Waalaikumsalam WrWb. Tarimokasih mak Lembang, atas pengertiannyo terhadap dunsanak awak nan dial up atau ba email per quota, juo tarimokasih banyak atas tambahan pencerahannyao pakaro nan selalu baulang2 di ingatkan, dan juo selalu ditarimo pado footer email di palanta RN.
Samantang saran Mak Lembang, bahwa semenjak beberapa minggu ko, lah dilakukan apo nan mak lembang sampaikan dibawah, sanak2 kito nan acok talupo (ambo masih meng anggap talupo) nan agak bakalabiahan, iyo memang alah dikabek, dan kalau alah terlalu bajelo2 dan gadang atau tidak sesuai jo Adat RN, akan ditaruihkan kapalanta dengan email rang dapua setelah mangarek email yang tidak perlu lagi. Dengan dilewakan dek rang dapua, semoga kita sadar untuk selalu ingek sabalun manakan tombol send jikalau mareply, dan semoga kebiasaan yang Mubazir dan sia2 iko, bisa kito mulai pado diri kito masiang2 yang samo kito like di palanta, ingin lebih baik. Jikalau sudah terbiasa nanti, baru dilapeh baliak. Sebagai tambahan sajo, dengan mangabek (moderasi) email sanak2 ko, barati manambah karajo rang dapua, kami sebenarnya tidak mengharapkan, tapi demi kelansung dan kenyaman di palanta RN, terpaksa dilakukan, dan kami harus memantau email itu dulu sebelum lapeh ka palanta RN. Jadi sakali lai, memohon ambo, mengikuti peraturan nan ado dipalanta, tidak akan merugikan kito, bahkan malah akan membuat kito labiah disiplin, dan sanak secara tak lansung, juo membantu kami di dapua manjago kenyaman sebagian member di palanta nangko. Untuak Uni Yul (Mak Lembang, iko Uni, bukan Angku Yulmatri) berang pak RR beko, hehehehee.. nan nofend makasuik bukan tulisan uni tentang lagu tagamang, tapi replyaan uni dari buku yang dikirim mak Eltaf dari Pakan, yang mana uni tidak menghapus sebagian email dari Mak Eltaf yang gadang tersebut, jadi bantambah gadang masuaknyo ka inbox member lain, padahal email sebelumnyo alah masuak ka palanta. Kenapa selalu kita ingatkan dan peraturan itu ado di footer, karena di negara awak indonesia ko, internet masih maha uni, banyak sanak awak nan pakai plat itam dial upnyo pakai jaringan telpon, tentu dengan semakin gadang download, semakin gadang pulo mambayia, baitu juo sanak kito ba email balanganan nan mamakai quota, seharusnyo sabulan quota email jatahnyo, habis dalam saminggu dek banyak mandonload email nan gadang2. Jadi, baitu uni, talabiah takurangnyo, mohon di maafkan ambo. Wassalam Nofend St, Mudo, 33 M BKS Pauah Duo - Solok Selatan On Behalf Of Muhammad Dafiq Saib Sent: Tuesday, June 16, 2009 9:00 PM Assalaamu'alaikum wa rahmatullahi wa barakaatuhu Pado kasampatan diskusi mingguan di musajik tampek ambo shalat bajamaah, kami mambahas tantang arati adia (adil). Adia tu aratino, mampalakuan urang lain samo jo diri awak di sisi Allah, baitu kecek surang jamaah. Kok nyampang awak salah, dikecek-an urang salah, harus amuah manarimo, bukan mambulancikan mato ka urang nan manganaan bahaso awak salah. Itu salah satu tando adia. Tampak bana di palanta awak baransua-ransua ilang kaadilan. Alah tiok sabanta dikanaan, untuak mainggo jo mangiro, ijaan malapeh file nan labiah gadang ka palantako (indak buliah labiah gadang dari 200kB). Nan pasan lah bak jano pasan, nan paraturan lah bak jano paraturan. Nan sabagaian awak bailimu basi sajo. Saariko ado ciek file sagadang 558 kB dimasuakan dunsanak Elthaf (talapeh dari isino nan mungkin rancak atau indak), dikomentari Ishan one liner tanpa mangarek baban gadang singguluang batu tu sainggo tahampok manjadi 562 kB. Diulangi pulo jo caro nan samo dek angku Yulmatri, sainggo manjadi 674 kB gadangno. Ambo sarupo jo mak Sati nan kini alah pansiunan pulo iyo manggaritih dan galinggaman maagaki. Kini ambo ka mausua, ka urang dapua, supayo dunsanak-dunsanak awak nan palupo ko di kunciaan agak sabanta di lua, agak sabulan duo indak dipabiyaan masuak palanta , kalau masih indak juo mampadulian paraturan nan salalu dilatak-an di bawah satiok postingan tu. Baa gak hati...... Wassalamu'alaikum Lembang Alam Muhammad Dafiq Saib Sutan Lembang Alam Suku : Koto, Nagari asal : Koto Tuo - Balai Gurah, Bukit Tinggi 58 th, Bekasi --~--~---------~--~----~------------~-------~--~----~ . Posting yg berasal dari Palanta RantauNet ini, jika dipublikasikan ditempat lain harap mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi/dibanned: - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama - DILARANG: 1. Email attachment, tawarkan disini & kirim melalui jalur pribadi; 2. Posting email besar dari 200KB; 3. One Liner =========================================================== Berhenti, kirim email kosong ke: [email protected] Untuk melakukan konfigurasi keanggotaan di: http://groups.google.com/group/RantauNet/subscribe -~----------~----~----~----~------~----~------~--~---
