Assalamualaikum Wr Wb
Sanak Suryadi di Nagari Ateh Angin jo Sanak Palanta RN nan Mulie Ambo..lah baco postingan sanak samalam di rumah, satantang duduak manyuduik sajo di Palanta sambia mangguluang rokok nipah jo main domino Galak-galak ketek sajo ambo, lai ampia samo sajo ambo jo sanak mah, baa bana situasi kok duduak di palanta lapau kalau situasi saketek angek..yo bantuak itu bana Nan Partamo istilah Main Domino nan sanak caritokan tu Kok di Lapau urang sadang bakucatak jo bakuhampe main domino..apolai sempat bapaneh-paneh,, kok jo lawan ndak baa juo rasonyo, tapi kadang2 jo Mandan bagai bapaneh dek salah paretongan batu ko..misalnyo lah jaleh balak anam ko punyo Mandan..basumangaik lo mambunuahnyo bara lah kahampe batu domino ko mamakok balak anam mandam raso kapacah meja tu deknyo.. dek sakiang hampenyo maleset tibo dimeja..ndak ado lai manggalatiang sakali batu domino ko siap2 sajolah awak mailak nan duduak disuduik ..hampe nan sabana hampe batu ko dek sumangaiknyo mambunuah balak anam salah paretongan ko yo luar biaso galatiang batu ko ka udaro, ibaraiknyo tibo dikaniang penonton bisa bangkak mah..nampaknyo kok main domino di lapau nan angek..yo rawan cedera juo mah bagi panonton nan sadang manyuduik duduak di palanta lapau. Main domino ko bia agak sero ambo paratikan dilapau-lapau sambia mairuik teh talua yo batanang-tanang manyorongkan batua ka meja, bapikia elok2 apo nan ka disorongkan bia lah agak lamo senek (tapi jaan lamo bana lo kanai sarengeh lo dek Mandan maupun lawan bantuak iko istilahnyo "lamo bana waang bapikia mah..salasai lo masajik ciek manunggu waang..capek lah sorongkan batu tu". Nah katiko batu ko disorong lambek2 katangah meja sambia mairuik teh talua, sakali-sakali bia suasana agak rami senek diampehkan juo batu, apolai kok lah putuih paretongan nan balak anam ko punyo lawan, mamakoknyo yo paralu kekuatan mah untuak maampeh batu ko..Lah salasai main saputaran alun game, diulak baliak kocok batu ko lambek2 lalu main liak batanang-tanang sakali-kali yo tadanga juo ampe batu nan kareh tapi lai indak manggalatiang baa kecek sanak tu, nan manonton disuduik sato lo baretong dilua tapi indak manggadua urang nan sadang main, kok lah salasai biasonyo panonton nan manyuduik ko baru kalua lo analisa ketek-keteknyo, biasolah dima-dima panonton bola tu labiah santiang lo manyimbek bola dari nan sadang main...Takana ambo sanak jaman saisuak dilapau2 kampuang awak batu dominonyo dari tanduak kabau dibuek sagi ampek samo gadang tu dilubangi sasuai jo mato domino..lai lah ado juo batu domino dari tanduak ko di kampuang2 awak ..sanak... Nan Kaduo Rokok Nipah Ahaa..awak dek samo2 gadang di pasia tantu ndak asiang lai jaman ketek2 dulu jo paisok rokok Nipah ko, iko lah karajo ambo juo sajak ketek bahuru2 jo anak2 kampuang di pasia aia tawa, sambia mancari lokan katiko pasang suruik di parak nipah, diambiak juo pucuak nipah nan bantuak tombak ko lalu dikampuakan sasudah tu dikabek, tibo pasang naik tingga dihanyuikan sajo ka tapi kampuang (balakang rumah panduduak asli aia tawa nan rato2 talatak diseputar parak nipah jo sungai nan bamuaro ka pasia kalau kini Kampus IKIP/UNP GOR nan dakek pasie tu Parak Nipah jo jaruju sansai sajo tu mah kasinan ambo ketek pai mamanciang, mandi2 disungai macam2 lah bersuka ria maso anak2 disinan). Salanjuiknyo daun mudo nipah ko dijadikan ka paisok kok lah dikariangkan dipotong-potong sasuai ukuran panjang rokok nan lazim, bapulun-pulunnyo paisok rokok nipah ko. Jadi ambo bisa mambayangkan sanak baa bana duduak manyuduik di palanta sambia mangguluang rokok nipah, kiro2 bantuak iko Daun nipah ko sanak kaluakan dalam kampia pandan tampek paisok daun nipah ko disimpan, sudah tu sana ratokan dulu daun nipah ko dek inyo baguluang-guluang (sanak kakah daun ko bia maleba), diagiah timbakau deli tu agak salayang, guluang baliak..dibaka ujuangnyo..nan sanak lah bajadi maisoknyo disuduik palanta sambia manonton urang nan sadang bajadi bapaneh2 main domino sambia tatap waspada jo batu domino nan manggalatiang beko tibo dikaniang..bisa paniang. Terakhir ko sanak suko bagarah-garah juo di palanta ko, tantu ado juo garah satantang rokok Nipah ko maso awak anak-anak dulu..ikonyo Rokok ipah ko disabuik juo ROKOK AMSTERDAM maksudnyobantuak iko ROKOK NIPAH ROKOK AMSTERDAM KOK DIISOK PIPI CUKAM INDAK DIISOK API PADAM Itulah caroto Batu Domino jo Paisok Nipah buek sanak Tantu ambo (kito) baharok palanta RN ko jaan jo Rokok Nipah Amsterdam tu.. Isok indak diisok tatap hiduik jo sagalo dinamikanyo..tapi kok ado flaming yo babahayo ambo raso.. labiah kurang..carito ambo yo mohon maaf Sanak Palanta RN nan Mulia Wass-Jepe (Pku, 40, Chaniago) The above message is for the intended recipient only and may contain confidential information and/or may be subject to legal privilege. If you are not the intended recipient, you are hereby notified that any dissemination, distribution, or copying of this message, or any attachment, is strictly prohibited. If it has reached you in error please inform us immediately by reply e-mail or telephone, reversing the charge if necessary. Please delete the message and the reply (if it contains the original message) thereafter. Thank you. --~--~---------~--~----~------------~-------~--~----~ . Posting yg berasal dari Palanta RantauNet ini, jika dipublikasikan ditempat lain harap mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi/dibanned: - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama - DILARANG: 1. Email attachment, tawarkan disini & kirim melalui jalur pribadi; 2. Posting email besar dari 200KB; 3. One Liner =========================================================== Berhenti, kirim email kosong ke: [email protected] Untuk melakukan konfigurasi keanggotaan di: http://groups.google.com/group/RantauNet/subscribe -~----------~----~----~----~------~----~------~--~---
