Mak Boes dan Pak Zul nan ambo hormati, Memang indak kami pajaleh bana ota kapatang tu doh sebab ambo yakin setelah dunsanak awak nan alah lamo disinan juo ado surang Uni ambo nan memang asli sinan walaupun liau dulunyo asal dari makasar tantunyo harus tenggang batenggang. Nan sabananyo di M'sia ko yang punyo skill masih diprioritaskan untuak pribumi kalo nan level buruh baru mereka rekrut dari lua (kebanyakan nagari awak). Dari total penduduk M'sia 25 juta nan 5 jutanyo urang awak (Indonesia). Itupun yang tacatat di kependudukan mereka, alun laih nan illegal. Ambo raso kali duonyo baitupun manuruik Uni Sitti katiko kami maota tu. Namun walaupun tingkek buruh nan banyak disinan, urang kito ko tatap juo balomba-lomba mangaja ringgik ko kasinan. Contoh dakek sajo urang Bukiktinggi, satau ambo nan marantau ka M'sia sungguah sangaik banyak, sahinggo disinan ado kampuang nan ampia sadonyo urang awak juo. Bisa ditandoi di toko-toko juo kaki limo di pasa2 disinan (ex ; Nilai). Beda nan manyolok dari si padang jo non si padang di Nagari Malayu tu, adolah rato2 si padang adolah panggaleh salain tanago professional lainnyo.
Jadi Pemerintahan sinan kalo nak kamaambiak tanago skill dari lua ateh pertimbangan nan palik, baru mereka satujui. Itulah bedanyo di nagari awak ko Mak Boes. Contoh sajo di Batam ko, sebagaian gadang Perusahaan indak namuah malapehkan jabatan management level ka pribumi salalunyo mancari expatriate kecuali HR dept. Malah salah satu nan pernah ambo karajo salamo sataun, itu memang dipajaleh bana, sahebat2 a nalah urang pribumi ko, indak bakalan dapek peluang di jajaran level ateh kecuali HR dept. itupun dek diatur UU Ketenagakerjaan. Nyampang UU indak maatur, sado alahe bakalan dijabat expatriate. Malah manuruik peraturan pamakaian expatriate ko harus didampingi oleh tenaga ahli Indonesia supayo ado take over technology antaro urg awak jo urg lua tu. Tapi pado kenyataannyo department ketenagakerjaan kito ko ambo raso kurang personel untuak mengawasi sacaro ketat masalah iko. Pernah ambo maurus Ikta jo Kitas salah seurg expatriate nan barasa dari M'sia. Salah satu persyaratannyo harus ado ijazah pendidikan tarakhir. Ambo caliak di sijil ybs kironyo Sijil ko dikaluakan dek Sakolah tu karano yang bersangkutan indak lulus ujian sahinggo indak bisa manaruihan sakolah laih. Dek ambo ingin tau baa kinerja Disnaker ko mako tatap ambo masuakkan proposal ko. Namun itupun di approve dek Disnaker sebagai tenaga ahli. Bagi perusahaan pun yang penting skill ybs ko bisa dipakai. Disikolah latak ketidak berpihakan pemerintah awak, kalo rina caliak. Kan mrk berwenang indak mengaprovenyo dan maagiah saran supayo pakai tenaga ahli kito sajo nan labiah paten. Kan mantun du Mak. Makonyo ambo sangaik apresiatif bana jo (contoh) Perusahaan Pak Tan Ameh nan sebagian gadang nan bakarajo adolah urang awak. Mudah2an banyak nan maniru bantuak itu. Cieklaih jiko paralu material (bahan baku) mudah2an kamuko ko bisa bakompetisi jo material lua. Mah Negara wak kayo sangaik mah, masak indak bisa basaiang ateh ketersediaan bahan baku, apopun bantuaknyo. Trus cieklaih nan Uni ambo tu maraso lucu adolah kepengurusan legal document di nagari awak ko. Baa kok di batam ktp labiah maha dari passport? Kalo nan tingga di batam pasti senyum-senyum mah. Sadang di daerah lain cando di kampuang KTP ko gretong. Sangat aneh ya rina kato liau ka ambo. Nan ambo ntu sanyun-sanyun toke se nyoh hehe. Mungkin dek korupsi sudah mengurat mengakar di negeri ini ya rina kecek Uni ambo tu. Iyo Ni kecek ambo, sudah tu Negara tetangga seperti Negara Uni juo indak namuah manolong kami doh, maagiah informasi dima mereka malatakkan pitih hasil korupsi atau dima kabaradoan para koruptor tu, prediksi Rina barangkali Negara Uni banyak dapek devisa dari mereka ko dek acok pai baampok ka genting highland atau di kapa2 pesiar di perairan perbatasan. Cubo kalo sungguah2 mambantu mungkin indak barek bana karajo penegak hukum kami doh, kato Rina. Nan Uni ambo tu senyum-senyum sajo maiyokan. Itulah Mak Boes jo Pak Zul, sebagian ota ambuih-ambuih ambo jo dunsanak nagari tetangga kito ko. Barangkali ado nan indak pado tampeknyo ambo minta maaf nan sagadang-gadangnyo. Mudah2an puaso kito ditarimo Nan Kuaso, amin Wassalam Rina, 32, batam --~--~---------~--~----~------------~-------~--~----~ . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, kirim email kosong ke: [email protected] Untuk melakukan konfigurasi keanggotaan di: http://groups.google.com/group/RantauNet/subscribe -~----------~----~----~----~------~----~------~--~---
