Mokasih MakNgah, reply nan capek dan detail pulo. Alhamdulillah, kutiko pak Syamnir maningga (hari kaduo Idul FDitri 2008) mbo lai sato sampai shalat jenazah. Waktu itu mbo tingga dan karajo di Lembang. Liau dikubuakan di Cimahi. Tek Djuk, isteri beliau kini dan sejak lamo tingga di Bandung..tigo anak padusi liau tingga di Bandung. Uda Syamsuir dan uda Azmi lai mbo kenal. da Azmi terkenal sebagai pak Datuak Guru..beliau bbrp kali kepalo SD..rang rumah beliau rang Kototuo.. Kalo MakNgah ndak keberatan, kirimkanlah kodak bakupiah tahun 85 tu..Mbo takana, emmanga do alek gadang di bulan tu..'pelantikan' datuak-datuak, tamasuak Dt Batuah, dari suku kami..
Satantangan, Mansur Yasin. ambo panggia Om ke liau. Maningga beberapo bulan lalu di Jakarta. Om Mansur ko kalau ndak salah pernah jadi walinagari di Pasie. Liau kan bako amak mbo..Sudah tu, makDang mbo (Kasim Suleiman) pulang ka bako pulo (bu Syamsuniar)..Kami, tantu dakek ka bako dan ka muyang. Ado juo hubungan karik bakarik antaro kel pak Hasyim Djalal di ampang Gadang dengan keluarga Dt Tumanggung Pasie. Om Mansur yasin ko adolah kemenakan Dt Tumanggung. Ihwal bako, apak mbo dulu guru shg acok pulo diimbau MakGuru kasim..kamanakan-kamanakan liau, mungkin ado nan MakNgah kenal: Uni Ellyda Usman, uda alm dr. Yusva Muchtar (meningga Okt 2007). Hari Sabtu tgl 23 ko, ambo ka pai ka rumah uni Elly di kampung Ambon..bialah mbo tanyokan.. Alah tu mak, tantu Mamak alah bakalumun jo kinsaok kini tu.. Salam FK 2009/5/20 sjamsir_sjarif <[email protected]> > > Tarimo kasih lah dapek pulo awak bakenalan. Kalau Amak Siti Fatimah 84+ > tampakno sapangkek jo Pak Sjamnir nan baru-baru ko maningga di Banduang. > Ambo acok ka Bonjoalam sakitar 1955-58 karano ambo kawan Tasnim Dahlan > samo-samo maaja di ST-2 Bukitttingi di Lambau wakatu itu. Kok di Surau Kamba > kawan sapangkek kami di SMP ado duo, Sjamssuir (panggilan Cuin) jo Azmi > Zakaria (baimbauan Datuak sajak ketek). > > Wakatu Baralek Datuak di Ampang Gadang (di Surau Pinang 15April 1985) ambo > hadir sacaro incognito jo Rombongan Gubernur (Tuan Basa Padang) dan Bupati > (Tuan Luak) dari Aasa nan ditunggu urang jo Tari Galombang wakatu itu. > Takana di ambo katu ka barangkek dari Tri Arga, Pak Gubernur mangecekkan, > "Awak kapai Baralek Datuak, Sir, pakailah kupiah ko." Lah dicubo kupiah beka > liau tu, sampik, cubo lo nan kaduo jo nan katigo, sampik lo, sahinggo liau > manyuruah ajudan liau ka pasa mambali kupiah nomor sambilan ... [Kok ka > mancaliak MakNgah bakupiah beka bakodak jo baliau, bulaih dikirim gambarno > ka jalua paribadi]. > > Indak ado urang nan mangkasanoi MakNgah dalam alek tu kacuali Uda Mansur > Thaib jo Azmi. Ambo mambawo kamera dan kesempatan bebas bajalan-jalan > kuliliang. Uda Mansur mancaliak ambo dari dakek, sudah tu babisiakno: "Iko > Sjamsir go yo?" kecek liau. "Iyo uda," kecek ambo. "Alhamdulllah, > alhamdulillah ..." kecek liau kami baranggkuahn sasudah sajak lamo indak > basuo. > > Wakatu ambo mandakeki Datuak-datuak nan sadang dipaalekkan, salah saurang > Datuak ko tagak manyalami ambo. Ano galak-galak manih saroman sisuak. "Sir" > jano sambia basalam, "Aaa, iko nan lah iyobana no go ah" kecekno. Iyo Tuak, > kecek ambo, indak Datuak-datuak nan sisuak lih yo? Kami barangkuahan pulo > sasudah bacarai lamo indak basuo. > > Di Surau Pinang ado lo kawan ambo Tasnim lo namono. Kalau di Pasia ado nan > pasusi, Nurhuda namono, cucu Inyiak Mariah nan tukang uruik tangan ambo > patah katu maracak kabau sisuak. > > Baliak ka Pak Hasjim Djalal, bana, dari ketek lah ado tando-tando > kecerdasanno nan ambo kagumi. Itu dapek diverifikasi dari urang-urang nan > kenal jo baliau sajak ketek saroman carito Ayah tu. Baitu juo Dino, katu > partamu kali ambo basuo jo no di Washington DC jo papano tu, lah tampak > diambo ado tando-tando keistimewaanno, nan mungkin malabiahi ayahno. > > Wakatu kami di Gunuang Marapi 1960-61, Uda Mansur, (Mansur Kasim?) dari > Pasia mangecekkan ka ambo, "Sir, Hasjim lah pulang dari Amerika lah salasai > Dotorno. Balain dari urang-urang nan pulang dari Amerika, ano indak mambawo > oto doh, tapi buku, sahinggo indak tabuek-buek di rumah doh." kecekliau. > Dima lah Udo Masur kini, mudah-mudahan lai sehat juo. > > Salam, > --MakNgah > Sjamsir Sjarif > > > --- In [email protected], Firdaus Kasim <efkafi...@...> wrote: > > > > Mak Ngah yah (yang ambo hormati), > > > > Salam kenal. Mbo urang Bonjo Alam, Amak mbo Siti Fatimah (84+), salah > > seorang anak H.Suleiman Dt Tumanggung, Pasie. Ranggaek laki-laki dari > Surau > > Kamba (H Kasim Zen, 91+). Satantangan Prof Hasyim Djalal, apak mbo parnah > > bacurito maso ketek liau kutiko mangaji ke surau Inyiak H Djalaluddin > > (ayhanda pak Hasyim), di Ampuah AmpangGadang..Satiok kali memasuki surau > > tsb, acok basobok dengan pak Hasyim ketek (mungkin masih 'toddler' kutiko > > tu). Nan disaksikan apak mbo adolah baa pak Hasyim ko manyusun dan > marapikan > > tarompa dan tangkelek jamaah nan baserak an di luua pintu surau..Komentar > > Apak mbo, si Hasyim itu sajak ketek karajo no manyalasaikan nan > > kusuik..Terbukti, beliau menjadi diplomat handal..DNAnyo pun manurun ke > > Dino..bangga awak. > > Firdaus Kasim, 53+, Bogor > > > > > > 2009/5/20 Datuak Arifz <arif_...@...> > > > > > > > > Assallamualaikum Mak Ngah, > > > > > > rujukan tulisan ko bisa di silau di lapau FaceBook "Ikatan Keluarga > > > Ampek Angkek Canduang" > > > > > > > http://www.facebook.com/profile.php?id=1280411117&ref=profile#/group.php?gid=95821239477&ref=mf > > > > > > wassallam, > > > Arif Zulkifli Dt.Rajo Alam, > > > > > > ----------- > > > > > > On 19 Mei, 20:47, "sjamsir_sjarif" <hamboc...@...> wrote: > > > > Maa Angku Datuak Afriz, Dimaa asal atau rujukan tulisan ko? > > > > > > > > Memang bana. Salah satu kenangan ambo jo Pak Hasjim Djalal adolah > wakatu > > > kami basuo baliak di Rantau Jauah tahun 1983, kiro-kiro 30 tahun > kemudian > > > sasudah bapisah di Bukittinggi tahun 1955. Nostalgia kami ka Kampuang > > > Halaman iyobana meresap sampai mandetail salamo 10 hari tu. Lapeh > taragak > > > kami Caro Awak Ampek Angkek, ba"ano-ano" bana saroman di Kampuang maso > > > dahulu. > > > > > Wakatu itu baliau pindah tugas dari Wakia Dutabesar RI di US > manjabat > > > Wakia Dutabesar RI di UN. Di ateh kapatabang antaro Washington DC jo > New > > > York wakatu itu, Dino, (Dino Pati Djalal) anak baliau, duduak di > bulakang > > > kami. Salah satu kecek baliau ka Dino sambia malengah ka bulakang, > "Tanyo > > > lah ka Om Sjamsir baa sulikno hiduik kami wakatu ketek-ketek di > Kampuang > > > ...". Pangana kami jauah ka Kampuang Halaman katu itu, tamasuak pai > sikola > > > SMP ka Pasa (Bukittinggi) indak pakai sipatu bagai ... > > > > > Pak Hasjim jo ambo sakampuang saangkatan kelas satu di SMP-1 > > > Bukittinggi 1946-47. Banyak bana kenangan kami ka maso-maso dahulu di > > > Kampuang Halaman ... > > > > > Salam, > > > > --MakNgah > > > > Sjamsir Sjarif > http://www.santacruzsentinel.com/localnews/ci_12030675 > > > > > > > > --~--~---------~--~----~------------~-------~--~----~ . Posting yg berasal dari Palanta RantauNet ini, jika dipublikasikan ditempat lain harap mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi/dibanned: - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama - DILARANG: 1. Email attachment, tawarkan disini & kirim melalui jalur pribadi; 2. Posting email besar dari 200KB; 3. One Liner =========================================================== Berhenti, kirim email kosong ke: [email protected] Untuk melakukan konfigurasi keanggotaan di: http://groups.google.com/group/RantauNet/subscribe -~----------~----~----~----~------~----~------~--~---
