Sidang Palanta nan Budiman Khususnyo: Pak Etek Suhemi. Mamanda Parapatiah. Mando Tan Ameh. Sanak Endrinof. Kanti Nofrin. Dinda Datuak Arief. Dinda Rangkayo Mulia. Dinda Dedi Yusman
Sambah ambo sambah balirik, indak diulang pituah lamo, indak disabuik tuah surang2, indak basisiah jo basibak, salam lalu sambah kumbali. Rami kualo Banda Malako. Banyak lah kapa nan balaia. Kapa nan datang Sunda. Elok bana urang disiko. Dagang auih babari aia. Sadang takantuak basorongan banta. Batutua manih kaja bakaja, rintang bamain dikabun bungo, Jaleh tagarih rang cadiak pandai, imam katik samo didalan, ilimu panuah iman tauji, sadonyo arief bijaksano. Dilarang indak tatagah, pikiran bulek bak ambacang, disumbek cilako tibo, dilapeh basuko hati, kok untuang takadia Allah, tajajak juo tanah tapi. Tapi samantang pun baitu: Alah diindang ditampi tareh, dipiliah atah ciek2, namun tampian badadak juo. Rumik lah denai nak manungkeh, hati didalam lai saniaik, namun jantuang badabuak juo. Cubadak di Sungai Aua buahnyo tingkek ba tingkek. Dek musang indak talulua dek alang indak takiro. Buah lah ramum pangalan singkek. Disinan hati mangko tahibo. Urang Padang maani banang, dipunta mako dilipek, dilipek lalu dipatigo. Dirantang rundiang namuah panjang elok dipunta naknyo singkek, sakitu kalam dari ambo. Salam: Indra Catri Dt.Malako NP (48) Powered by Telkomsel BlackBerry® --~--~---------~--~----~------------~-------~--~----~ . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, kirim email kosong ke: [email protected] Untuk melakukan konfigurasi keanggotaan di: http://groups.google.com/group/RantauNet/subscribe -~----------~----~----~----~------~----~------~--~---
