DARIPADO MANANGIH di RANTAU MAMANTAU KABA, LABIAH ELOK MAMBANTU WALAU HANYO jo TANAGO nan ADO -------------------------
Pangulu nan dianjuang tinggi sarato Ayah, Bundo, Mamak, Uda, Uni, Sanak, jo Adiak2 sapalanta; Dalam pancaliakan lansuang Ambo di dusun, jorong /korong, nagari, kecamatan, kota /kabupaten bencana gampo; khususnyo mobilisasi sagalo sumber daya dari relawan dalam dan lua nagari; sangaik paralu satu sistem sinergis nan dirangkai malalui agent of change berstruktur dalam pola "usrah Hassan Al-BannaL"; Paliang minimal surang di satiok dusun, surang koordinator jorong /korong, surang koordinator nagari, surang koordinator kecamatan, surang koordinator kabupaten /kota, dan surang koordinator propinsi; Prioritas harus capek ado di daerah rawan pengikisan Nilai Kearifan Ranah Minangkabau; MULAI KINI; Satiok personil (bukan tukang ceramah), tetapi adolah insan2 pemberdaya sosial-ekonomi masyarakat (motivator, inisiator, kreator, dinamisator, mobilisator, atau mohon maaf kalau salah) dan sekaligus "PELESTARI" Nilai Kearifan Ranah Minangkabau nan Islami; Tim Jalajah Bantuan Dusun Gampo lah mamulai jo caro "manyampaikan pasan", tasambia maantakan bantuan tanggap-darurat; baru itu nan bisa kami lakukan, karano kami ndak punyo keahlian dan keterampilan dalam bidang itu; Ambo lah cubo maajak babarapo kawan2 organisasi ke-Islam-an di Padang untuak tajun sarupo gambaran nan ndak ilmiah dari Ambotu, Alhamdulillah, alun ado tanggapan samo sakali; Ambo lah cubo pulo manyampaikan pasan nan samo ka babarapo "tokoh" nan Ambo kenal di Jakarta; Salain lokasi posko nan ado kini, Ambo alah dapek tambahan 3 (tigo) tampek untuak posko dan bisa manampuang sekitar 200 orang "relawan"; BAGAGEHLAH Pangulu, Ayah, Bundo, Mamak, Uda, Uni, Sanak, sarato Adiak2 sapalanta, koq iyo ndak namuah Anak Nagari jo Ranah Minangkabau samakin HILANG; ------------------------- Jago Hati, Jago Muluik, Jago Kondisi, tanggap darurat rasonyo masih lamo, rehabilitasi antah ka bilo, rekonstruksi capek andaknyo, Jago Tata Nilai Ranah Minangkabau ------------------------- ASLIM NURHASAN +62811918886 |+62811103234 Powered by |Berbuat Nyata |Positif |Produktif |Konstruktif |Sinergis |® -----Original Message----- From: Datuk Endang <[email protected]> Date: Sat, 10 Oct 2009 01:52:18 To: <[email protected]> Cc: <[email protected]> Subject: [...@ntau-net] Re: Bantuan Gampo vs Nilai Kearifan Ranah Minangkabau Angku Aslim yth. Baiklah, cubo samo-samo kito rumuskan aa langkah-langkah nan paralu sugiro kito lakukan sacaro swadaya dalam maso tanggap darurat iko. Nan partamo, masalah EKONOMI, dalam maso kini ko ekonomi nan bergerak iyolah ekonomi dari relawan. Jadi kehadiran relawan dalam jangka panjang iyo sabana pantiang. Untuak mandukung atensi relawan itu paralu dukungan media, nan kini ko alah samakin suruik. Jadi paralu ekspos nan taruih manaruih. Nan strategis sabananyo relawan asing, karano mereka nan memiliki akses ka nagaro masiang-masiang. Jadi paralu pandampingan, kalau paralu fasilitasi dari relawan awak sendiri. Dukungan iko tarutamo logistik sarato tampek untuak mambangun posko. Kalau dapek satiok kecamatan ado posko untuak mereka itu. Masalah logistik, sasuai pamikiran angku, paralu korelasi jo nagari-nagari nan indak takanai bencana. Jadi iyo paralu menghubungkan komunikasi dan logistik lintas nagari lintas kabupaten. Nan kaduo, masalah penampungan. Kalau maliek pengalaman Aceh dulu, banyak penampungan itu nan dihuni labiah satahun, jadi dari segi konstruksi juo alah manyiapkan daya tahan untuak salamo itu. Kemudian lokasi penampungan, ado perbedaan antaro di kota jo di kampuang. Kalau di kota biasonyo urang-urang batahan di tanah milik masiang-masiang. Jadi dapek dibuat di halaman rumah, manggunokan bahan siso-siso bangunan nan ado. Kalau ado retak/sesar tanah dan tanah taban, sabaiknyo dihindari. Disolang tanah-tanah kosong di sakitar itu, antah tanah lapang dll. Sanitasi paralu diparhatian, supayo jaan jadi panyakik. Untuak nan di kampuang, saran ambo sasuai mambaco tambo, bangunan dan tanah yang lah caiya sabaikno jaan dipagunokan lai. Jadi memang alah memikiakan untuak mamindahkan lokasi. Untuak samantaro iko, dapek dipabuek rumah-rumah panampungan. Bahan-bahan dapek dipagunokan saroman bambu nan alah didiskusikan, batang karambie, dll. Dapek dibuek ukuran gadang, jadi saroman mambuek rumah gadang baru, untuak kebutuhan babarapo keluarga. Usaho nan dapek dilakukan samantaro iko iyolah bacocok tanam nan dapek capek manuai hasil, saroman jaguang, kentang, dll; kalau dapek tantu padi. Jadi paralu bantuan bibit. Namun untuak kabutuhan dasar salamo mananti maso panen memang masih mambutuahkan bantuan dari luar. Usaho lain dapek dilakukan bakaadaan. Untuak nan di kota, saharusnyo ado skim jadup (jatah hidup) dari pemerintah. Namun awak usah bapangku tangan, usaho-usaho jasa perkotaan dapek dilakukan satiok ado kesempatan. Ambo raso transportasi akan sangat penting. Jadi itu sumantaro saran disampaikan. Ambo raso paralu dikambangkan pemikiran lain dari kito basamo. Talabiah takurang mohon dimaafkan. Wassalam, -datuk endang --- On Sat, 10/10/09, ASLIM NURHASAN <[email protected]> wrote: DARIPADO MANANGIH di RANTAU MAMANTAU KABA, LABIAH ELOK MAMBANTU WALAU HANYO jo TANAGO nan ADO ------------------------- Datuak Endang nan dianjuang tinggi; Lah lamo Ambo ndak namuah bakomentar tantang regulasi, pemerintah, dan birokrat; takuik bana talonsong kalua kato-kato nan ka mambuek doso; apolagi dalam konsentrasi qto manumpahkan sekadar (hanyo) tanago nan Ambo punyo; Takah tu pulo Ambo ndak namuah mangomentari "kalakuan" Anak Nagari nan sadang "litak bahari-hari dan berang" di lokasi-lokasi bancano gampo, sarupo nan masuak ka milisko babarapo hari balakangan; Nan tapikia dek Ambo, sabanyaktu Anak Nagari dari sagalo kompetensi jo kapasitas, khususnyo nan ado di palantako, dan bukan bakarajo di pemerintahan, nan sangaik mungkin "labiah capek jo ligat" bareaksi sinergis bau mambau untuak capek maindakan tajadinyo inti persoalan nan Ambo ungkap di postingan partamo topikko; Bari mooh Ambo nan bodohko, Tuan Datuak sarato Ayah, Bundo, Mamak, Uda, Uni, Sanak, jo Adiak2 sapalanta; ------------------------- Jago Hati, Jago Muluik, Jago Kondisi, tanggap darurat rasonyo masih lamo, rehabilitasi antah ka bilo, rekonstruksi capek andaknyo, Jago Tata Nilai Ranah Minangkabau ASLIM NURHASAN +62811918886 |+62811103234 Powered by |Berbuat Nyata |Positif |Produktif |Konstruktif |Sinergis |® From: Datuk Endang <[email protected]> Date: Fri, 9 Oct 2009 07:38:47 -0700 (PDT) To: <[email protected]> Cc: <[email protected]> Subject: [...@ntau-net] Re: Bantuan Gampo vs Nilai Kearifan Ranah Minangkabau Angku Aslim yth, Ambo raso kiniko satiok urang Minang tarutamo di rantau manaruh perhatian sarato bantuan saketek banyaknyo. Memang nan jadi persoalan baa caro agar bantuan itu dapek disalurkan efektif, dan kudian walaupun itu babantuak pamikiran baa caro agar dapek direalisir. Di kami pun, tarutamo dari KAN-SA kini ko alah ado tim nan turun ka lapangan, dan malah katua kami, Dt. Tumangguang alah tajun di Padang sajak hari partamo sampai kini. Baliau melakukan pengendalian bantuan, dan kalau ado penyimpangan dll silahkan hubungi beliau ka nomor 081317001973, ambo kurang tahu nomor lain nan aktif. Memang alah dirasokan kini kebutuhan koordinasi, penyebaran merata, dll. Memang dalam maso tanggap darurat usaha dan perhatian difokuskan pado penyelamatan, evakuasi, pemenuhan kebutuhan dasar, penampungan, sarato pemulihan sarana vital. Ambo kurang tahu barapo lamo maso tanggap darurat iko, Apokoh duo minggu, sabulan, atau labiah. Agak hati ambo, ado kondisi politik nan mempengaruhi, yaitu pergantian kabinet. Perkiraan ambo sakurangnyo sabulan satalah itu baru ado kebijakan strategis dari pemerintah. Jadi maso tanggap darurat iko akan balangsuang salamo duo bulan sakurangnyo. Ambo raso itu bana nan dibaco Pemda kiniko. Masalah di kito adolah ado kebutuhan rehabilitasi dan rekonstruksi nan paralo sugiro dilakukan. Namun kondisi perundang-undangan (UUPB) indak memungkinkan hal itu, karono saluruah otoritas kini ko talatak di BNPB, dan prioritas BNPB kini ko adolah melakukan kegiatan kemanusiaan dan revitalisasi. Pemda pun kini ambo raso ragu, karono menghendaki iko menjadi bencana nasional dan ditanggulangi Pusat. Kondisi iko agak babedo jo Yogya, karano Pemda tanggap dan namuah maambiak sado persoalan, dan UUPB alun populer. Dimaa latak lembaga usaha nan kini angku jo sanak-sanak lakukan, sarato angku harokkan dari rantau? Sasuai ketentuan UUPB diharuskan berkoordinasi dengan BNPB. Nan itu mungkin ado masalah kini. Ambo raso itu nan manjadi persoalan dalam usaho berjamaah nan angku harokkan. Memang paralu ado inisiatif nan dapek menerobos kebuntuan itu. Masalahnyo, sia nan akan berinisiatif? Apokoh Pemdaprov nio, ataukah lembaga perantauan nan ado, malah ambo baharok pado angku sarato sanak di lapangan. Alun lai koordinasi dalam pengelolaan dana bantuan, nan ambo liek baru sucaro sporadis. Nan iko pun dalam UUPB saharusnyo barado dalam koordinasi BNPB. Alun lai koordinasi bantuan asing, kalau diliek dalam list sanak Andiko, alah banyak negara/pihak nan mambarikan bantuan. Iko kan paralu koordinasi dan pendampingan, dan nan pantiang adolah dapek babahaso Inggris. Ukatu kajadian Aceh, ambo maliek sajak minggu kaduo alah barabuik donor itu mambarikan komitmen. Sia nan ka manangkok, antah ka baa ukatu itu Bappenas berinisiatif. Ambo raso karono ukatu itu lembaga itu nan representatif dan banyak pulo pegawainyo nan pandai babahaso Inggris. Namun dalam UUPB hal iko alun diatur bana, antah alah ado PPnyo atau indak. Dalam tahap iko paralu pulo awak berhati-hati. Jadi paralu paratian kito basamo dalam positioning maso tanggap darurat iko (sarato nanti ka tahap rehab/rekon). Baitu kurang labiah disampaikan. Wassalam, -datuk endang --- On Fri, 10/9/09, ASLIM NURHASAN <[email protected]> wrote: DARIPADO MANANGIH di RANTAU MAMANTAU BARITO LABIAH ELOK MAMBANTU, WALAU HANYO jo TANAGO nan ADO Tuan Datuak nan dianjuang tinggi; Alhamdulillah, Ambo (mudah2an nan juo) dapek pencerahan dari Tuan Datuak, walau banyak nan Ambo ndak mangarati aplikasinyo dalam kehidupan sehari-hari; Sahubuangan jo nan Datuak kamukokan, mungkin banyak pituah /falsafah lainnyo, Ambo pasti akan selalu dalam posisi indak untuak "baa supayo bisa capek diiaplikasikan" mulai dari tahapan tanggap darurat, rehabilitasi, dan rekonstruksi nantinyo; Strateginyo HARUS bukan, strategi ceramah; tapi strategi agent of change (mudah2an batua, mohon maaf kalau salah) dan menyemai-kembali, menghidup-subur, menumbuh-kembang, dan menyebar-luaskan local campion di satiok kampuang /dusun, jorong /korong, nagari /kelurahan, kecamatan, dan kab /kota; Datuak, capeklah susun jamaah untuak itu; ASLIM NURHASAN +62811918886 |+62811103234 Powered by |Berbuat Nyata |Positif |Produktif |Konstruktif |Sinergis |® From: Datuk Endang <[email protected]> Date: Fri, 9 Oct 2009 02:30:38 +0000 (GMT) To: <[email protected]>; <[email protected]> Cc: Buya Mas'oed Abidin<[email protected]>; Buya Mas'oed Abidin<[email protected]>; Zulharbi Salim<[email protected]>; dr K Suheimi<[email protected]>; Prof DR Musliar Kasim<[email protected]>; MSi.Prof. DR. Ramadanil Pitopang<[email protected]>; Andrinof A Chaniago<[email protected]>; Indra Catri DT Malako Nan Putiah<[email protected]>; Indra Jaya Piliang<[email protected]>; Ir Firdaus HB<[email protected]> Subject: [...@ntau-net] Re: Bantuan Gampo vs Nilai Kearifan Ranah Minangkabau Angku Aslim yang ambo hormati. Apo nan angku sampaikan, alah sampai ka diri ambo. Ado babarapo mukasuik nan disampaikan, cubo ambo kunyah ciek-ciek. Saketek nan ambo silami dari banyak kajadian bencana di babarapo tampek, pado umumnyo memang satalah itu urang-urang menggali pidoman agamo dan falsafah kemasyarakatan nan ado. Saroman urang Aceh, sahabih tsunami itu, basuolah pituah adat bak poteu meureuhom, hukom bak syiah kuala, kanun bak putroe phang, reusam bak lakseumana, adat ngon hukom lagee zat ngon sifeut. Kalau urang Maluku sahabih perang saudara itu basuo jo pituah adat pela-gandong, ale rasa beta rasa, potong di kuku rasa di daging, sagu salempeng di patah dua, kelapa sebuah dibelah dua, katong dua satu gandong. Sabananyo ado ciek pituah di awak nan model itu, yaitu basuo di puncak perang paderi, yaitu adat basandi syarak, syarak basandi kitabullah, raso dibao naiak, pareso dibao turun, tarimolah raso dari luar, pareso bana raso ka dalam, antah iyo antah indak. Nan kini ko di awak bacari dulu apo hikmah nan ado. Kalau buliah ambo sampaikan ciek: sawah-ladang banda buatan, sawah batumpak di nan data, ladang babidang di nan lereang, banda baliku turuik bukik, cancang latiah niniak moyang, tambilang basi rang tuo-tuo, usah tajua tagadaikan, kalau sumbiang batitiak, patah batimpo hilang bacari, tarapuang bakaik, tabanam basilami, kurang batukuak, ketek dipagadang, senteang dibilai, singkek diuleh. Baa pandangan kito urang Minang terhadap bencana iko, alah banyak dikaji urang ramih, walau di ambo surang agak kurang sapaham jo model simbolisme ayat caka itu. Di kito iyolah hidup bakarilaan, mati batungkek budi. Karono sasuai jo pituah urang tuo: iduik batampek, mati bakubuah, kuburan hiduik di rumah gadang, kuburan mati di tangah padang. Nan aratinyo bana, urang Minang handaknyo alah pandai bakarilaan dalam hiduik-matinyo sasuai tuntunan agamo. Baitu samantaro bagian partamo nan ambo sampaikan. Talabiah takurang mohon dimaafkan. Wassalam, -datuk endang --- On Fri, 10/9/09, ASLIM NURHASAN <[email protected]> wrote: AWW; Ayah, Bundo, Mamak, Uda, Uni, Sanak, Sarato Adiak2; khususnyo nan bergerak mambantu Korban Gampo Sumatera Barat; Dari 1 Oktober 2009, qto di Padang, Pariaman, jo Agam; sangaik luar biaso sambuah korban nan tacaliak dan pasti baakibaik buruak ka kondisi EKONOMI Anak Nagari Minangkabau, sarupo nan alah acok di diskusikan dalam milisko; Lah "sangaik" banyak bantuan RELAWAN; pitih, natura, tanago dan do'a; Lah "bakaliaran" babagai macam urang nan manjadi "relawan" di Ranah Minangkabau; Situasi ndak ado makanan, bahan makanan, pitih, "sado" sarana dan prasarana kebutuhan minimal untuak bisa malanjuikan kehidupan, sarato "berangnyo" Anak Nagari kapado "Pengelola Pemerintahan" dan "Tokoh" adolah situasi nan "sangaik kritis" untuak tajadinyo PERUBAHAN NILAI KEARIFAN RANAH MINANGKABAU nan ISLAMI; Dari satiok suduik dusun /RT, jorong /korong /RW, Nagari /Kelurahan, Kecamatan, Kabupaten /Kota, dan Propinsi di Sumatera Barat, khususnyo di wilayah bencana gampo, sangaik mudah perubahantu tajadi walau hanyo sakadar sabungkuih mi instan; Indikasi lah nampak; di babarapo posko, di jalanan, di dusun bencana; Dari awal, qto taruih maingekan ka satiok keluarga nan ditamui tantang hal nantu; tapi, pasti ndak cukuik jo caro sarato materi nan bantuak itu; Ambo sangaik harok kapado sado relawan untuak minimal malakukan hal nan samo; Labiah dari itu, Ambo sangaik harok dan insyALLAH basadio manjadi salah sorang nan HARUS malakukan antisipasi, mabuek rencana, dan malakukan aksi lansuang nan "harus" dilaksanakan dalam paket tanggap darurat, rehabilitasi, dan rekonstruksi Ranah Minangkabau; Wabil khusus malalui strategi "dusun-kota" dan "kota-dusun", di wilayah bencana gampo, apolagi kalau batua "isu" penyebab gampo nan bukan sekedar pergerakan fisik kulit bumi; HARUS mulai dari kini; Baa kolah kiro-kiro....? DARIPADO MANANGIH di RANTAU MAMANTAU BARITO LABIAH ELOK MAMBANTU, WALAU HANYO jo TANAGO nan ADO Salam ta'zim; ASLIM NURHASAN +62811918886 |+62811103234 Powered by |Berbuat Nyata |Positif |Produktif |Konstruktif |Sinergis |® --~--~---------~--~----~------------~-------~--~----~ . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, kirim email kosong ke: [email protected] Untuk melakukan konfigurasi keanggotaan di: http://groups.google.com/group/RantauNet/subscribe -~----------~----~----~----~------~----~------~--~---
