Waalaikumsallam Wr Wb Pak Ramadhanil Pitopang dan Dunsanak Palanta RN yang Mulia
Terima kasih Pak RP, alhamdulillah tulisan ambo lai mambuek Fresh Pak RP nan sadang manuntuik ulemu di Dublin, satantang postingan Pak RP iyo agak tasirok darah di dado ambo, dek manyabuik MAkHUDUN SATI, lansuang ambo manarawang maingek Urang Tuo laki2 ambo nan di Padang, gala adaiknyo bana Pak RP nan turun dari Mamak rang gaek ambo ko namo lengkap urang tuo ambo tu ko jo gala adaik tu M DJULI MAkHUDUN SATI (Suku : Melayu) itu saketek tantang gala rang gaek ambo nan tanyato ado di Aceh sarupo nan Pak RP caritokan Lalu satantang Ladiang, satahu ambo iko yo lah bahaso nan umum atau lazim diranah awak, kalau parang iyo juo tapi agak jarang dipakai dibahaso sahari2 dtarutamo dikampuang2 ranah awak nan hiduik agraris, kalau bahaso Sundanyo mudah2an ambo ndak salah adolah Bedok..he..he. Nan ladiang ko yo babagai lo ukuran jo bantuaknyo mah nan kadang2 disasuai kan untuak apo digunokan misalnyo untuak mambalah kayu babeda jo ladiang manabeh samak. Tapi nan jaleh ladiang nan di pacik-pacik si Pi’i dalam episode si Monen ko sabana panjang Pak..ladiang panabeh samak bana, walau ladiang si Pi’i ko maja, apopun caritonyo urang takuik mah sakampuang ko si Pi.i mararah jo maogoh urang jo ladiang ha..ha..ha. Kirimlah ka ambo japri Pak RP foto ladiang tu, tapi ka email kantua ambo bia agak kancang senek man down loadnyo iko alamaiknyo ([email protected]) Bilo2 ambo yo kok lai Pak RP maluangkan waktu ka badiskusi jo Pak RP satantang Flora di Hutan nan ilmu Pak RP bana, kini ambo sadang manangani HCV ambo raso Pak RP pasti tahu apo tu HCV (High Conservation Value) atau dalam terminalogi awak NKT _Nilai Konservasi Tinggi, jadi salah satu aspeknyo adolah Flora2 nan banilai Konservasi Tinggi di suatu kawasan Hutan, iko harus dilindungi tantu dengan babarapo indicator/scoring untuak manatukan kawasan Hutan itu tamasuak NKT, jadi kini ambo yo ssadang ma assessment HCV ko, ambo ketua assessor lansuang turun ka Hutan (Hutan di Pulau Rupat), lah limo hari ambo masuak kalua Hutan di Rupat minggu ka balakang jo Konsultan dari Bogor. Mudah2an Pak RP bisa babagi ilmu jo ambo untuak jenis2 flora di hutan nan banilai konservasi tinggi. Intinyo NKT ko tigo aspek Lingkungan, Flora dan Fauna serta Sosial, Budaya baik di Hutan maupun diluar kawasan Hutan (masyarakat tempatan) itu saketek Pak RP seputar NKT, maaf ambo kok lah tahu banyak Pak RP iko sekedar babagi juo jo Pak RP tamasuak jo dunsanak2 di RN nan bergerak dibidang lingkungan atau kawasan2 hutan konservasi. Wass-Jepe (44, Pku, Chaniago) --~--~---------~--~----~------------~-------~--~----~ . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi/dibanned: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, kirim email kosong ke: [email protected] Untuk melakukan konfigurasi keanggotaan di: http://groups.google.com/group/RantauNet/subscribe -~----------~----~----~----~------~----~------~--~---
