Mamak MM jo Ajo Suryadi dan dunsanak di palanta menarik diskusi kito mengenai topik di subject. Ambo tertarik saketek ikuik badiskusi. Untuak mancaliak perubahan dari sebuah Organisasi maupun masyarakat, kadang dibutuhkan pandangan dan teropong dari urang ahli dari lua komunitas tersebut untuak manilai sejauh ma perubahan yang terjadi di komunitas tersebut. Hal iko pantiang untuak jan terjebak pada cauvinistik seperti yang ajo uraikan. Salain itu, pantiang juo mandanga pandapek urang-urang yang berkepentingan jo Minangkabau salain anak nagari Minangkabau sendiri. Tapi syaratnyo tantu kito harus siap untuak mandanga, sebab mandanga adolah karajo paliang sulik satahu ambo. Untuak mansikapi fakta yang bakalan muncul itu, tantu kito harus bakapalo dingin, agar dapek disisiahkan, ma yang ata, ma yang bareh untuak kemajuan Minangkabau. salain itu, ambo bapikia, tantu babedo juo sensitifitas kito yang di parantauan jo anak nagari yang berkutat sahari-hari jo kehidupan kenagarian dalam mancaliak parubahan yang tajadi dan sejauh ma adaptasi ke-minangkabauan jo paputaran roda kehidupan dan kebudayaan di sakaliliangnyo. Baa pulo anak nagari sendiri mancaliak iko. Kalau mamakai pendekatan strategic planning, apo nan muncul dari analisis eksternal jo analisis internal yang akan mempengaruhi visi jo misi Minangkabau ko kedepan. Meskipun alah tagarih, sakali aia gadang, sakali tapian barubah, tantu kito tantukan pulo apo nan buliah barubah supayo jan hilang Minang ko. Kalau mamakai adat, diantara adat nan sabana adat, adat istiadat, jo adat nan diadatkan, adat ma yang tersentuh perubahan supayo kito indak mambuek sebuah solusi general untuak semua masalah.
Wakatu pembahasan Perda Nomor 9 Tahun 2000 tentang Pamarentahan Nagari dulu, ambo takana, bakumpua cadiak pandai jo alim ulama dan komponen masyarakat Minangkabau di rumah dinas Gubernur. Pertanyaan yang muncul wakatu itu adolah, nagari seperti apo yang akan kito buek dan hiduikkan baliak. Apo implementasi dari Adat Salingka Nagari-Ulayat Salingka Kaum dalam situasi sosial, politik, dan hukum pada saat itu dan tantunyo setelah perda 9 nantun alah jadi dan alah pulo barubah, pencarian itu tetap berjalan. Pangalaman manunjuakkan, ternyata hukum termasuk hukum adat sandiri, indak bakarajo di ruang hampa, inyo tumbuah bakambang dan menemukan sebuah postulat jo prinsip setelah ado dalam interaksi antar manusia nan manjalankan postulat itu. Karano itulah mungkin para ahli manulihkan paralu mamparatikan substansi hukum, penegakan hukum jo budaya hukum sebuah masyarakaik. Sakitu tambahan dari ambo, memang "basilang kayu dalam tungku, disinan api mangkonyo iduik". Salam sambah dari ambo Andiko Sutan Mancayo Baraja ka alam Minangkabau, Baladang di Jakarta, Manaruko di Batam --~--~---------~--~----~------------~-------~--~----~ . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, kirim email kosong ke: [email protected] Untuk melakukan konfigurasi keanggotaan di: http://groups.google.com/group/RantauNet/subscribe -~----------~----~----~----~------~----~------~--~---
