Salam Uda Yanto, Mudah2an pasan Uda ko sampai ka Tanah Abang sarato jambektan2 panyubarangan di Jakarta ko. Tapi....kok ka pulang, tangkai pangkua gak barek rasonyo. Baa lai? Tapaso dijua juo sapu tangan, kaus kaki, jo pinjaik di tapi jalan tu. Wassalam, Suryadi
--- Pada Kam, 2/7/09, yanto jambak <[email protected]> menulis: Dari: yanto jambak <[email protected]> Topik: [...@ntau-net] JAPUIKLAH BAA Kepada: "RantauNet" <[email protected]> Tanggal: Kamis, 2 Juli, 2009, 4:51 PM JAPUIK LAH BAA (Surek dari kampuang III) Lah duo surek malayang Lah panjang cando tulisan Sampai hatinyo anak dagang Indak doh ciek ba acuahkan Tamanuang jam gadang di bukik tinggi Tiok hari mahituang wakatu Mangana sumpah ma ingek janji Ikara di bao angin lalu Bagalau ratok di kabun binatang Buruang jo bondo patah salero Lai bana banyak nan datang Indak nan kontan surang juo Batambah dalam ngarai sianok Panorama samakin tagamang Sapiciang mato indak lalok Siang malam dagang tabayang Kalam hati nyo ngalau kamang Ambun pagi di lipuik kabuik Maratok tabu rang lawang Kabau pangilang nan lah lucuik Patah keloknyo ampek ampek Mamacah riak danau maninjau Indak mungkin sakik ta ubek Antah kok ramuan dari rantau Maratok hujan di bukik tui Tabiang runtuah mahampeh badan Ulah dek panek Manahan hati Batang anai nan ma idokkan Ayie angek kinilah dingin Ayie sirah barubah rono Di cupak kasieh di jalin Taluak bayua mamisahkannyo Tahisak danau di ateh Manangih danau di baruah Jaso hujan lah hilang laleh Bijo di tanam sagan tumbuah Gunuang singgalang lah mulo runtuah Gunuang marapi lah sasak hangok Siriah jo pinang lah sagan tumbuah Dagang katuju jo karakok Lah kusuik banang di silungkang Tanun takambang tak kunjuang sudah Ampek angkek jahiklah jarang Pinjaik usang sikoci ba ulah Tamanuang sagu rang koto anau Niro di tabuang lah jadi cuko Mandanga kaba dari rantau Daganglah mabuak jo ayie boto Cameh hatinyo gunuang sago Gunuang talang manatok lauik Sumpah kok jadi gulo gulo Jo batang agam kami ka hanyuik Gunuang padang malapeh pasan Araulah sabak di muaro Pulau pisang toloang sampaikan Bisiakkan ka ombak lauik cino Pulau pandan jauah di tangah Di baliak pulau anso duo Kok hancua badan di kanduang tanah Janji dagang batuntuik juo Ayie manih kinilah kalek Pantai bunguih bahati ibo Dinan tarang dagang lah sasek Di nan kalam dagang ndak lupo Tunggua hitam di kota padang Bukik ambacang kinilah rimbo Joki bakandak kudo japang Apo katenggang balang tigo Bancah laweh kinilah kariang Bukik gombak lah rato pulo Bendi lapuak rodalah baliang Kini tamanuang ndak badayo Maratok kudo di ampang kualo Nak bapacu ka payokumbuah Tandonyo dunia alah tuo Bijo barandang mako ka tumbuah Lubuak bunta lah hilang bantuak Batang tabik ayielah hilang Sungai tanang kini lah hiruak Ayie mancua di aliah urang Di padang tabiang ndak elok lai Kinilah pindah ka katapiang Tiok nan datang dari batawi Bahiduang panjang abuak karitiang Barayo haji ka tampek lain Sungai janieh lah karuah ayienyo Dagang bajanji di pantai carolin Manga jo ancol bajadinyo Lah luruih keloknyo lubuak salasieh Ladang padi lah jadi banto Bajanji buliah bahutang buliah Manga kami bakicuah juo Taluak bayua gilo manyasa Sampan urang banyak balabuah Kapa dagang nan kami danga Di tapi jalan bongka sauah Piaman indak lai laweh Sicincin lah galang galangi Dek ulah laku alang bangkeh Kinantan mamutuih tali Tasengeang batu malin kundang Dulu di hino dipakatokan Kini dicaliak parangai dagang Lah banyak nan manuruikkan Aua kuniang kinilah hitam Dulu jo galak dagang barangkek Ruponyo dagang mambao dandam Sakik bak cando ndak dapek ubek Pasa ateh lah tapanggang Pasa bawah tahimpik juo Dek lamak rayuan tanah abang Tagaruang dagang di kaki limo Dulu manjaik di ampek angkek Takalo di lapeh dagang bajalan Kok lai batoko ampek tingkek Tanyato baroda di tapi jalan Sakali lai pasan toloang dangakan Dangalah ratok mandeh kanduang Pado manggaruang di tapi jalan Elok lah pulang bangun kampuang… Panorama 2408 1994. Y.Jambak. Akses email lebih cepat. Yahoo! menyarankan Anda meng-upgrade browser ke Internet Explorer 8 baru yang dioptimalkan untuk Yahoo! Dapatkan di sini! http://downloads.yahoo.com/id/internetexplorer --~--~---------~--~----~------------~-------~--~----~ . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, kirim email kosong ke: [email protected] Untuk melakukan konfigurasi keanggotaan di: http://groups.google.com/group/RantauNet/subscribe -~----------~----~----~----~------~----~------~--~---
