Kok dikana Maso Ketek Banyak pangana nan ka mandakek Pulang sikola di hujan labek Sanang balari tilanjang bulek
Main aia sabana sanang Sadangkan kabau suko bakubang Indak babaju batilanjang Indak malu dicaliak urang Aia tu Rahmat dari Ilahi Sabana parlu kito nikmati Sarato badoa patang jo pagi Janlah lupo satiok hari Walau banyak parangai maso ketek Banyak juo tabawo sampai gaek Katu ketek tilanjang sambia bagaluik Lah gaek baranang basarawa cincuik Untuak mangana maso ketek Pajalanan iduik acok diingek Ulang tahun dikana saketek-saketek Sambia baranang di dalam tabek Kok dikana maso ketek Kini baumua tujuah puluah ampek Mancumbok kapalo di dalam tabek Tabayang nagari Ampek Angkek Tadanga di urang kacobeh gaek Baragan wartawan tukang surek Bawawancara sagalo saketek Ditulihnyo carito jo foto ciek ... Di dalam aia lai takawo galak Di internet lai tampak Walaupun linknyo ndak Caro Awak Dituncik sajo lah tacelak :) http://www.santacruzsentinel.com/localnews/ci_12030675 Salam, --MakNgah Sjamsir Sjarif Di Tapi Riak nan Badabua Di Subarang Lauik Basa Santa Cruz, California, USA --- In [email protected], Boediman Moeslim <boedm...@...> wrote: > > Maaf, panulih BAINISIATIF mambuek gurindamko akibaik dari sentuhan hati nan > DIMULAI dari dunsanak Yanto. Nah, panulih tapanciang juo jadinyo. Maaf kan > ambo Rangkayo Iffah, tamasuak sanak Yanto. Wassalam. Tan Lembang. > > GURINDAM: > BAKACIMPUANG DI TABEK GADANG > > Uni Iffah mangana maso saisuak > Katiko masih suko baluluak > Pandidikan pun alun batukuak > Apolai badan alun babantuak > > Takana maso kanak-kanak > Ukatu ketek nyo urang awak > Babaju indak, basarawapun indak > Basamo kawan saling galak-manggalak > > Batapo sanang wakatu itu > Bamain jo kawan-kawan dulu > Sampai Indak mangana wakatu > Bakacimpuang di tabek Si Upiak Oncu > > Sinar matohari nan baitu paneh > Manyangek badan samakin kareh > Indak namuah ba maleh-maleh > Jo sia sajo indak babateh > > Sangaik bahagia wakatu ketek > Kaja bakaja di dalam tabek > Bakacimpuang jo kawan arek > Walau badan batilanjang bulek > > Indak ado pangana ka diculiak > Atau di ganggu pareman cantiak > Kini wakatu lah baririak > Banyak urang nan santiang-cadiak > > Samantaro tabek gadang kini lah kosong > Dikatu malam ataupun siang bolong > Kini nan cadiak lah pandai babohong > Baiak di kota maupun di korong > > Mari kito tolong manolong > Maisi tabek nan tadi kosong > Dulu salalu bagotong royong > Kini tingga kosong malompong > > Lembang, akhia mei kosong sambilan > Tan Lembang (L, 52) > Lembang, Bandung > > ________________________________ > From: hanifah daman <iffa...@...> > To: [email protected] > Sent: Sunday, May 31, 2009 2:07:42 PM > Subject: [...@ntau-net] BERKECIMPUNG DI TABEK GADANG > > > BERKECIMPUNG DI TABEK GADANG > > Sinar matahari yang langsung menyiram bumi > Tanpa hambatan awan > Menjadikan hawa di sekitar kita terasa panas > Apalagi tak ada pula pepohonan yang rimbun > Yang memberikan rasa sejuk di sekitarnya > > Ku ingat kembali ketika masih kanak-kanak > Bila mentari bersinar terang > Udara lebih panas dari biasa > Usai bermain apa saja yang musim > Dilanjutkan dengan mencebur ke Tabek Gadang > > Sebelum mencebur ke Tabek Gadang > Baju di buka hingga bertelanjang > Ambil ancang-ancang > Satu dua tigaaaa > Biiiuuuuuurrrrr > Pak pung pak pung > Bunyi kaki menghempas air > Sementara tangan mendayung > Kadang-kadang menyelam > Muncul lagi sambil berperang air > Dan bersorak dengan riangnya > > Masa kecil yang indah > Laki-laki dan perempuan semua berteman > Tak ada malu > Tak ada takut > Tak ada kejahatan > Terhadap anak perempuan > > Berbeda dengan sekarang > Entah ke siapa anak perempuan akan ditumpangkan > Bahaya mengancam setiap saat > Baik oleh orang tak di kenal > Maupun oleh orang dekat > Berkecimpung di Tabek Gadang > Dengan bertelanjang > Selalu terkenang dan > Terbayang-bayang > Apalagi ketika suatu hari > Kakakku mengambil bajuku di tepian > Dan membawa bajuku pulang > > > Bengkulu, 31 Mei 2009 > Hanifah Damanhuri --~--~---------~--~----~------------~-------~--~----~ . Posting yg berasal dari Palanta RantauNet ini, jika dipublikasikan ditempat lain harap mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi/dibanned: - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama - DILARANG: 1. Email attachment, tawarkan disini & kirim melalui jalur pribadi; 2. Posting email besar dari 200KB; 3. One Liner =========================================================== Berhenti, kirim email kosong ke: [email protected] Untuk melakukan konfigurasi keanggotaan di: http://groups.google.com/group/RantauNet/subscribe -~----------~----~----~----~------~----~------~--~---
