Ondeeeh Diah, sabana baruntuang awak dapek bakomunikasi kini. Ambolah putuih aso tadinyo, karano rasonyo dalam komunikasi kito babarapo wakatu nan lalu, rasonyo tasabuik atqau takana di ambo nan bahaso baliau alah dahulu dari kito. Itu nan takana di ambo katu manulih sabanta ko. Alhamdulillah Etek Ryannah masih ado jo awak. tUHAN aLLAH KAYO SUNGGUAH. Iyo bana maaf ambo tasabuik almarhumah.
Mudah-mudahan ingatan baliau lai jaleh juo saketek. Kok maota-ota jo baliau, tolong kana-kanakan ambo ka baliau. Kanakan PULO namo Nancy Tanner, urang Amerika nan acok ka Guguak tinggi dahulu. Ambo asolah assistennyo dalam rangka risetnyo di bidang anthropologi 1963-66. Kami acok ka Tabek Sarojo. Etek Riyannah adolah narasumber nan sangat kuat ingatannyo ka maso dahulu dan interaksi di kampuang halaman baiak tambo jo kehidupan nyato wakatu itu. Karano Nancy padusi dan ingin mangatahui kehidupan wanita di Kampuang dan di Minangkabau umumnyo, Etek Ryianna banyak mambarikan katarangan nan baharago. Dek baliau picayo ka ambo, baliau sanang maota dakek ambo. Jadi ambo banyak baraja manganai kahidupan wanita di Minangkabau. Bahkan kalau ado nan talupo kapatangnyo dalam interview, baliau pai ka Gaduang (Bukittinggi) mancari nancy manambahkan dan mangecekkan ado nan lupo kapatang. Baliau jo Nancy jadi basahabat arek. Urang Kamouang maimbauan Nancy sabagai Ibuk Nancy. Nancy kini lah almarhumah, maningga akhir tahun 1988. Samantaro Diah di Kampuang, tolong sampaikan salam ambo bukansajo ka baliau Etek Riyannah, tapi kok lai urang-urang nan masih takana jo ambo. Untuak manganakan bantuak ambo, silakan caliak di Gambar kami di B-I Sejarah Bukittinggi nan baru ambo kirimkan ka Lapau sabanta ko. Untuang masih ado arsip gambar maso itu. Supayo baliau atau Rang Kamapuang indak kaliru, ado baduo Sjamsir sabagai assisten dari Nancy Tanner nan ka Guguak tinggi wakatu itu. Nan surang Sjamsir Alam nan kito kenal jo Mak Sati kini di Lapau ko nan lai acok malatakkan gambar fotono di bawah namo postiangnyo. Nan surang lai, ambo Sjamsir Sjarif nan acok baimbauan MakNgah atqau Nyiak sunguik di Lapau kini ko. Salain foto ambo di B-I Sejarah tahun 1963 tadi tu, kini ado lo foto kapatang ko, ulang tahun ka 74, masuak surek kaba di Santa Kuruih, Urang Gaek sadang baranang: http://www.santacruzsentinel.com/localnews/ci_12030675 Tabawo Rendong Gaek ... :) Salam, --MakNgah Sjamsir Sjarif --- In [email protected], Sembiring Sadiah <sadiahsembir...@...> wrote: > > > jadi banyak kenangan Mak ngah di kampuang diah yo. Baru tau pulo ambo carito > tentang Soekarno tadi. Ralat saketek Mak ngah, ayek ambo Riyanah masih ado > jadi alun almarhumah lai, tapi memang baliau alah uzur indak bisa manga2 lai > walaupun ingatan dan sense of humornyo indak bakurang, tatapannya masih > setajam dulu masih nampak semangat hiduiknyo > > salam > diah sembiring (sadang sakik paruik) > > On Fri Sep 25th, 2009 9:18 AM EDT sjamsir_sjarif wrote: > > > > >Kok dakek-dakek Jam Gadang, bajalan saketek ka Novotel (kini banamo Hill?) > >calaiak pamandangan ka arah Gunuang singgalang dengan Ngari Sianok di > >bawahnyo. Di Subarang Ngarai sabalah ka kida di bulakang Birugo, tampak > >Guguak Tabek Sarojo, Nagari Dia Sembiring, nan acok amobo kunjuangi tahun > >1963-66. Ambo alunbasuo jo Diah Sembiring tapi ambo kenal jo Neneknyo, > >Almarhumah Etek Riyannah sarato banyak Sanak Famili di Guguak Tinggi (Guguak > >Tabek Srojo) tu. Di Guguak tinggi tu pulo Soekarno tingga sacaro incognito, > >indak jauah sabalah rumah Etek Riyannah doh, di Maso Japang. Banyak urang > >nan indak tahu tantang itu... > > > >Sakadar kenangan Sejarah. Parumahan Hotel Novotel (Hill) dan Gedung > >Pertemuan Hatta tu dahulunyo adolah Kantor Pengadilan Negeri Bukittinggi dan > >SD-6 (?). Disabalahnyo Gedung Sikolah ambo B-I Sejarah Bukittinggi nan > >kudian menjelama menjadi FKIP Unand Cabang Bukittinggi. Gedung-gedung tu > >indak ado lai kini, hanyolah tinggal dalam Sejarah, kenangan ambo ... > > > >Salam, > >--MakNgah > >--- In [email protected], jupardi_jp@ wrote: > >> > >> Ass Wr Wb > >> > >> Sanak Palanta RN nan Mulia > >> > >> Ambo sadang di bukik tinggi kini rencana salapeh magrib habih makan. Ka > >> duduak2 santai2 sajo di Jam gadang jo. Istri dan anak2 > >> > >> Malam ko ambo manginap di. Hotel pusako bisuak baru lanjuik ka Pakanbaru > >> > >> Sanak2 Palanta RN nan barado di Bukik nan mudik manonton jam gadang kito > >> lah sambia manggatuak gatuak kacang abuih malam ko > >> > >> Ma kanda Taslimnyo, Diah Sembiring dll ambo tunggu yo di jam gadang kok > >> lai ado wakatu sanak2 > >> > >> Wass_Jepe --~--~---------~--~----~------------~-------~--~----~ . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, kirim email kosong ke: [email protected] Untuk melakukan konfigurasi keanggotaan di: http://groups.google.com/group/RantauNet/subscribe -~----------~----~----~----~------~----~------~--~---
