambo paralunyo samacam
> limbago penelitian Minangkabau, saroman 'Center for
> Minangkabau Studies' nan dibuek dek Dr Mochtar Naim
> dalam dasawarsa 1970-an dulu.Limbago penelitian dapek
> marangkum wacana itu sacaro obyektif, dan mambandiangkannyo
> jo bahan-bahan lainnyo tantang Minangkabau. Kalau indak
> salah, limbago saroman ko alah ado dulu limbago sejinih,
> yaitu PPIM, nan kudian kakurangan dana untuak malakukan
> penelitian dan pengkajian.
> Sacaro khusus adonyo limbago penelitian ko paralu untuak
> mangkaji kehidupan kito sabagai suatu sutu bangso perantau,
> nan sabagian hiduik di Ranah sabagian lai hiduik di Rantau.
> Jiko indak ado samacam limbago penelitian nan mancakup
> saluruah Minangkabau ko, mako -- paratikanlah -- wacana kito
> babaliak-baliak ka nagari kito surang-surang, nan tanyato
> balain-lain pado tiok nanagri. Contohnyo, walau kito satuju
> jo pepatah 'ketek banamo gadang bagala', tanyato
> indak sadonyo urang laki-laki dewasa di Minang nan diagiah
> gala. Walau sako kito satujui dari mamak, tanyato ado daerah
> nan sakonyo malah dari bapak.
> Karano masa bhakti pak Mochtar Naim di politik alah
> salasai, ado rancaknyo kita minta baliau mahiduikkan baliak
> 'Center for Minangkabau Studies' itu, sadapek
> mungkin bakarajosamo jo perguruan tinggi, baiak di Sumatera
> Barat maupun di lua nagari.
> Baa pak Mochtar ?
>
> Wassalam,
> Saafroedin Bahar
> (L, masuk 72 th, Jakarta; Tanjuang, Soetan Madjolelo;
> Lagan, Kampuang Dalam, Pariaman.)
> "Basuku ka Ibu; banasab ka Bapak; basako ka
> Mamak"
> When wealth is lost nothing is lost, when health is lost
> something is lost, when character is lost everything is
> lost.
> Alternate e-mail addresses:
> [email protected];
>
>
>
>
> ________________________________
> From: Sutan Sinaro <[email protected]>
> To: [email protected]
> Sent: Tuesday, April 28, 2009 10:30:35 AM
> Subject: Re: Fw: [...@ntau-net] Basilang kayu dalam tungku
>
>
> Assalamu'alaikum. w.w.... nyiak ...
>
> ... Iyo sabana padiah... nyiak...
> Iyo padiah kato malereang nan sangenek dun..
> jadi baa aka lai nyiak ..?
> Urang di Padang lah bi kayo-kayo,
> Batanak jo rice cooker, tingga manakan se lai.
> Mamasak jo kompor gas, api iduik sakali patiak.
> Kok maunggun bana indak pulo paralu tungku doh.
> Ka pambaka rumah gadang ?, indak juo paralu tungku do.
> Tingga malompek-an anak piapi na lah digaruih.
> Istana Pagaruyuang alah tabaka
> Jadi baa aka lai nyiak ?.
> Indak ka mungkin rasonyo ka ditagak-an juo rumah gadang nan
> lah goyoh ko supayo elok ?. Kito baka se lai ?.
> Atau kito bangun sajo rumah beton ala Spanyol nan rancak
> bantuak Pantai Indah Kapuk ?.
> Tapi urang di kampuang masih malamang nyiak.
> nan badampeang ba dorak ba dorai managakkan gala sutan
> masih ado.
> Anta jamba hari baiak bulan baiak masih ado.
> Atau kito tuka se gala ko jo Ir. ST. SE. SAg. Dr. Phd dan
> lain-lainyo ?.
> Dan Kito tuka se jamba ko jo pitih ?.
> Bak kecek Ely Kasim jo Tiar ramon "nan dek pitih
> sagalo jadi"
> Bia se lah generasi muda ko nyo baok dek ragam duya ?.
> baa aka lai nyiak ?.
>
> Wassalam
>
> St. Sinaro
>
>
> --- On Mon, 4/27/09, sjamsir_sjarif
> <[email protected]> wrote:
>
> From: sjamsir_sjarif <[email protected]>
> Subject: Re: Fw: [...@ntau-net] Basilang kayu dalam tungku
> To: [email protected]
> Date: Monday, April 27, 2009, 11:01 AM
>
>
> Angku Saaf sarato Rang Lapau nan Basamo,
>
> Sayangnyo, Dapua Urang Kini indak batungku lai. Mungkin lah
> banyak urang nan
> indak tahu apo arati Tungku sarato Silang Kayu tu.
>
> Jadi, sitir Angku St. Sinaro
> > "basilang kayu dalam tungku, di sinan api mako
> iduik"
> tu mungkin kurang masuak aka lai kini. Api tu kini lah bisa
> iduik sakali patiak
> sajo, bilo takana jo mukasuik surang-surang nan
> babeda-beda, apo koh itu ka
> digunokan untuak Batanak Nasi atau ka Maunggun Rumah Gadang
> ...
>
> Salam,
> --Nyiak Sunguik
> http://www.santacruzsentinel.com/localnews/ci_12030675
>
>
>
>
>
> >
>
> [email protected]
> [email protected]
--~--~---------~--~----~------------~-------~--~----~
.
Posting yg berasal dari Palanta RantauNet ini, jika dipublikasikan ditempat
lain harap mencantumkan sumbernya: ~dari Palanta r...@ntaunet
http://groups.google.com/group/RantauNet/~
===========================================================
UNTUK DIPERHATIKAN, melanggar akan dimoderasi/dibanned:
- Anggota WAJIB mematuhi peraturan serta mengirim biodata! Lihat di:
http://groups.google.com/group/RantauNet/web/peraturan-rantaunet
- Tulis Nama, Umur & Lokasi pada setiap posting
- Hapus footer & seluruh bagian tdk perlu dalam melakukan reply
- Untuk topik/subjek baru buat email baru, tidak dengan mereply email lama
- DILARANG: 1. Email attachment, tawarkan disini & kirim melalui jalur pribadi;
2. Posting email besar dari 200KB; 3. One Liner
===========================================================
Berhenti, kirim email kosong ke: [email protected]
Untuk melakukan konfigurasi keanggotaan di:
http://groups.google.com/group/RantauNet/subscribe
-~----------~----~----~----~------~----~------~--~---
