Assalamualaikum ww.
Mak Ngah Syamsir Sarief nan jauah di Santa Kuruih .
Baa kaba Tuan , lai sehat sajo selamo puaso ko, nan ambo alhamdulullah lai ,
tapi nan sumbayang iyo duduak sajo lai , lutuik ambo kecek dokter ditumbuhi
butie-butie kapur .
Kalau indak salah di palantako panah dibicarokan sejarah perjuangan PRRI ,
sampai dima kinitu , alah salasai, Tuan kan lai sato sabagai pelaku sejarahno,
yo ?
Ambo tadi malam batamu jo Dr. Asril Umar , samo-samo babuko dirumah kamanakan,
kami kabatulan badansanak apak jo inyo. Inyo ruponyo sadang mamikiekan bantuan
untuak bakeh kawan-kawannyo nan kini sangat maprihatinkan dan manyusun riwayat
parjuangan dan jalur perjuangan sampai akhir . Inyo dulu tu dalam Kompi Melati,
dibawah pimpinan Letn. Husin CPM , mungkin samo jo Mak Ngah ndak, inyo dari
mahasiswa Kedokteran Bukiktinggi.
Riwayat nan ambo tangkok darinyo, salain kontak-kontak sanjato nan di alaminyo
di Singkarak, Kotolalang, Balingka, Bonjo dll. nan manariak diambo, sejarah
saat tarakhir sabalun meninggalnyo Bpk. Dahlan Djambek , didaerah Batu Kambiang
atau di Sigiran kalau indak salah ambo , dan wawancaranyo jo urang nan
maantakan Kapt. Mansur kurir Jend. A.H. Nasution manamui Buya Sutan Mansyur .
Dan ambo dipinjami VCD wawancara jo urang tu .
Kok paralu dikembangkan untuak manambah bahan-bahan sejarahko, tolong Tuan
tunjuakkan ka ambo, kasia kadisampaikan bahan ko .
Salain dari itu, tantang peristiwa Baso 1946 , alah ambo kumpuakan bahan ,
kabatulan masih ado palaku sajarahtu nan masih hiduik , bahkan anak kanduang
dari Bpk. Tuanku Nan Putiah tu sandiri yaitu kakak kanduang dari Kalmar Dt.
Malako N.P. nan ambo gantikan .
Pulanglah Tuan bao anak-anak/cucu , bahari rayo dikampuang, ambo lai mangacau
kalamai 4 sukek bareh, basipuluik sasukek pulo, mungkin jo kapak manyaiknyo.
Kiniko lapiak diateh pagu .
Salamat hari rayo 1430-H, mohon maaf laie batin dari :
Inyiak Lako , L-73 . Depok .
Lebih Bersih, Lebih Baik, Lebih Cepat - Rasakan Yahoo! Mail baru yang
Lebih Cepat hari ini! http://id.mail.yahoo.com
--~--~---------~--~----~------------~-------~--~----~
.
Posting yg berasal dari Palanta RantauNet ini, jika dipublikasikan ditempat
lain wajib mencantumkan sumbernya: ~dari Palanta r...@ntaunet
http://groups.google.com/group/RantauNet/~
===========================================================
UNTUK DIPERHATIKAN, melanggar akan dimoderasi:
- DILARANG:
1. Email besar dari 200KB;
2. Email attachment, tawarkan disini & kirim melalui jalur pribadi;
3. One Liner.
- Anggota WAJIB mematuhi peraturan serta mengirim biodata! Lihat di:
http://groups.google.com/group/RantauNet/web/peraturan-rantaunet
- Tulis Nama, Umur & Lokasi pada setiap posting
- Hapus footer & seluruh bagian tdk perlu dalam melakukan reply
- Untuk topik/subjek baru buat email baru, tidak dengan mereply email lama
===========================================================
Berhenti, kirim email kosong ke: [email protected]
Untuk melakukan konfigurasi keanggotaan di:
http://groups.google.com/group/RantauNet/subscribe
-~----------~----~----~----~------~----~------~--~---
