Usaho rancak tu, malapehkan kuriositi tu. Tiok ambo mamasuakkan dan maenjo-enjo Teh Bakaluan dalam cangkia jo aia angek, acok takana di ambo Aia Cancang ko, pangana jauah ka Remno Gadang di Kampuang Halaman Awak maso saisuak.
Kok kito caliak di Super Market, macam macam teh nan dijua urang, samapi-sampai ka kulik limau kariang, tamu lawak, dan macam-macam daun atau herba nan indak kito katahui. Sadonyo tabungkuih rapi dalam empelopp ketek-ketek nan bakaluani. Karano indak panah mancalaik Teh Cacang di Super Market, ambo tapikia, barangkali rancak lo kok Kayu Cacang ko dibuek sabuak diproduksi dibungkuih rancak-rancak, diagiah "kaluan", saroman teh-teh nan banyak ko... Mungkin Angku Suryadi sarato Rang Lapau nan Basamo, tacongang-congang pulo jo istilah "Teh Bakaluan" ko. Istilah ko ambo pakai sasudah ambo tagolak-golok katu pulang sari. Suatu pagi, Uni ambo mambuek teh untuak ambo, pakai "Teh Celup". Kecek baliau sambia maelo-elo banang buungkui teh cepup tu dalam cangkia aia angek dihadokan kami, kecek baliau bagarah: "Kini indak kabau sin nan bakaluani lai, jo tee tee lah dikaluani urang kini..." Sabana tabasuik galak ambo, kasadakan ambo minum teh angek bakaluani tu... Indak lupo istilah Uni ambo tu sampai kini. Kok ado Adidunsanak sabagai Urang Minang nan alun panah mancaliak Kabau nan bakaluani ko, "kaluan" adolah tali kabau nan dicucuakkan ka hiduangnyo. Jadi bungkuih "teh celup" nan baagiah banang tu lah nan dikatokan Uni ambo nan tampakyo saroman anak kabau bakaluani, "teh bakaluan!" Salam, --MakNgah Sjamsir Sjarif --- In [email protected], Lies Suryadi <niadil...@...> wrote: > > Mak Ngah, 'Alang Palabah', Uda Pitopang, Uda Riri, Sanak Jepe, dll. > > Tarimo kasih ateh info nan makin batambah mengenai KAYU SEPANG. Ambo tanyokan > iko dek ambo sadang meneliti surek2 abaad ke-18 dan 19 dari Pulau Sumbawa dan > dikirimkan dek rajo2 lokal di situ ka Gubernur Jenderal VOC di Batavia. Salah > satu nan menarik dalam surek2 tu adolah informasi tentang pengiriman > bakapa2 KAYU SEPANG dari Bima ka Batavia. Ambo curiga khasiat kayu ko > memang rancak. Mungkin juo sajak zaman tu Ulando lah tahu khasiat kayu ko. > Kalau indak, manga dek bakapa2 bana Ulando mamintak kayu tu ka Rajo Bima, > Sumbawa, Tambora, Pepekat, dan Sanggar, yaitu kerajaan2 nan ado di Pulau > Sumbawa. Ambo ingin menelusuri dipangakan kayu sepang ko de Ulando pado maso > tu? Mungkin ado di antaro sanak di lapau ko nan pernah menelitinyo. > > Wassalam, > Suryadi > > --- Pada Sel, 5/5/09, sjamsir_sjarif <hamboc...@...> menulis: > > > Dari: sjamsir_sjarif <hamboc...@...> > Topik: [...@ntau-net] mohon info mengenai KAYU SEPANG > Kepada: [email protected] > Tanggal: Selasa, 5 Mei, 2009, 12:02 AM > > > > Kalau Kayu Sepang ko samo jo Kayu Cacang, memang ado tumbuah di rimbo > kampuang awak. Satangah abad nan lalu ambo badangau batapa di Rimbo Gadang di > Sumpu Kudus, panah dibawokan Urang Kampuang sabingkah gadang Kayu Cacang nan > segar dan sabagian alah dicancang-cancangnyo picak-picak ketek untuak > dirandam jo aia angek diminum saropo minum teh. > > Aia angek putiah manjadi sirah rancak tarang, tapi warno kayu tu indak sirah > doh, tampaknyo agak putiah saketek saroman dagiang ayam. Aia minum sirah tu > dinamokan Aia Cacang. Manuruik Urang Kampuang rancak untuak panawa. Iyo lai > sajuak ka ganti teh di kami. Sayangnyo ambo indak panah mancaliak batang kayu > tu sagadang dan satinggi dan bantuak aa daunnyo. Mungkin kok basuo di rimbo > lah tasangko "Kayu Madang" pulo... > > Di Malaysia dakek Kuala Lumpur ado pulo bandar nan banamo Sepang nan ambo lah > pai pulo ka sinan. Caliak infonyo di > http://wikitravel.org/en/Sepang > > Salam, > --MakNgah > Sjamsir Sjarif > --- In [email protected], alang palabah <alangpalabah@> wrote: > > > > awak sato lo ciek mengenai kayu sepang ko. > > kebetulan awak kini tingga di Bima (p. sumbawa) di Bima memang lah jarang > > basuo kayu sepang ko. tapi awak acok main ka KabupatenSumbawa besar, di > > sinan kawan awak pernah maagiah kayu sepang. biasonyo lah nyo pacah-pacah > > kaciak-kaciak untuak dirandam jo ayia angek. kok lah merah ayia nyo baru > > diminum. kabanyo gunonyo untuah ubek awet mudo (iyo kolah, awak dak tau). > > (alangpalabah/ 31/L/tanjuang/talang) --~--~---------~--~----~------------~-------~--~----~ . Posting yg berasal dari Palanta RantauNet ini, jika dipublikasikan ditempat lain harap mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi/dibanned: - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama - DILARANG: 1. Email attachment, tawarkan disini & kirim melalui jalur pribadi; 2. Posting email besar dari 200KB; 3. One Liner =========================================================== Berhenti, kirim email kosong ke: [email protected] Untuk melakukan konfigurasi keanggotaan di: http://groups.google.com/group/RantauNet/subscribe -~----------~----~----~----~------~----~------~--~---
