Assalammualaikum Wr Wb jepe dan dunsanak sapalanta yth Uraian jepe tatang layang-layang iyo sabana langkok dan tuntas tas tas tas he he he. Tapi iko untuak layangan nan dimainkan perorangan. Nah kini layangan nan ka dianjuang adolah layangan nan talino di pacik banyak urang. Awak bayangkan sen awak sadang manaikakkan baronsai nan pilem kung fu jadi layang-layang. Tali utamo duo, di pacik CAPRES dan CAWAPRES, tapi ado lo tali nan lain nan indak tampak sacaro kasat mato, tapi pangaruah no gadang ka tali utama. Kalu di jaman Bapak Suharto, ado ibu Tien nan kato urang go eh ... salamo pamarinrahan Babe nan 32 tahun dun, cuman satahun sen babe nan mamarentahno, salainno ibu Tien. Di jaman Gusdur .. ado tukang bisiak nan canggih. Di jaman Mega .. pasukan jaket merah labiah dominan. Nah nan binguang uni mancaliak ... banyak bana nan batuka jaket . Cubo bukak kodak di jaman Mega ... bandiangkan jo kadak di jaman SBY_JK ... kok di lindik-lindik .. jaket no sen nan bibatuka .. urang no itu juo baru. Bukak lo kodak lamo di jaman babe liak .. eh itu lagi itu lagi .... Nan batuka baju gon manurik uni, nan pandai mambaco angin. Kama angin kancang ka sinan no pai ... Baa di jepe du pandapek uni dun ?? Jawek capek-capek yoh, uni tunggu. Nan jaleh JAKET BIRU< MERAH dan KUNING nan ka jepe kibarkan dun, indak ado ragino nan tapek li doh, Alah kanai luntur sadono Salam Hanifah
--- On Fri, 6/5/09, Jupardi <[email protected]> wrote: From: Jupardi <[email protected]> Subject: RE: Bls: JAAN PAKAI BANANG KACO: [...@ntau-net] Election of NEW Presiden To: [email protected] Date: Friday, June 5, 2009, 11:38 AM Sanak Suryadi Batua bana, dipalanta ko yo lah maanjuangkan layang-layang dunsanak kito, terserahlah nan ma bisuak nan katagak tali jo tinggi diantaro tigo layang-layang nan alah dibahas tuntas dari sagalo aspek, pasan sanak pas pulo mah nan namo main layang-layang darek nan cogah apolai katigo layang-layang ko buliah dikatokan BINGKAI LAMO bana nan dipasang baliak karate Minyak ado tigo warn amah (Merah, Biru dan Kuniang ditambah rede-rede untuak mampacogah layang-layang ko jo warna nan lain baik badannyo, tandan maupun ikuanyo nan bajelo-jelo), ukuran bingkai ko yo Gadang-gadang dan leba, ibaraiknyo kok awak ketek dulu sabana ilang awak kok maanjuangkannyo, nan layang-layang ka balomba ko yo lah layang-layang nan mumpuni lah lengkap syarat2nyo untuak maju ka galanggang. Baa kecek sanak yo main layang-layang ko jaan jo BANANG GALEH, aturannyo pun bantuak itu kok lomba layang-layang darek nan gadang-gadang ko bukan jo banang galeh dimainkan tapi jo banang tetoran silahkan sajo piliah ukuran banang ko, iko bukan maadu sia nan “PUTUIH” duluan sabalun di Nilai Juri (Dipiliah rakyat), tapi maadu sia nan paliang tinggi jo tagak tali, jadi dipadiakan lah dulu masiang2 layang ko di loro, diegang, dimainkan, lenggang lenggok ka naik apo kah manggegek, barek katandan, singik wakatu manjalang tagak tali (Hari H), jiko lah sampai wakatunyo rakyat nan badarai mangecek, TAHANNNNNNNNNN…mako bisa dicaliak dari bawah sia nan Tinggi jo Tagak Tali..yo ndak. Jampang saputaran juo lomba layanag-layang darek Indonesia ko salasai permainakan, tapi kok ado sakironyo nan samo Tingi alun maksimal lai Tingginyo, ciek gugur, mako diulang baliak lah balomba di putaran kaduo. Banang galeh hanyo untuak maadu layang-layang maco nan ketek-ketek, memang hasil akhirnyo sia nan putuih itu nan kalah, dilayang darek indak maadu banang, sia nan jaek punyo “setelit” lo sadang ka balomba manyorong lo BANANG KACO/GELASAN..sahinggo disemba bananag layang-layang darek ko..putuih..sarupo pengalaman ambo ketek dulu…BISA KITO BALEGO PAGAI..Chaos..berdarah-darah..kok jaman awak ketek dulu walau balego pagai, ado juo nan malaria, lai indak sampai “berdarah-darah’ paliang bakapeh sengenek hiduang tu bangkak di kaniang ndak baa rasonyo tando awak nan main layang-layang lai LAKI-LAKI mah. Tapi kok main layang-layang darek 3 buah nan santiang ko kanai BANANG KACO..lego pagai..ambo takuik ndak ado nan MALARAI nyo akhirnyo..Chaos, dongkak tabang bertebangan dimana-mana baitu sipak tarajang jo tinju..bajadi-jadi bukan bangkak2 lai nan dapek..tapi lah berdarah2 dibueknyo, dua sajo tampek maantaan dek Lego Pagai bantuak iko…RUMAH SAKIK jo KUBURAN (Kalau di Padang Ka JALAN JATI ATAU KA TUNGGUA HITAM). Kito caliak molah, mudah2an permaianan ko lai mamakai banang Tetoran, indak banang kaco,…semoga Wass-Jepe Tadi lah ambo dangan lo liak lagu Queen FAT BOTTOM GIRL…galak surang ambo takana Pak R Pitopang di Dublin, carilah kaset/CD Queen nan ado lagu tu Pak RP, bia jaleh bana duduak pakaronyo ha..ha..ha…danga yo..lewakan dek Pak RP baa bana lirik lagu Fat Bottom Girl dari Queen ko..salam --~--~---------~--~----~------------~-------~--~----~ . Posting yg berasal dari Palanta RantauNet ini, jika dipublikasikan ditempat lain harap mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi/dibanned: - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama - DILARANG: 1. Email attachment, tawarkan disini & kirim melalui jalur pribadi; 2. Posting email besar dari 200KB; 3. One Liner =========================================================== Berhenti, kirim email kosong ke: [email protected] Untuk melakukan konfigurasi keanggotaan di: http://groups.google.com/group/RantauNet/subscribe -~----------~----~----~----~------~----~------~--~---
