Assalamu'alaikum Warahmatullahi Wabarakaatuh, Manolah Adidunsanak palanta Rantaunet nan sadang manyanda di suduik2 Lapau
Rahmat Allah mudah2an untuak kito basamo..aminn.. Sungguah Rina batarimo kasih banyak jo adonyo Rantaunet ko, nan bagi rina adolah tampek untuak baraja. Baraja dalam hal apo sajo, baiak itu positive baa caro Rina mamnganalisa, mampalajari kalo bisa dilaksanakan, Dan juo nan negativenyo, baa mahadok inyo, manganalisa jo manjauhinyo. "Semua ada hikmahnya", kan baitu bait lagu-lagu acok dinyanyikan. Banyak nan Rina kagumi hasil pemikiran yang tatuang lewat tulisannyo banyak juo nan sebaliknyo, tapi bagi RIna sadonyo adolah balance of life, so enjoy it. Bukankah warna itu tidak hanyo putiah sajo tapi masih ado warna hitam, dan warna-warna yang lainnyo cando pelangi. Rina pernah tulis puisi untuk Pak Saaf mengenai pelangi ko. (Salam hormat Pak Saaf) Menanggapi wejangan Da Jepe untuak Rina juo Pak Emi dan lain2nyo, rina sangai apresiasi. Ditangah kesibukan karajo, Rina bisa sambia baraja baa caronyo untuak manulih nan rancak sasuai hati. Sahinggo hati siapun nan mambaco bisa manarimo jo angek hati. Walaupun gaya bahasa Rina agak sulik dimengerti tarutamo Uni -Uni Rina nan manis-manis nan lah jauah dirantau samulo ketek. Tapi ingin tatap manulis jo bahaso Mama rina di kampuang. Samo jo bahaso-bahaso nenek-nenek jo Inyiak-inyiak rina nan lah mandahulu (Salam 'alaika ya ahlal kubur). Sahinggonyo hati Rina tatap maraso angek walau jauah di rantau, juo Rina ingin yang mambaco tulisan Rina mode itu juo. Rina tau nan ex. Bujang di Lapau ko cukuik rami cando Mak Ngah nan janiah, Buya Mas'oed nan janiah juo, Pak Emi jo ibuk di pakan, tetap akan mangingekkan Rina jo apo nan Rina tulis disiko. Mudah-mudahan banyak manfaat kito ambiak jo ikuik bamilis di rantaunet ko. Banyak Maaf Wassalam Rina, 32, batam Btw, Da Jepe maaf baru mambaleh sebab kapatang PABX kami disiko ditembak patuih Kinilah elok baliak.. alhamdulillah --~--~---------~--~----~------------~-------~--~----~ . Posting yg berasal dari Palanta RantauNet ini, jika dipublikasikan ditempat lain harap mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi/dibanned: - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama - DILARANG: 1. Email attachment, tawarkan disini & kirim melalui jalur pribadi; 2. Posting email besar dari 200KB; 3. One Liner =========================================================== Berhenti, kirim email kosong ke: [email protected] Untuk melakukan konfigurasi keanggotaan di: http://groups.google.com/group/RantauNet/subscribe -~----------~----~----~----~------~----~------~--~---
