HUT EMAS ITU "TAKE 4 PAY 2"
By : Jepe Dari judul carito diateh buliah seketek di cogah-cogahkan, "Take 4 Pay 2" disingkek sambia disamarkan saketek manjadi T4P2 kok nan arati tajun bebasnyo kiro-kiro "Ambiak Ampek Bayia Duo, apo tu kiro-kiro kok dicaritokan samakin maleba. Situasi T4P2 ko ndak labiah ndak kurang iko bagian dari carito nostalgia juo di maso-maso SMA nan panuah hiruak pikuak, maso-maso kito sakolah nan bawarna warni pul kolor.Carito nostalgia T4P2 indak lupuik juo dibahas dek para alumni SMA 1 Bukik Tinggi nan memperingati ulang tahun amehnyo nan ka 50. T4P2 ko adolah kapiang-kapiang kisah dimaso-maso SMA, ado sajo Dari kawan-kawan kito nan saketek nyeleneh atau "nakal ketek-ketek" nan mambuek etek-etek, amai-amai dan uni-uni nan mengelola kantin sakolah "tapakiak" dek ulah kalakuan T4P2. Sarupo nan dicaritokan dek pembawa acara (MC) katiko malam gembira dipangguang terbuka halaman SMA 1 Bukit Tinggi seputar kalakuan kanti-kanti SMA nyo nan pai balanjo ka kantin suko ambiak kue ampek tapi dibayia duo. MC malam tu yo sabana heboh, kocak dan mambuek acara nan lah iduik batambah iduik jo sagalo guruan dan garah-garah kudonyo, suko bana maungkik-ungkik kajadian maso-maso di SMA, suko bana "mambangkikan batang tarandam" kisah-kisah cinto di SMA, sahinggo isu nan cukuik angek batambah angek dikompori dek MC sarupo CLBK (Cinto Lamo Bersemi Kembali). Kito lupokan dulu masalah CLBK dan sagalo mode jo gaya kisah cinto maso SMA rancak ambo caritokan baa bana T4P2 ko sarupo nan dikisahkan dek MC malam tu, kiro-kiro bantuak ikolah kalakuan kanti-kanti kito di SMA nan T4P2 tu sasuai jo gaya ambo pulolah bacarito tapi idenyo dari Uda nan manjadi MC tu. Tasabuik kisah di SMA 1 Bukit Tinggi jaman dulu kito agiah sajo namo kanti kito ko si Buyuang Perai. Nan si Buyuang Perai salapeh badantang bel sakolah jam istirahat pai maluncua ka kantin Etek Gadih nan talatak di lingkungan sakolah. Yo lah rami kantin Etek gadih ko dek anak-anak SMA nan istirahat pai babalanjo aneka jajanan jo makanan sekedar mangganja paruik di pagi hari manjalang luhua pulang sakolah. Si Buyuang katiko urang bagadincik semba suok kida mambali kue-kue di kantin, lah sato lo manyemba kue-kue nan dijojokan di kantin, nan Etek Gadih punyo kantin dek bakalebuik anak SMA babalanjo iyo indak taparatian bana apo kue-kue nan diambiak dek si Buyuang Perai. Si Buyuang Perai lah inyo semba pisang goreang tigo, katan sabungkuih, pai inyo duduak manyuduik manyantuang goreang pisang jo katan ko, yo lah bara ka cepak cepong si Buyuang Perai manyantuang 3 pisang goreng jo katan ko, maklumlah dari rumah inyo pai sikolah tadi pagi dek talambek jago nan mandi ala koboi alias cuci muko sajo paruiknyo diganja jo aia putiah sajo sagaleh nan goreang katan ko taraso bana lamaknyo dek lapa manggigia bana paruik si Buyuang Perai. Salasai makan goreng pisang jo katan ko manjalang badantang bel sikolah si Buyuang pai mambayia lai apo nan dimakannyo ka Etek Gadih. Buyuang Perai Tek,..tek..tek Gadih bara ambo kanai Etek Gadih Apo nan ang makan Yuang Rai Buyuang Perai Pisang Goreng ciek sajo nyoh Etek Gadih Itu sajo ndak ado nan lain..lai Yuang Rai Buyuang Perai Nggg...iyo itu sajonyo Tek... Etek Gadih Kana-kana lah dulu Yuang Rai..apo kue Etek nan dimakan Buyuang Perai Yo itu sajo nyo tek Pisang Goreang ciek, Etek Gadih Katan ..ciek ndak.... Buyuang Perai Ndak ado ambo makan katan do Tek Etek Gadih Jaan mailak ..ado buktinyo bacamin lah dulu ..liek tu sisunguik Yuang Rai ado karambia tu tatingga Opps pam pam Si Buyuang Perai ndak bisa mailak lai ditembak lansuang dek Etek Gadih dek nampak sisunguiknyo ado karambia katan pisang goreang manempe.Si Buyuang yo agak tagalencek ndak bisa mangilak lai Buyuang Perai He..he..iyo Tek..lupo ambo, katan ciek.. Tagageh-gageh si Buyuang Perai mambayia apo nan dimakannyo dek jam istirahat lah salasai bel sikolah lah badantang tando masuak ka kelas untuak mengikuti pelajaran salanjuiknyo, jadi lah dibayia dek si Buyuang ko ka Etek Pisang Goreang Ciek Katan bakarambia ciek. Ahaaa..tetap juo mah si Buyuang Perai "ambiak ampek bayia duo" dek pisang goreng ndak ado bukti padohal nan dimakannyo 3 buah pisang goreang nan dibayianyo cieknyo. Itulah kisah nostalgia di SMA, carito ko memang lah manjadi buah bibia katiko ado acara kumpua-kumpua (Reuni) dan ota senda gurau di milis-milis alumni SMA. Tapi malam tu MC nyo disampiang bagurau-gurau nan mambuek alumni galak takokah-kokah cukuik arif juo, jadi satalah MC ko bacarito T4P2 jo karambia katan nan manempe disisunguik maimbau alumni SMA supayo "batobat" salagi ado kesempatan di HUT Emas ko untuak mengakui "kesalahan bin kekhilafan" nyo dulu, kecek MC ko "Pai lah minta maaf, tamui Etek Kantin atau ahli warisnyo lalu bayia kue-kue nan dimakan dulu tapi lupo atau balupo-lupokan mambayianyo, jampang kok malu lo manamui Etek kantin ndak baa juo pabanyak sajo manyumbang untuak pambangunan sakolah awak ko terutamo untuak mambangun masajik sakolah awak nan cogah ko untuak tampek beribadah dan acara-acara keagaamaan nan diadokan SMA awak ko, Insya Allah lah salasai mah utang-utang nan suko babalano ka kantin "Ambiak Ampek Bayia Duo" Hmmm..yo lah padek bana carito nastolgia SMA di HUT Emas SMA 1 Bukit Tinggi. *** Pekanbaru, 3 Agustus 2009 PS : Kanda Nofrin kok lai berkenan posting lah ka Web WS tu sebagai di tambahan dibagian tulisan ambo nan tadahulu. The above message is for the intended recipient only and may contain confidential information and/or may be subject to legal privilege. If you are not the intended recipient, you are hereby notified that any dissemination, distribution, or copying of this message, or any attachment, is strictly prohibited. If it has reached you in error please inform us immediately by reply e-mail or telephone, reversing the charge if necessary. Please delete the message and the reply (if it contains the original message) thereafter. Thank you. --~--~---------~--~----~------------~-------~--~----~ . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, kirim email kosong ke: [email protected] Untuk melakukan konfigurasi keanggotaan di: http://groups.google.com/group/RantauNet/subscribe -~----------~----~----~----~------~----~------~--~---
