Iyo, tahun 1955-58 sabalun bagolak ambo taruih maadoki kadai ST-2 Jalan Lambau tu. Dari pintu ST-2 jaleh garak garik di subarang labuah tu. Sadangkan biaya pambangunanno rassono dapek bantuan dari Amerika lo. Partamu kali urang Bukittinggi mancaliak masin-masin gadang dalam mambangun gaduang tu, manjadi paratian umum.
Kalau indak salah takana di ambo wakatu managakkan batu pertama no ado pulo acara "mandarahi" bagai. Apokoh ado lo Kapalo Kabau lo nan ditanam di sinan kurang jaleh di ambo. Wakatu urang maacuang-acuang maukua tanah untuak SMA tu kamipun dari ST-2 maulah-ulahan tanah sabalah kaujuangno di subarang jalan dari ST-2 ko, mambuek Gaduang sikolah lo sinan, mamanjang ka ilia madok ka puun ka SMA tu. Gaduang ST-Karajinan tu lah salasai sabalun ambo ka "Lua". Sadangkan Gaduang SMA tu nampakno salasai dan patukaran namo SMA-B aauSMA-1 tu nampakno wakatu ambo sadang di "Lua Nagari". Juli 1961 ambo baliak ka Bukittinggi, singgah ka ST-2, Pak Badaruddin Kaa[alo ST-2 jo Guru-guruno sanang bana mancaliak ambo segar bugar masih iduik. "Pak Bada" (Badaruddin) mambawo ambo ka kelas nan indak ado Guru no. "Caliaklah Angku Sjamsir, anak-anak ko lah manciok-ciok saroman kailangan induak. Baliak lah angku ka kelas ko hari Sinayan dih." Tapanca aia mato ambo, jadi Pak, tarimo kasih banyak, kecek ambo. Hari Sinayan ambo lah tagak baliak di muko kelas, bapintalon putiah baliak, maaja saroman tahu 1955-58. Kawan-kawan nansamo dari "Lua" masih ilia mudiak di jalanan manunggu sikiriniang sagalo macam. Saroman tahun 1956-58 ambo baliak lo ka Kayuramang maulang kaji B-I Sejarah nan lah duo tahun disitungkini sabalunno tu. Di sinanlah ambo mancaliak kawan-kawan STC Ilia mudiak dari asramano di Ateh Ngarai ka Birugo. Sakadar mangana-ngana urang-urang inspeksi Sekolah Menangah, sabalun bagolak Kapalo Inspeksi SM Sumatera Tengah di Padang adolah Pak Sjamnir, tadino Guru ambo di SMP Tanjuang Alam 1950 dan B-I Bukittinggi (1956-58). Sasudah bagolak katu Sumatera Tengah lah diciuikkan jadi Sumatera Barat, Pengawas Sekolah Manangah di Padang wakatu itu, baduo nan ambo kenal, Guru-guru ambo juo, Pak Bustami jo Pak Ahda Januar. Salam, -- SS --- In [email protected], "Sjamsir Alam" <sjamsira...@...> wrote: > > Mak Ngah, > > Batua, nan tuo adolah SMA Birugo. Di awano tahun 1959, SMA Birugo dipacah > tigo, jadi SMA A, SMA B jo SMA C. SMA B dapek gaduang baru di Lambau. > Tinggalah SMA A jo SMA C di Birugo. Kutiko ambo masuak STC September 1959, > SMA A dipimpin dek Tobing, SMA B dek Sunariaman Musthofa dan SMA C dek > Kardan. Mangko jaleh di ambo, kan kampus kami di sabalah SMA Birugo ko. > Antah baa pulo curitono, di awal 1960, mungkin dek SMA B ko khusus PASPAL > (jurusan ilmu pasti dan ilmu alam) baagiah no 1 dan SMA C khusus sosial > diangiah no 2 dan SMA A khusus bahaso dan budaya diagiah no 3. Jadi indak > sangkuik pauikno jo nama nan daulu laia. Sayang inspektur SMA sangkek itu > lah ndak ado lai, baitu juo nan saangkatan baliau lah mandaului awak sadono. > Tahun 1962 ambo sempat 2 tahun jadi guru honor di SMA 1 ko, manggantikan > Anas Syafei nan dapek tugas baraja ka New Zealand. Djufri, wako BT kini, > adolah salah satu mantan murik ambo, dan walaupun lah sakian tahun bapisah, > baliau masih ingek, dan manyapo ambo di penginapan tampek ambo bamalam di > Batusangka tahun 1980an kutiko baliau jadi Sekda Tanah Data. Tahun 62 tu SMA > B ko lah banamo SMA 1, walaupun masih takana di ambo, masih banyak urang nan > tatap manyabuik SMA B atau SMA Lambau. > > > > mak Sati (L. 72+4+28) > > asa Galuang, Sungai Pua, Agam > > Jl. Sitawa 25, Tabiang > > 0812 6600 639 Halo > > 0815 3537 3437, Matrix > > 0751 9878 980, Esia > > 0878 2175 2424, XL > > > ----- Original Message ----- > From: "sjamsir_sjarif" <hamboc...@...> > To: <[email protected]> > Sent: Thursday, July 30, 2009 11:58 AM > Subject: [...@ntau-net] TAK BISA KE SMA I BKT > > > Sabanano SMA Birugo ko nan tuo, bakeh Sikola Rajo sisuak, nan misti banamo > SMA-1. Baa mangko jadi SMA-2? Sudah tu adolo di gaduang nan samo (?) kini di > Birugo tu SMA-3. Dima takucaino? > > Sampai baru-baru ko ambo baru sadar nan bahaso SMA-1 Bukittinggi ko SMA nan > gaduangno di Jalan Lambau. Sajak lamo maninggakan Kampuang Halaman ambo > tatap mangana SMA Birugo tu nan SMA Nagari nan labiah tuo dan manyangko itu > nan SMA-1 Buykittinggi tu. Sabab, tahun 1946-47 ambo di SMP-Negeri No.1 > Bukittinggi dakek Kantua Pos, SMA ado di Birugo. --~--~---------~--~----~------------~-------~--~----~ . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, kirim email kosong ke: [email protected] Untuk melakukan konfigurasi keanggotaan di: http://groups.google.com/group/RantauNet/subscribe -~----------~----~----~----~------~----~------~--~---
