mak ngah, buek lah buku tentang mak ngah, beko buek lo filmnyo, mak ngah kan ado lucu2nyo pulo jadi seru tuh mak ngah, mengenai perpustakaan ko jadi nostagia jadinyo yo ba'a istilah mak aslim "Basobok kaloroktu" ehhehehe mengenai perpustakaan di kampuang tantu yg labiah baperan pemuda2 di kampuang, kami yg dirantau kan cuma manyokong jo manyarankan, saroman kami di gurun, kami2 anak rantau tingga mangiriman buku2 dr banduang jo jakarta , kadang2 pemuda2 wak dikampung lai rajin mangolah kadang maleh2 bakapanjangan, nah soal iko pas pulang2 rami2 lah baru bisa dibenahi, apo yg kurang apo yg indah jaleh di rembukan rami2...., mudahan2an rencana mangabuangkan perpustakaan jo internet di kampuang kami hari rayo nanti bajalan elok2, renny,ancol masih ndak lamak badan
--- On Fri, 8/14/09, sjamsir_sjarif <[email protected]> wrote: From: sjamsir_sjarif <[email protected]> Subject: [...@ntau-net] Perpustakaan Desa To: [email protected] Date: Friday, August 14, 2009, 7:17 AM Maa Angku Hilman Mahyuddin, Sagalo saketek, dima tasingguang pernyo, carito pangalaman MakNgah di maso itu lah ado nan lapeh ka Lapau,dapek ditalusua dalam arsip. Kini dek tasabuik Sungayang, Tanjuang, tagulitik lo pangana Makngah ka maso dini pagolakan wakatu itu. Awal September 1958 ambo berkenalan jo Sungayang dalam rangka sebagian perjalanan dari Ampek Angkek ka Lintau. Daerah Tabek Patah lah ambo kenal dari maso-maso remaja dulu. Tapi lapeh dari Salimpauang, Lembah Sungayang - Tanjuang dan sekitarnyo itulah partamu kali ambo sempat bajalan kaki. Keindahan daerah tu tacelak wakatu awak lapeh dari Salimpauang. Kami baduo sapajalanan, kawan ambo Ridwan Asky dari Fakultas Pertanian Payakumbuah kenal jo Urang Sungayang, Ida Black panggilan kawan-kawannyo, sabananyo Ida Hitam, anak Angku Opsiner Hitam dari Sungayang. Kami singgah di rumahnyo, namun urang lah ijok, indak basuo jo kawan sa Alma Mater tu. Kami tinggakan Tanjuang Sungayang taruih mandaki ka Andaleh Baruah Bukik, bamalam di sinan ditempekkan dek Wali Nagari tepatan kami. Bisuaknyo kami taruih mandaki malereng jalan Bukik-bukik sabalah timur ka Puncak Pato (daerah nan disabuik-sabuik dakek Bukik Marapalam). Di lereng tu lah ambo takjub mnaliek pamandangan Lembah Sungayang lapeh ka Gunuang Marapi, berlawanan arah jo pamandangan dari Salimpauang tadi. Aia Niro Segar, dibari urang di jalan pandakian sabana manyajuakkan rakuangan dan badan. Kami taruih ka Lintau dan manapek di Tapi Selo untuak manaruihkan pajalanan ka Selatan kulilinag kabupaten Solok. Panjang carito dan pangalaman. Kito simpulkan babaliak dari Solok ka arah Agam malalui Jalan Lereng Pato nan ditampuah tadi. Apo nan MakAngah saksikan? Hati agak badampong-dampong manurun dari Puncak Pato ka Andaleh Baruah Bukik, nagari tu tingga asok-asok jo abu rumah tabaka sajo lai. Rumah Gsadang nan MakNgah tumpangi lalok wakatu ka pai ka Selatan sabalunnyo pun indak ado bakehnyo lai karano dibom api dari kapatabang pusek. Di sinan iyo titiak aia mato mancaliak dan maagak-i kama lah Rang Kampuang ka pai ijok? Kalau ijok sajo lai tampek untuak pulang, tapi kini rumah-rumah untuak pulang tu alah habih jadi abu... Dari Andaleh Baruah bukik kami maindai Sungyang maherak ka tapi bukik ka Sungai Patai mamutuih ka tapi-tapi Salimpauang maherak taruih malinteh ka ateh Tabek Patah malucuih ka Canduang ka Ampek Angkek. Suasana lah batambah angek juo namun pajalanan nan lah ditekadkan dit4ruihkan juo ... Dek tasabuik Sungai Patai sabanta ko, dalam kesempatan lain MakNgah lah rancah lo rimbo-rimbo antaro Barulak dakek Situjuah jo Sumgai Patai malalui Bukik Timbun Tulang. Saakitulah dahulu, sakalumik kisah pajalanan sakadar pambari tanyo. Salam, --MakNgah Sjamsir Sjarif --- In [email protected], Hilman Mahyuddin <hilman.mahyud...@...> wrote: > > Mak Ngah yth.Ambo kaninan bana mandanga carito2 Mak Ngah sakitar PRRI > marancah rimbo gadang,nan dek urang kini indak kan tabayangkan.Mungkin raso > tuh deek karano ambo remaja dimaso itu dan sangek respek kapara pejuang. > > Wassalam; > Hilman Mahyuddin. --~--~---------~--~----~------------~-------~--~----~ . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, kirim email kosong ke: [email protected] Untuk melakukan konfigurasi keanggotaan di: http://groups.google.com/group/RantauNet/subscribe -~----------~----~----~----~------~----~------~--~---
