BK (17) : Basimir mangko Bakilek Iyo lah lamo Buyuang Koboy indak kapasa, tibo-tibo lah puaso pulo ari baru mancogok Liau ko, kama lah Liau rangan, mailang co kanai sarunai anyuik. Liwaik Janjang Gadang, sia pulo nan indak takajuik si Upiak Leba tapi kajuik si Upiak iyo bacampua dabok, urang puaso-puaso kok lain pulo kato nan kalua dari si Buyuang ko he..Bia lah ditanyo elok-elok (ma tahu lai ba-ubah dek puaso nanko, pikia Upiak Leba)
Upiak Leba Assalamualaikum Tuan Buyuang Buyuang Koboy Waalaikumussalam warahmatullahi wabarakatuh. Oi Upiak baa kaba diri Engkau Piak Upiak Leba. (sambia tangago si Upiak Leba, iyo barubah lah si Uda Buyuang ko). Tuan Buyuang, kama sajolah Tuan..lamo indak mancogok. Buyuang Koboy 'Mancogok' iyo indak, 'mancigok' lai Piak, dek rami urang di Pasa, kok basalingkik- salingkik, ta-ondo pulo wak bekoh Upiak Leba. Alah lain nampak Tuan kini sapatu mangkilek taruih. Topi Tuan biaso lusuah kini tarang nampak di Ambo. Mambaok simir loh Tuan, basimir taruih sapatu tarago bajalan mah yo. Buyunag Koboy Tantu iyo Piak, dek sapatu basimir buliah mangkilek tampak diurang, mancaliak dari sapatu men alah tahu urang Buyuang Koboy tibo tu mah hehe.. Upiak Leba Oi coitu mukasuik Tuan. Tapi indak baa tu doh, biaso sajo urang model tu, tapi dari pado Tuan mambali simir taruih, ancak lah sakali-sakali Tuan sadakahkan pitih bali simir tu ka Anak Yatim, balipek pahalo Tuan apolai urang sadang puaso lo. Buyuang Koboy Engkau indak tahu komah, kalau sadakah tuh subaliah gadang pahalonyo indak paralu dikicek-kicekan ka Urang. Aniang-aniang selah kalau ka disabuik juo dari Hamba Allah baa kicek urang kini Upiak Leba Tapi Tuan kalau aniang se urang nan maagiah sadakah sadonyo, urang nan alun kuaik imannyo co Tuan, ma pulo ka tapanciang-nyo. Jadi sadakah nan basabuik tuh paralu untuk pamanciang di Tuan tu mah. Buyuang Koboy. Randah pangajian Engkau tu baru Piak. Aniang selah (Tibo-tibo ado urang mintak sadakah datang ka Buyuang Koboy maonyokkan tangan mamintak pitih agak saperak dua perak.) Upiak Leba Tuan agiah lah agak satali bagai ka Urang tu 'ah, jan panek nyo, ibo wak. Buyuang Koboy Nan minta-minta ko indak buliah diagiah, lai tahu Engkau tuh Piak bekoh tarajanyo Upiak Leba Oi Tuan, satali urang mamintanyo, indak sampai bali rokok Tuan sabatang ge doh, ba-alasan jo Tuan baru. Alun lai Tuan ka baragiah diam-diam co no Tuan kicekan tu. Bulan Puaso go Tuan jan baretong Juo Buyuang Koboy Pangajian Engkau tuh nan sabana randah Upiak Leba Iyolah Tuan...nan ba-pangajian Tinggi.. Buyuang Koboy Eeep Uaden cuekkan Kau lai Upiak Leba Sst.... Tuan Puaso-Puaso, Saba, mangucap. Jakarta, 030909 DYEK ***** This message may contain confidential and/or privileged information. If you are not the addressee or authorized to receive this for the addressee, you must not use, copy, disclose or take any action based on this message or any information herein. If you have received this communication in error, please notify us immediately by responding to this email and then delete it from your system. PT Pertamina (Persero) is neither liable for the proper and complete transmission of the information contained in this communication nor for any delay in its receipt. ***** --~--~---------~--~----~------------~-------~--~----~ . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, kirim email kosong ke: [email protected] Untuk melakukan konfigurasi keanggotaan di: http://groups.google.com/group/RantauNet/subscribe -~----------~----~----~----~------~----~------~--~---
