BUKITTINGGI - MERAK Tanggal 9 Juni lali ada konferensi ICMSA ke lima Ajang berkumpulnya orang matematika dan Statistika sedunia Nggak lama sih... hanya tiga hari saja Tapi tahun ini tuan rumahnya Indonesia Lokasinya pun di Bukittinggi kota wisata Tempatnya di Hill Hotel dan ruang Balai Sidang Bung Hatta Tepat di depan jam gadang kita Hm... ada alasan kabur dari negara Ibu Indira
Di tempat acara, saya bertemu lagi dengan Uni Yenita Roza Tentu saja untuk yang kesekian kalinya Da Gindo Arisman Adnan hadir juga Kamipun asyik mengota-ota Sambil bergarah-garah juga Dasar semua tukang ota Ota kami kesana kemari tak tentu rimbanya Sampai mulut berbusa-busa Tapi... eittt, tunggu dulu ya Rasanya ada sesuatu yang hampir terlupa Oh iya... menelpon ayah Syamsir di dangau Sitawa Nanti kalau dimarahi ayah untuk kali yang kedua Takut juga... Dan Alhamdulillah, ternyata ayah sehat-sehat saja Break acara, ni yeni ngajak kabur Asyik Ni, saya bilang, yuk kita ke Aur Da gindo tertawa, hehehe... dasar mak-mak ngawur Berdua kami meluncur Menuju ke pasar Aur Syukur-syukur kalau bertemu penjual cindur Atau yang jual bubur Aduh... terbit rasanya air liur Masuak toko kalua toko Pasa Aua Kuniang dikuliliangi juo Cek merek, bandingkan harago Sekalian sambia cuci mato Maklum se lah yo Amak-amak kan memang itu hobby nyo Panek di toko manyiliak-nyiliak Paruik lah mulai mamakiak Cacing di dalamnyo pun lah ma hariak Oi... gizi den jan sampai di cakiak Makan awak lu, kato Ni Yeni babisiak Baranti kami di rumah makan di kios sabaliak Harum gulainyo sabana manggalitiak Tapi awas... jakun mak ngah beko turun naiak Mambayangkan lamaknyo makan si upiak-upiak Bapasanlah nasi jo dendeng balado nan badariak Sangajo mainda dari nan batulang jo nan basisiak Karano kami takuik tacakiak Apolai kalau tacakiak di tulang itiak Incek mato bisa tabulaliak Masih untuang kalau ndak sampai tapakiak Ampun dek ... Piak... Salasai acara, tambahan libur ambo mintak Pulang ka Kukuban nan tacelak Udaro barasiahnyo ma ubek dado nan sasak Sekalian malapeh taragak Tarutamo bana manengok kuburan abak :-( Kini lah babaliak ka nagari Nehru Tangan jo kaki ambo masih kaku Badanpun taraso ngilu Di sambuik pulo jo suhu nan panehnyo sarupo di muko tungku Kulik lah padiah raso di pantak ulek bulu Ondeeehhhh, buuu... Ka barangkek ka Dublin pun kini jadi ragu Sabab ndak takaja lai dek wakatu Ah... bia se lah dulu Mungkin alun rasaki awak tu Tantu Tuhan nan labiah tahu Mandarek di New Delhi matohari lah ndak nampak Ambo taruih ka asrama padusi milik kampus nan lumayan rancak Mukasuik ka lalok lamak Tapi parak siangnyo ambo ta sintak Burung di atok lah mulai mamakak Padohal mangaratipun ambo bahasonyo indak Tapi kalau di agak-agak Kiro-kiro aratinyo: Amak... amak... Ka sumbayang subuah ndak? Dek musajik indak banyak Azanpun ndak sampai ka talingo awak Jadih... ambo sumbayang subuah yo nak... Eh... buruang di atok kok masih juo mamakak Apo ko lah nan mereka kahandak Apo karano lah tigo minggo ambo indak nampak Maagiah tahu ka pai pun indak jadi barangkali mereka lah taragak Untuak makan roti dadak Okeee.... saba yo nak... Dari lantai ampek ambo turun marangkak Manuju lantai satu asrama awak Di sinan bakumpua si tukang masak Asik manyiapkan sarapan pagi anak-anak Maliek ambo datang mereka mandongak Eh.. lah babaliak mah madam dari pulang taragak? Alah, tadi malam, jawek ambo nan lah sadang tagak Kini tugas rutin madam? tanyo mereka sambia mamasak Iyo... jawek ambo sambia galak Baa ka indak Tiok pagi biasonyo tukang masak galak-galak Baa kok madam Desfi selalu mamiliah roti jo rimah nan tacampak Atau mangumpuakan makanan kariang nan tasiso di piriang sarapan pagi kawan nan taserak Kadang ambo potong dulu kotak-kotak Sagadang butiran jaguang masak Untuak apo tu madam? dulu mereka batanyo sarantak Untuak burung merpati jo buruang merak Nan lalok di ateh atok asrama awak Jawek ambo... ibo awak Lagipulo mubazir tu ndak rancak Ha... merak makanannyo serangga ndak? Tanyo mereka tacingangak... Hey... peacocks eat both plants and meat They like grains as well as small insects, jawek ambo jo bahaso inggirih malagak Mereka taburai dek galak Jo muluik nan laweh tabukak Lamo lambek kebiasaan ambo tu jadi kucikak Di ruang makan asrama nan bameja banyak Kok ado roti panggang kawan nan agak kareh takarak Langsung mereka hadok kan ka ambo jo gaya nan kocak Ta, ka nio iko ndak? Di buruang kan lamak Dan you nan suko mamintak Maklumlah... si Desfitri tu kan amak buruang merpati jo buruang merak Garah nan lain pulo satangah basorak Ambo pun tagalak Alamaakkkk Sajak bilo murai baranak merpati jo merak? Dapek roti saganggam ganok Ambo langsung ka ateh atok Nan pelatarannyo data bantuak ubin talakok Matohari pun lah mulai mancogok Buruang-buruang ruponyo lah manunggu panuah harok Lah tigo minggu mereka maratok Baa kok amak lah antok-antok Apo lah tabang di bao asok Dek pulang kampuang ma ungkok-ungkok? Eh... indak, ko nyo tibo mambaokan roti sa onggok Kini... buruang-buruang lah makan kanyang Mereka lah bahamburan tabang Paliang-paliang babaliak di hari patang lalok di atok dek takuik di makan anjing gadang urang Tingga ambo mambayie utang Kurang lalok dek lamo di kapa tabang kini ambo ka lalok gadang Tapi sabalunnyo MAAF ambo mintak Kapado apak, ibuk, ayah jo mamak Baitu juo ka adiak jo kakak Sarato sagalo dunsanak Karano bahaso ambo kini sadang bagalemak peak Hubungan judul jo isi carito pun ndak nampak.. (hehe) Maklumlah ambo kini sadang tajilapak Duduak panek tasanda di tunggak Dan kini ka bakaruah lamak ZZZzzzzzzzzzz..... Wassalam, New Delhi, Juni 2009 Rita Desfitri Murai Kukuban --~--~---------~--~----~------------~-------~--~----~ . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, kirim email kosong ke: rantaunet-unsubscr...@googlegroups.com Untuk melakukan konfigurasi keanggotaan di: http://groups.google.com/group/RantauNet/subscribe -~----------~----~----~----~------~----~------~--~---
