Sambuangannyo.ko nyoo.
Lah panek bajalan di dalam rimbo gadang tan, sampai juo kami di ladang cangkeh nan dituju.. Ladang cangkeh nan sadang babuah labek..sabana rancak warna buah cangkeh ko..raso ka dipagatok sajo buahnyo ko, baa kecek urang nan marantau ka pakan tan, Asoka..aso..aso kalamak.. Apo lai kalau buah cangkeh nan alah malampau untuak di ambiak, warnanyo merah galok cando warna anggur merah.sabana mabuak nak kainginan nak mampagatok.. Makanlah Piak ..! Kato Papa.ragu-ragu ambo makanlah buah cangkeh ko, eee kironyo rasonyo padeh-padeh baa... gitu. Padehnyo tu manimbuan tagiah nak kamancuboan baliak and baliak..padehnyo lakek di lidah mambuek lidah raso taba dek lakek an padehnyo buah cangkeh malampau ko. Jadi taragak ambo nak ka mancuboan baliak..hehehe.. dimalah kadicari kabun cengkeh di rantau pulau ko go hehehe.. Kabun cangkeh ko talatak di lereang bukik nan landai..tanahnyo subur..namun tatap juo si tukang kabun mintak pambali pupuak tiok bulannyo.. buliah nak labek buahno..kato papa ambo.. Lah cando siamang kami nan masih ketek-ketek basigayuik di ateh batang cangkeh ko, banyak bana buah cangkeh ko, ampia di tiok ujuang dahannyo babuah. Happy rasonyo mancaliak batang kayu babuah labek apo lai bisa lo dimanfaatkan. Namun harago cangkeh ukatu tu sadang rancak pulo. Antah baralah ukatu ndak tau lo doh.. hehehe.. ukatu tu th 1982. Abang-abang ambo lah antok sajo di ateh batang cangkeh maambiak cangkeh nan sadang elok dipanen tu, masiang-masiang mamacikkan karuang tapuang ciek surang, dan lah mulai maunjuik karuangnyo. Nan ambo sibuk pindah-pindah dari ciek batang ka batang lain mamiliahi buah cangkeh nan malampau. Warnanyo merah pakek cando buah anggur, ndak tingga lo ambo kulum kaganti gulo-gulo padeh. Sabana talatiah ambo mamanjek batang cangkeh nan tingginyo antaro 10-15 m tu. Batang cangkeh kiro2 diameternyo 40-60 cm, batangnyo luruih dahannyo banyak. Ambo raso batang cangkeh ko rancak untuak ditanam di pekarangan nan agak laweh karano rancak daunnyo jo buahnyo pun rancak warnanyo. Pucuak cangkeh ko warnanyo merah bacampua jo kuniang mangkilek.. segar dipandang mato..daunnyo lancip-lancip ketek-ketek.. Lah panek baputa-puta ambo pailah malala agak jauah dari kabun, nampak dek ambo batang kayu gadang yang daunnyo laweh-laweh. Ado daunnyo nan jatuah bagai, ampia ka ambo ambiak, untuanyo nampak dek nan manjago kabun tu, kami mamanggia liau Mak Tacan. Kato liau itu adolah batang jayu jilatang rimbo..sabana gata daunnyo..kok tagisia lah bisa mambuek gata-gata , kulik jadi merah-merah gata..wah untuanglah tanampak an dek baliau tu, sahinggo salamaik ambo dari kagataran. Lah ampia tangah hari.mulai turun awan..lansuang galok hari..tando ka turun hujan. Ambo sadang di ateh batang cangkeh lah sato lo maambiak cangkeh..mulai bagoyang batang cangkeh ko.kancang angin tibo-tibo.. Basorak papa ka ambo. Piak..jan turun lo dulu.pacik arek-arek batang no tu. Dek ambo nan ketek tantu mudah dek ambo malakok kuek ka batang kayu tu.lah baayun-ayun ambo di batang kayu tu lah ampia satangah jam..baranti angin tu..disuruah kami turun sadonyo dek Papa..baliak ka pondok nan talatak di tapi lading. Salasai mambasuah kaki jo aia nan di sauak di mato aia kaciak di dakek dapua pondok tu. Siap- siap sadonyo makan.. Makan nasi bungkuih daun pisang nan baun daun pisangnyo lah marasuak ka dalam nasi, dek pas di tungkuih, nasi pas baru basanduak dari pariuak dek Mama di rumah.. Padohal samba kami ukatu tu cuma maco teri balado jo talua bulek, tapi ambo raso.. itulah makan nan paliang lamak nan ambo rasoan.banyak plusnyo. plus suasana.. plus latiah jo litaknyo..plus pemandangannyo.. plus sajuak cuaca..plus bunyi aia nan maalia dari mato aia.hm..nan jaleh alun basobok dek ambo makan di restoran atau pujasera maa pun di rantau ambo ko nan salamak makan di rimbo ukatu tu..makan barami2 badunsanak.cilok2 samba..bagalak-galak.. Lah sudah makan sadonyo ..pai maambiak udhuak di mato aia di balakang pondok tu.lah salasai lo sumbayang sadonyo.duduak2lah kami di pondok maota-ota.. diantaro ota nan ambo ingek adolah ambo mananyoan ka Papa baa dek ndak buliah ambo turun ka bawah (haha turun tantulah ka bawah Piak.. Piak..) kutiko angin kancang tadi? Kato Papa kutiko.Batang cangkeh nan ambo naiki tu bacabang duo ditangah-tangah batang..jiko ambo lakeh2 turun..bisa2 ambo di baok angin dek dahan nan sabalah tu dipatauik an ka dahan nan ciek lai.. bisa tasapik gau kuduh Piak kecek Papa ka ambo.. Angin di rimbo bisa tibo-tibo sajo datang mode tadi tu.kancangnyo angin kalo awak diateh batang kayu tu bisa dihampeh2kannyo awak.. Nan ambo tamanuang manuang sajo mandangakan.. Sudah tu ambo mandangakan Mak Tacan maota jo Papa.Kapatang ko ado urang Basobok jo sarang harimau Tuan.. kato Mak Tacan ka Papa..tampeknyo ndak jauah dari tampek awak ko doh.. Kiro2 sapandakian bukik dari siko. Si Anu siranu di ateh tan mati tasapik dek manabang batang kayu gadang.baru sabalah nyo tabang batang kayu tu baringkak duo..jatuah ka arah inyo. Dek salah paretongan ndak kecek papa..antahlah Tuan..disinan lo aja no mungkin. kecek Mak Tacan.. Agak turun ka bawah ka arah pasawahan ado tabek ketek nan di tapinyo ado banda nan baayia janiah..banyak ikan ketek2 nampak lari2 ambo kajuik i. Cubo tadi Abang baok panciang kato abang..mamapeh awak..kok dapek ikan paweh wak baka lansuang..hm..nyam2..hehe.. Konon kato Mak Tacan, tabek tu banyak isinyo..ado mujaia..nila..paweh jo ikan ameh..nan di batang aia ketek tu.. banyak ikan putiah..(wader/ mode ikan sungai ketek2 cando ikan maninjau). Ndak bisa kami cokok I do.. dek pancokoknyo indak ado.. Lah condong lo matohari ..lah sambuah cangkeh nan di panen hari tu.. dimasuakan ka dalam karuang (sumpik padi) kutiko tu ado ampek karuang nan ka dibaok turun, nan lainno batinggakan di pondok, bisuak ka diulangi dek Mak Tacan maambiak karuang tu turun baliak.. Ibo ambo mancaliak sadonyo mamanggua karuang cangkeh kutiko tu..Abang Cudek, Abang Knop, Papa sama Mak Tacan adonyo mamanggua karuang cangkeh turun, nan Abang sorang li kebagian disuruah mambaok tas2 perbekalan, nan ambo maoncong-oncong sajo jot as ketek ambo nan lah ringan dek nasi tungkuih lah habih. Sapanjang jalan turun dari rimbo tu..tadanga suaro-suaro binatang rimbo nan cando manyorak an kami..tarutamo suaro Umboh-umboh (Siamang) bacampua suaro cingkariak/ uwia-uwia..suaro rantiang-rantiang..antah suaro apo laih..ndak tau ambo doh..simponi rimbo nan sajuak di hati.. Kutiko satangah pajalanan turun lah ampiang tibo di dakek kampuang..turun hujan cando batutuahan dari langik.nan ambo pacapek langkah ambo dek langkah ambo nan masih kaciak umua 6 th ukatu tu harus baimbang jo Abang-abang, Papa nan lah bagageh dek kabarek an mambaok karuang cangkeh turun. Tapi kami happy.sadonyo.bagarah-garah.babarapo kali ambo taluncua tasialia dek jalan tanah liek nan licin dek hujan..jatuah taduduak..Duk.hehe..tapi dek hati sanang..bataruihan sen jo galak-galak..lakeh-lakeh turun ka kampuang. Tibo di rumah nenek, di kampuang..Lah taidang nasi angek jo sambalado jo goreang mujaia ketek-ketek nan masiak..tambah jo tumih sayua bayam..hmm.lagi2 nyam2. (Nenek. semoga kubur nenek terang dan luas.. amin.) Batam, 20 Mei 2009 Sebuah kenangan manis yang menimbulkan jutaan rasa di hati.. Wassalam Rina, 32, batam --~--~---------~--~----~------------~-------~--~----~ . Posting yg berasal dari Palanta RantauNet ini, jika dipublikasikan ditempat lain harap mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi/dibanned: - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama - DILARANG: 1. Email attachment, tawarkan disini & kirim melalui jalur pribadi; 2. Posting email besar dari 200KB; 3. One Liner =========================================================== Berhenti, kirim email kosong ke: rantaunet-unsubscr...@googlegroups.com Untuk melakukan konfigurasi keanggotaan di: http://groups.google.com/group/RantauNet/subscribe -~----------~----~----~----~------~----~------~--~---
