Assalamualaikum, Masalah aie kajamban jadi ubek ko iyo agak sasak angok mbo deknyo. Baa mangko baitu?? Ambo punyo pangalaman buruak soal ko. Sangkek ketek (tahun 1978 kiro2) ambopun pernah mancubo, mato awak bacirik pagi2 jago lalok, sudah tu nan kecek kawan ambiak aie kajamban basuhan ka mato tu keceknyo. Dek karano banyak lo kawan nan mancubo dan pulo berhasil kecek nyo, dek awak nan pandia ko bacubo pulo. A nan tajadi?? Iyo babeda hasil urang jo awak, antah awak nan indak pandai malemek an aie kajamban tu, atau antah dek karano awak nan suko jariang jo samba lado. Baitu di lemek an aie kajamban tu, tigo minggu iyo indak bisa lalok dek nyo doh. Mato padiah, baria, bangkak, kalau mancaliak ditampek nan tarang silau... kasudahannyo iyo dek amak ambo di bao ka puskesmas ulak karang. Sudah tu kanai suntik ambo agak tigo kali dalam wakatu saminggu.... Alhamdulillah toloang Allah cegak mato mbo sasudah kanai suntik tu. Itu salah satu pangalaman ambo nan babeda jo pengalaman/ testimony banyak urang lain di dunia maya ko. Dan ambo yakin banyak urang nan cilako katiko mancubo aie kajamban manjadi ubek mato ... tagantuang urang amuah ndak mancaritoa pangalaman buruaknyo tu ka urang lain.....
Sacaro Ilmiah ambo mancubo mancari publikasi ilmiah/ studi nan bisa dijadikan rujukan ilmiah mengenai kasus iko. Pertamo ambo mancubo mancari di gudang ebscohost, di gudang pubmed, medline, pmc, dan berbagai gudang publikasi ilmiah kedoktean lainnyo nan standar untuak seorang akademisi kedokteran merujuk masalah kedokteran nan dihadapi. Alah babarapo hari ko ambo gili2 ... hasilnyo indak satupun publikasi nan menyingguang masalah ko. Artinyo apo?? Banyak kemungkinan memang interpretasinyo, namun manuruik pandapek ambo terapi aie kajamban ko indak masuak aka sehat samo sakali. Apo sebab?? Secaro ilmiah urang alah tau sacarao pasti apo se kandungan aie kajamban tu mulai dari aie (H2O), Kristal macam2, bakteri, sel2 mati, mineral/ion K, Na, ca, PO4, produk metabolism lainnyo tagantuang apo nan nyo makan dan perilaku urang tu masiang2 (kalau indak bisa urang tu mamaliharo alat kelaminnyo tu hadir pulo disitu kuman Gonorrhoe, virus HIV) dsb. Indak adoh satupun zat aktif nan bisa dipagunoan untuk melawan / menghadapi satu jenis pinyakik dsb. Lantas apo nan bisa menjadi alasan seseorang untuk menjadikan aie kajamban ko sebagai ubek??? Mitos kah, carito nabi kah, pengalaman pribadi nan alun tantu batua (gadang bias nyo dari carito /testimony urang), mau buat sensasi kah?. Entahlah... buek ambo aie kajamban ka di jadian ubek memang indak masuak aka sehat, kalau aka urang kalap mungkin sajo. Demikian pulo berbagai alasan nan mangkaik an kimiafarmaka, nilai ekonomi, budaya dsb menjadi indak beralasan katiko akal sehat alah mangatoan baso memang aie kajamban itu indak punyo efek pengobatan tahadok satu jenis penyakit apo lai babagai pinyakik.. Kecuali adoh lo temuan baru nan mangatoan baso sel2 glomerulus ginjal tu tibo2 baprilaku mamproduksi zat aktif antibiotika dsb Demikian mudah2an bisa mambuka wawasan saketek Rahyussalim (38 th, lk, dotor orthopaedi fkui/rscm) -----Original Message----- From: [email protected] [mailto:[email protected]] On Behalf Of Muljadi Ali Basjah Sent: Friday, August 28, 2009 5:29 PM To: [email protected] Subject: [...@ntau-net] Re: Ado lo "Seni" nyo? Assalamualaikum Wr. Wb. saluruah dunsanak di palanta RN! saya juga pernah mendengar, berita seperti ini, dan saya berpendapat bahwa kemungkinan benarnya masuk akal. --~--~---------~--~----~------------~-------~--~----~ . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, kirim email kosong ke: [email protected] Untuk melakukan konfigurasi keanggotaan di: http://groups.google.com/group/RantauNet/subscribe -~----------~----~----~----~------~----~------~--~---
