Patang babali lo pario. Sabanta ko baliak di gym, untuak lunch, diirih-irih pario, diirih-irih lo batang broccoli. Dirandang ikan tri jo kacang tanah. Sudah tu dituang minyak zaitun, olive oil, dioseng-oseng. Alah babaun goreng tri jo kacang tu dimasuakkan pario jo broccoli tdi. Dioseng-oseng, dimasuakkan lado giliang nan lah langkok resepno jo bawang, dasun, sagalo. Terakhir disebarkan bawang goreng. dihidangkan jo nasi angek. Ondeh... indak traso paiknyo doh. Lamak makan. Lapeh salero, badacak, banyak lo khasiatnyo.
Sudah tu dicaliak website tamak lo rang bacarito pario. http://ahmadzaki.wordpress.com/2008/07/04/sepahit-pahit-peria/?format=atom10 Angku Jepe, ruponyo MakNgah indak tahu-tahu lai lah jadi kuliner alamiah lo yo? :) Salam, --MakNgah --- In [email protected], "sjamsir_sjarif" <hamboc...@...> wrote: > > > Iyo tampaknyo Angku Zul. Ado juo purgago tu selain disabauik pegaga disabuik > penggaga atau penggagan.ambo indak tahu dan alun panah makan talo-talo lai. > > Di kampuang dahulu ambo acok makan pugago ambun. Iyo lamak. Karano lingkungan > rumah amak di daerah persawahan, ambo acok main-main di pimatang sawah dan > ilia mudiak batang aia di Ampek Angkek, Bukttinggi. Katu ketek-ketek pun ambo > sacaro alamiah ruponyo lah mancubo saketek-saketek macam-macam tumbuhan nan > mungkin dapek dimakan, dari nan paik-paik, nan manih-manih sarato nan amba > indak ado raso. > > Ado sayua ambo nan banamo Lobak Padi, indak ado dijua rang di Labuah atau di > Pasa doh. Tapi amak ambo sanang bana mauwoknyo di ateh nasi dan ambo sanang > mamakannyo. Tiok pulang dari Rantau Jauah, biasonyo ambo mintak anak-anak > mancari Lobak Padi tu. Anak-anak awak kini di kamouangpun indak tahu bana jo > Lobak Padi tu. > > Tiok pulang kampuang, ambopun populerkan bailiak "Daun Banto" nan rancak > untuak manggosok gigi. Katu mqamareso gigi ambo dulu, panah dotor gigi > batanyo dimaa ambo lahia dan gadang. Ruponyo lingkuangan hiduak maso ketek tu > manggosok gigi jo daun banto tamoak di dotor ado pangaruahnyo ka gigi ambo. > > Karano daun banto mungkin banyak khasiatnyo nan alun dikatahui urang, kok > pulang, ambo pun acok marameh daun banto tu, dipotong-potong, diblender, > diraciki aianyo, diminum jo talua tambah manisan labah. Lamak, sajuak. > Labih-labiahnyo ambo simpan di Kulkas. Diulang-ulangi juo tiok pagi saroman > maulangi jerek tingga. > > Kudo makan daun banto, rancak giginyo. Kok kuciang tamakan bingkaruang, > dicarinyo daun banto ka ubeknyo. Kadang-kadang kalau adiak ambo manampak ambo > mancari daun banto, iyo galak sengengnyo sambia batanyo, "Baa cari banto? Lah > tamakan bingkaruang lo?" keceknyo... :) > > > Kok pario, Angku Hilman, io pahik, tapi ruponyo banyak khasiaatnyo. Dahulu > hiNdakan, karano paik tu. Tiok kakak-kakak ambo makan pario, mato ambo > tapiciang, muluik ambo tacibia sambia manggelelng-geleng, marasokanpahiknyo. > Mareka nan labiah tuo dari ambo nansuko makan pario lai masih sehat-sehat > tamoaknyo. Kini banyak di Asian Market di Rantau ambo ado pario nan > rancak-rancak, gadang nan mungkin itu dinamokan pario katak tu. Sakali-sakali > tabali juo, bacubo saketek-saketek sakadar palapehi khasiatnyo. > > Untuaka tambahan bacoankito manganai macam-macam namo tumbuhan nan bakhasiat > ko caliak pulo di > > http://www.scribd.com/doc/4969901/null > > Salam, > --MakNgah > > --- In [email protected], zul amri <amry1948@> wrote: > > > > Tarimo kasi Mak Ngah informasinyo , ambo ingin tahu apokoh nan disabuik > > pegaga di Malaysia tu adolah pugago dinagari awak . Biasonyo tanamanko > > tumbuah dipamatang sawah rasonyo agak kalek - kalek . Lamak kalau dianyang > > ( urap ) . Ado ciek lai tanaman sayua nan tumbuah dipamatang sawah namonya > > tala-tala bahaso awaknyo talo-talo . Tana,man ini tumbuh merambat dan acok > > pulo dpakai sabagai sayua. > > > > > > salam : Zul Amry Piliang > > ________________________________ > > Dari: Hambo Ciek <hambociek@> > > Kepada: [email protected] > > Terkirim: Jumat, 26 Juni, 2009 06:26:46 > > Judul: [...@ntau-net] Khasiat Sayur > > > > > > Kok kurang variasi makan sayua iko saketek katarangan, > > http://benmahadi.blogspot.com/2008/09/khasiat-sayur.html > > --MakNgah --~--~---------~--~----~------------~-------~--~----~ . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, kirim email kosong ke: [email protected] Untuk melakukan konfigurasi keanggotaan di: http://groups.google.com/group/RantauNet/subscribe -~----------~----~----~----~------~----~------~--~---
