Assalamualaikum ww.
Pak Saaf dan dunsanak sapalanta nan ambo hormati .
Manyimak diskusi dunsanak di palanta ko ambo ingin pulo manyampaikan babarapo
saran, mudah2an dapek pulo dipartimbangkan jo nan basamo . Manganai fungsi baru
Rumah Gadang tantu bisa dilakukan sasuai jo kabutuhan masing-masing Nagari nan
babeda , disampiang itu indak sadonyo Nagari masih punyo RG nan layak pakai ,
mambangun baru kamungkinan indak ado nan sanggup lai .
Barangkek dari keresahan dan keluhan masyarakat kiniko, misanyo bagesernyo
nilai-nilai kahidupan dan barubahnyo peri laku masyarakat , marosotno wibawa
para niniak mamak , banyakno sangketo jo parakaro , antaro mamak jo kamanakan ,
antaro anak jo bakonyo , manuruik hemat ambo bukan karano Adat tu nan tak elok
, bukan karano Adat tu nan lah kuno , tapi karano kurangnyo pemahaman dan
penghayatan sabagian besar masyarakat Minangkabau terhadap materi Adat tu bana .
Kalau kito pikiekan pulo falsafah hidup nan kito anut salamoko ; ABS-SBK
tanyato alun ado kasaimbangan pambinaan dan pendidikan masyarakat awak antaro
Adat jo Syarak tu . Pandidikan Syarak sajak di Surau , Madrasah, sampai
Universitas bak jamur dimusim hujan, baik di Ranah Minang maupun dirantau .
Tapi pandidikan Adat Minangkabau tu , cuma di Surau itupun kalau masih punyo
Surau . Akibatnyo banyak para Pangulu atau para Datuak kito generasi kini nan
kurang cukuik mandapek pembekalan sabalun diangkek jadi Pangulu .
Untuak itu ambo manyarankan : Mari kito bangun satu Lembaga Pendidikan Adat
Minangkabau , sacaro swasta , jan ditunggu juo lai aksi dari Pemda atau LKAAM ,
rasonyo kamananti urang nan tak katibo awak . Apokoh kanamonyo tasarah ka
mufakat nanti ; misanyo maniru Pondok Pesantren kito agiah pulo namo " Pondok
Budaya Minangkabau " satu untuak saluruh Minangkabau , dima didirikan tantu
dipusat Budaya Minangkabau Luhak Tanah Data nan paling tapek .
Kurikulum dll : materinyo : Sejarah Minangkabau , Dasar-dasar Adat Minangkabau
, Adat nan Ampek -Cupak nan duo, dan ilmu-ilmu pandukuang lainnyo. dari maa
gurunyo : Dari LKAAM Sumbar , Unand , Un.Bung Hatta. Prof. DR. Taufik Abdullah
dkk dari LIPI , para mantan Gubernur Sumbar dan para Pangulu Pemangku Adat nan
tuo-tuo nan masih hidup di kampuang-kampuang . Sia peserta atau muriknyo :
Para Calon Datuak, para Datuak muda nan mambutuhkan dan lain-lain sasuai jo
kabutuhan masyarakat .
Dari maa pulo dananyo : Sumbangan/bayaran Peserta , Sumbangan para tokoh dan
pengusaha Minang yang sukses, dimohon dana abadi Gebu Minang nan lah takumpua
lk 30 tahun, dimohon APBD Sumbar , nan masih angek diminta saketek dari
Anggaran Pembangunan Infrastruktur Sumbar thn 2010 nan Rp 1,34 T , dimohon
agak 10 - 20 M , rasonyo indak kamangurangi bana .
Salain dari itu , ambo mandanga alah ado di Luhak nan Tigo, RG mewah nan
dibangun oleh Bapak-bapak kito ; Muchtar Bina, Kamardi Arieh, Aminuzal Amin Dt.
Batuah , Nasrun Sahrun dan lain-lain di Nagari masing-masing , kabanyo alun
dimanfaatkan sacaro maksimal , barangkali mungkin dimohonkan kabaliau untuak
diarahkan ka pandidikan ko . Kalau indak ado lembaga pandidikan dan
pengembangan Adat awak ko , rasonyo indak kalamo bana lai hilangnyo dari muko
bumiko .
Salanjuiknyo ambo minta maaf kadunsanak kasadonyo, mungkin ambo lah katinggalan
kareta, alah daulu urang malangkah, iko dek karano cinto jo Ranah Minang dan
Adat nan kito banggakan sajo, lillahi ta'ala .
Sakian , wassalam dan maaf dari ambo :
H.. J. Inyiak Malako Nan Putiah .
L - 73 . Asa dari Baso - Agam . Suku Malayu .
Bamukim di Depok - Jabar .
Jatuh cinta itu seperti apa ya rasanya? Temukan jawabannya di Yahoo!
Answers! http://id.answers.yahoo.com
--~--~---------~--~----~------------~-------~--~----~
.
Posting yg berasal dari Palanta RantauNet ini, jika dipublikasikan ditempat
lain wajib mencantumkan sumbernya: ~dari Palanta r...@ntaunet
http://groups.google.com/group/RantauNet/~
===========================================================
UNTUK DIPERHATIKAN, melanggar akan dimoderasi:
- DILARANG:
1. Email besar dari 200KB;
2. Email attachment, tawarkan disini & kirim melalui jalur pribadi;
3. One Liner.
- Anggota WAJIB mematuhi peraturan serta mengirim biodata! Lihat di:
http://groups.google.com/group/RantauNet/web/peraturan-rantaunet
- Tulis Nama, Umur & Lokasi pada setiap posting
- Hapus footer & seluruh bagian tdk perlu dalam melakukan reply
- Untuk topik/subjek baru buat email baru, tidak dengan mereply email lama
===========================================================
Berhenti, kirim email kosong ke: [email protected]
Untuk melakukan konfigurasi keanggotaan di:
http://groups.google.com/group/RantauNet/subscribe
-~----------~----~----~----~------~----~------~--~---
