Mak Ngah jo Ibuk Isna nan janiah, Assalamu'alaikum warahamatumatullahi Wabarakaatuh,
Di balakang rumah ambo di Bukiktinggi ado bukik nan banamo bukik Luak Anyia, adolo nan manyabuik bukik gulai bancah. Bukik ko kini di pancuang urang dibuek jadi kantua Walikota Bukik. Ambo caliak di wikimapia, bukik ko kini lah jilah. Lah jadi kawasan nan banyak gedung2nyo. Padohal bukiktu adolah bukik pasia. Jikok saisuak tu kalolah hujan hari, mako di jalan dimuko rumah lah mamutiah dek batu apuang jo kasiak putiah nan tabaok aia dek ado nan mangaruak pasia di tapi2 tabiang bukik ko. Pas dibulakang rumah ado pandam pakuburan Urang Gulai Bancah dibaliak pakuburan ko ado samak samak baduri nan kami sabuik batang robai. Buahnyo samo rasonyo jo strauberry. Apo Mak Ngah pernah makan buah robai ko?? Masam-masam manyih. Ambo acok kalua masuak bukik tu saisuak dek manggubaloan kambiang samo-samo jo abang-abang ambo. Kami dapek kambiang sikua batihno dek abang juara umum mangaji. Dikawinan kambiang tu jo kambiang jantan Nyiak Haji Kambiang (dek liau manjua bali kambiang) dek Papa. Sahinggonyo kambiang kami baranak pinak jadi sabaleh ikua. Kini antah lai adoh juo robai di bukik tu ambo ndak tau laid oh. Lah banyak nan ditarahi urang disinan tun. Wassalam Rina, 32, batam --~--~---------~--~----~------------~-------~--~----~ . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, kirim email kosong ke: [email protected] Untuk melakukan konfigurasi keanggotaan di: http://groups.google.com/group/RantauNet/subscribe -~----------~----~----~----~------~----~------~--~---
