Manolah Angku Ryan di Ipoh nan budiman sarato adidunsanak palanta, Juo Pak Erinos nan mulie, Assalamu’alaikum Warahmatullahi Wabarakaatuh,
Ambo sadar di lapau awak ko nan laweh (maa laweh dari piaman????) Kulikaik jo temperament kito nan pangalapau ko kan babeda2, rambuik iyo samo hitam walaupun alah banyak juo nan mamutiah hehe.. Permintaan maaf dari ambo ko sekedar untuak mengunci topic iko ko supayo ndak bakataruihan. Silahkan manilai baapun karakter urang. BUkankah si padang ko sangaik santiang dalam baradaptasi apolai di rantau urang. Apolai buruh lo di sebuah institusi asiang, tantunyo banyak nan badaguik sajo. Cando manganyam lapiak pandan, mano nan sudah diduduak I juo (dilupoan). Hutang di ambo untuak maminta maaf sakironyo di sebahagian adidunsanak indak katuju jo tulisan ambo nan lalu tu. Apolai datang dari urang gaek nan ambo hormati baiak di palanta maupun di dunia nyato. Mungkin umua nan baru sataun jaguang, pangalaman nan baru singkek, banyak nan alun ambo pahami kironyo itu di daulat sabagai tamakan atah. Kato2 tamakan kalo kito larikan ka urang nan sadang puaso kan harus dimuntahan baliak katiko dikanaan urang. Jadi parmintaan ambo maminta maaf walaupun iko bukan Rirayo (bak kecek Da Jepe hehe) adolah suatu nan wajar dan lumrah ambo raso. Wak damai-damaikan sajo hati supayo pikiran tarang baliak. Kok ambo sato lo mamburansang kan indak pado tampeknyo doh, walaupun itu sangaik mudah dilakukan. Ndak tabayang dek ambo doh untuak mode itu. Dimalah muko kadisuruakkan sasudah itu. Mariangik bak kecek Mak Ngah. Btw, tarimo kasih banyak ateh dukungan dan paratian adidunsanak palanta, ambo sabalun manulih lai ambo tinjau2 dulu, bahkan kadang ambo ado juo komunikasi dulu jo urang dapua untuak mampatimbangan (walau ado juo nan taicia). Sahinggo salamaik apo nan di tuju. Dek ambo panggarik juo sajak kasus Dunsanak ambo Ibuk Prita dibui ndak bisa sobok jo anak..Astaghfirullahal’adzim.. Ciek laih, adaik salingka rantaunet ko kan kito ambiak juo nilai2nyo dari tauladanan kito Rasulullah SAW, untuak manyauak jan talampau dalam, bakato jo lemah lembut sahinggo urang sanang mandangakan. Antahlah kalo indak Baliau tu nan ditiru. Ambo raso kalo di palanta ko awak lah damai-damai hatipun tanang. Banyak karajo salasai dek kapalo dingin taruih. Kan mantun du???? Banyak maaf ambo nan kaciak ko talampau banyak mangoceh.. Wassalam Rina, 32, batam --~--~---------~--~----~------------~-------~--~----~ . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi/dibanned: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, kirim email kosong ke: [email protected] Untuk melakukan konfigurasi keanggotaan di: http://groups.google.com/group/RantauNet/subscribe -~----------~----~----~----~------~----~------~--~---
