Sanak Suryadi di leiden dan sanak palanta RN Alahmdulillah sur nice trips perjalanan nan menyenangkan ka kampuang sanak ibaraiknyo
"From Pekanbaru to Sunua with love" ehemm touching amat ya Ambo disambuik penuh kehangatan dek mande mamak adiak sudaro2 dan urang kampuang sanak koto rajo Sato mandarek oto ambo di laman rumah sanak nan dipandu dari masajik raya sunuak dek adiak sanak mul lah bakumpua urang kampuang sanak heran2 "sia ko nan datang" sabanta sajo kakunyo sasudah tu mencair bantuak batu es dilatakan di paneh matohari tagak tali Lah basalam salaman memperkenalkan diri "ambo jepe mak uni adiak dan mamak2.."Ooo iko kawan si buyuang mah" kecek mande sanak jo logat sunua piaman Lah masuak ambo ka rumah sanak jadi nan mukasuik ambo yo saketek menyerahkan bantuan sembako ka urang kampuang sanak siso2 dikabin oto ambo sebab nan prioritas yo sudaro2 kito nan parah dan masih minimdibantu salah satunyo didaerah malalak barat dan alhamdulillah kami lah sampai samalam ka jorong ulu banda sarupo postingan ambo mungkin sanak lah mambaco Jadi ndak do ambo suruah bongka sajo apo nan tasiso dalam kabin oto lah manjadi posko darurat lo ruang tamu rumah sanak dibayakan sajo dilantai sadonyo nan tasiso lalu dibagi2 dalam kantong asoi Saketek surang samo rato samo raso isi asoy ko biaso lah Mie Instan sarden sakaleng duo kaleng biskuit susu kental manih sabun mandi ciek sorang tu tambah bareh agak limo gantang surang ado juo ambo sisakan untuak bayi susu jo bubuanyo Sabana seru carito sadang maisikan ka kantong asoi batano juo mande jo mamak sanak tantu pertanyaan nan paliang standar dikampuang "alah makan jepe jo sopir" tegas sajo ambo manjawek alah bana mak di pasa piaman Dek lah makan masuak sagaleh kopi angek gulo saujuang sendok dari mande sanak ndak do lai kok ndak dihidangkan ka ambo minta juo he he he Sambia mairuik kopi angek ambo maunjua sambia manonton mamasuakan sembako ka asoi dek urang kampuang sanak Pandang ka pandang tatumbuak pandangan ambo ka dindiang nan ado poto sanak jadul Foto sanak jadi sarjana di Unand jo pakaian wisuda ola...la..la yo tampil beda sanak ba poto mah kalua dari kelaziman bakodak sarjana Rato2 urang bapoto wisuda surang saruman ambo madok dan mancaliak ka kamerta lalu senyum manih sambia mamacik ijazah Nah poto sanak tu sadang tagak kok mahadok kanan grak wajah sanak ha ha ha paralu lah kironyo sanak jalehkan ka ambo baa hikayat bapoto nan kalua dari pakemnnyo ko wk wk wk Lah salasai kantong asoi ko diisi ka dibagi bagi lai baimbau urang kampuang sakililiang rumah sanak lah ditenteng sakantong surang pas pulo tibo oto maagiah bantuan kain salimuik ka urang kampiang Satantang kondisi kampuang sanak paska di hoyak gampo (kok hoyak tabuik tantu bergembira) kok hoyak ko yo panuah pilu dan aia mato Rato2 kondisinyo memang rusak juo rumah ado nan ratak runtuah dindiang teleang (sarupo kopiah mak pokiah ingek caritonyo sanak) Kok masih tagak juo ibaraiknyo ado kambiang nan sadang birahi manyanda didindiang tu bisa rabah mah :) Maklumlah rumah beton kampuang nan baansua ansua mambueknyo dan jauh dari etong ma etong secara teknis pokoknya lah tagak dapek balinduang dari hujan jo paneh lah alhamdulillah mah rato2 rumah batu di kampuang kan baitu ndak sanak Nan rumah sanah dimukonyo yo lah bantuak urang gaek karabah tapaso batungkek indak ciek tapi duo ditopang jo bambu sekedar jaan rabah walau masih agak kuek Nan paliang ibo hati urang sunua yo masajik rayanyo nan tuo bersejarah dan dibangun 1864 ? Batua sanak nan menara bersejarahnyo runtuah total lalu tlisan nan bersejarah juo huruf arab melayu baa kecek sanak hurif jawi lah bakapiang kecek adiak sanak mulyadi ndak basuo kepingan tulisan ko Lalu dindiang disatiok sisi runtuah nan agak rancak kubahnyo bagia ateh lai jo itu juo samantaro mushalla nan dimukonyo ma aram kubahnyo maimpok bangunan lah cai pulo bangunan ko..yo sadiah awak Itu tantang kampuang sanak setelah dihoyak gampo kok hoyak tabuik tantu rami basorak2 urang kampuang tapi hoyak kini ko yo aia mato nan kalua badarai jatuah ka dalam Nan jaleh kini ambo lah TOP dikampuang sanak dengan nama pena JEPE tu ha ha ha alhamdulillah wa syukurilah indak bisa ngetop di Jarkarta dikampuang jadilah ambo sangai sanang kok ngetop dikampuang atau dusun2 nan ambo singgahi he he buktinyo lah rami lo bakodak ria urang kampuang sanak ambo wk wk Pamit ambo lai ondeee di oleh2i lo ambo dek mande sanak lah ditabang lo pisang timbatu duo tandan boneh2 lah ado nan masak dipangka Bagi ambo ndak ado ulemu atau doa manulak rajaki iko oleh2 penuh cinta dari urang kampuang sanak bagi ambo pantang manulak oleh2 urang kampuang atau dusun nan ambo kunjungi lai ka jadi pisang sasikek jo tabu sabatang jo sanang hati ambo baok sarupo ambo ka kampuang sopir ambo di bukik batabuah nan urang gaeknyo punyo gilingan tabu mambuek saka katiko pamit lah dikabekan oleh2 tabu sajinjiang ndak do lai ambo naikan sajo ka oto baok ka Pakan Tarimo kasih sajo ambo ucapkan ndak lupo lo bakodak ria jo pisang dalam kabin oto nan ambo baok...maklum sanak lah ngetop di koto rajo sunua ha ha ha Basalam hangek lai indak batangih tangihan do kami, naluncua oto ambo lai Good bye Sunua I will be back next time....I love you full mbah surip said Kini ambo lah mangalai ngalai maunjua kaki di rumah rang tuo ambo di aia tawa Padang salam sanak lah ambo sampaikan ka klga ambo terutama Ibu ambo nan bagarah jo sanak dulu babahaso balando saketek saketek untk say hello welkomen. Ikh haut van je.. Ikh haben...danke..bisluit ha ha iko ambo nan mangado ngado ijazahkan sanak knalpot door smer teken he he Okelah semoga terhibuir hati sanak nan sadang ibo mangana kampuang nan lah takuyak dek gampo Insya Allah satiok musibah ko ado hikmahnyo ado rahasio nan kuaso nan alun bisa awak ketahui dek kito umail manusia nan doif ko kito hanyo baserah diri sepenuhnya kepada Nya dengan selalu badoa dan barusaho membangun iduik baru nan labiah elok lai bagi sanak2 kito nan jadi korban baik jiwa dan materi Salam hangat dari Ambo, bacokan juo ka induak bareh sanak Lies jo anak sanak Raisa Wass Jepe Sent from my BlackBerry® smartphone from Sinyal Bagus XL, Nyambung Teruuusss...! -----Original Message----- From: Lies Suryadi <[email protected]> Date: Sat, 10 Oct 2009 18:40:55 To: <[email protected]> Subject: [...@ntau-net] Salamaik baliak ka Pakan andaknyo Sanak Jepe sarato sanak di lapau, Baa perjalanan Sanak sajak ka Patang mengitari daerah Pariaman? Ruponyo ambo dapek info lah sampai pulo sanak di kampuang Ambo. Mudah2an ado laporan perjalanan dari sanak wakatu mengitari daerah Sunua, Kuraitaji, Ulakan dll. Dapek kaba ambo bahaso lai dapek mangicok pisang timbantu dari parak kamanakan ambo di Koto Rajo. Mudah2an bamanfaaik andaknyo. Kok pisang timbatu ko gadang lo gizi e mah. Wakatu ambo sikola saisuak, jo abuih pisang timbatu ko sae makan pagi. Mudah2an lah tibo Sanak kini di Padang, di rumah gaek sanak. Baa keadaan di Padang kini? Smg alah normah baliak. Kok babaliak sanak malam ko atau bisuak ka Pakan, hati2 sajo mambao oto. Wassalam, Suryadi Selalu bisa chat di profil jaringan, blog, atau situs web pribadi! Yahoo! memungkinkan Anda selalu bisa chat melalui Pingbox. Coba! http://id.messenger.yahoo.com/pingbox/ --~--~---------~--~----~------------~-------~--~----~ . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, kirim email kosong ke: [email protected] Untuk melakukan konfigurasi keanggotaan di: http://groups.google.com/group/RantauNet/subscribe -~----------~----~----~----~------~----~------~--~---
