Ambo caliak di Kamus Minangkabau M. Thaib, 1935, memang ado variasi tu, tapi indak disabuik di daerah ma istilah "kalawan" dipakai, dan di daerah maa "kaluan" dipakai. Kini lah tahu awak di Pasaman dipakai istilah "kalawan".
Di Agam Tuo, memang dipakai "kaluan" saroman di "Piaman". Mungkin umumnyo dipakai istilah "kaluan", tapi ingin awak konfirmasi Rang Lapau untuak pemakaian kato tu di tampek masiang-masiang. Ambo caliak Anas Nafis Peribahasa Minangkabau, dipakainyo istilah "kaluan", tadaftar: 1. Bak jawi dielo kaluan. 2. Bak kabau manjilek kaluan. 3. Dikaluani padusinyo. 4. Putuih tali putuih kaluan, putuih kaluan rampuang iduang. Nah, saketek tantang pamakaian "babedo" Angku Suryadi. Apokoh iko salah tep, atau memang ado daerah nan manggunokan kato "babedo" tu? Ataukah itu sakadar peminangkabauan "berbeda"? Sabab, biasonyo ambo danga dan ambo pakai "babeda". Samo jo Caro Indonesia "berbeda". Ambo raso itilah "bedo" balain jo "beda". "Beda" aratinyo "lain" "babeda", aratinyo "balain". Sadangkan "bedo" aratinyo "susah". Tabedo, sakik atau dapek kasusahan. Sagalo bedo, sagalo susah. Cinamiah [atau camiah] babedo-bedo, nyaris dapat sengsara, nyaris berkelahi, dsb. (M. Thaib). Untuak variasi nan hampia samo, "kaya" di Minangkabau indak samo lo jo "kayo" doh. "Kok indak ka kayo, kaya!". Ibo awak paja tu lah kaya tangihnyo." Salam, --MakNgah --- In [email protected], Lies Suryadi <niadil...@...> wrote: > > Oh Mak Ngah, > Babedo saketek kato "bakaluan" tu di Piaman. Di Pisaman disabuik "bakalawan". > > Salam, > Suryadi > > --- Pada Sel, 5/5/09, sjamsir_sjarif <hamboc...@...> menulis: > > > Dari: sjamsir_sjarif <hamboc...@...> > Topik: Re: Bls: [...@ntau-net] mohon info mengenai KAYU SEPANG ... Teh > Bakaluan > Kepada: [email protected] > Tanggal: Selasa, 5 Mei, 2009, 2:26 AM > ....... > > Mungkin Angku Suryadi sarato Rang Lapau nan Basamo, tacongang-congang pulo jo > istilah "Teh Bakaluan" ko. Istilah ko ambo pakai sasudah ambo tagolak-golok > katu pulang sari. Suatu pagi, Uni ambo mambuek teh untuak ambo, pakai "Teh > Celup". Kecek baliau sambia maelo-elo banang bungkui teh cepup tu dalam > cangkia aia angek dihadokan kami, kecek baliau bagarah: > "Kini indak kabau sin nan bakaluani lai, jo tee tee lah dikaluani urang > kini..." Sabana tabasuik galak ambo, kasadakan ambo minum teh angek bakaluani > tu... Indak lupo istilah Uni ambo tu sampai kini. > --~--~---------~--~----~------------~-------~--~----~ . Posting yg berasal dari Palanta RantauNet ini, jika dipublikasikan ditempat lain harap mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi/dibanned: - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama - DILARANG: 1. Email attachment, tawarkan disini & kirim melalui jalur pribadi; 2. Posting email besar dari 200KB; 3. One Liner =========================================================== Berhenti, kirim email kosong ke: [email protected] Untuk melakukan konfigurasi keanggotaan di: http://groups.google.com/group/RantauNet/subscribe -~----------~----~----~----~------~----~------~--~---
