Sanak di lapau yth. Alun sobok dek ambo lai soal asa usual atau hal lain mengenai suku Tanjuang ko. Nan sobok tulisan G van de Wall di bawah ko, soal pantangan babarapo suku.Semoga bamanfaaik. Wassalam, Suryadi Wall, G. de. 1889. “Pantangan’s in de negari goenoeng Malintang, onderafdeeling Pangkalan, kota Baharoe en XII kota Kampar”, Tijdschrift voor het Binnenlandsch Bestuur 3: 106-112. Pantangan suku di Nagari Gunung Malintang[1] Pantangan urang [suku] Domo Patamo-tamo, batonggak laso; mako indak buliah dipakainyo tonggak laso dek urang [suku] Domo, sabab niniaknyo kalua dari kayu itu. Itulah sababnyo mako tak buliah dipagunokannyo kayu itu katonggak rumah. Kaduo, mangabekkan paruik diali-ali, sabab dahulu dikabekkannyo paruik di ali-ali niniaknyo. Jadi, lapeh juo paruik itu. Katigo, ikan alang; kok dimakannyo dek kuto [kusta] nyo, sabab itu lah pasatian dari niniaknyo dahulu. Kaampek, unggeh domo atau undan; kok dibunuahnyo atau ditangkoknyo unggeh tu, dek kuto nyo atau dapek panyakik kareh. Pantangan urang [suku] Patapang Patamo-tamo, baparian talang, sabab niniak asanyo hantu tinggi. Kok dibueknyo nan sadamikian [itu], punah abih sadonyo. Kaduo, makan pauah barantak; kok tau nyo ba[ha]so dirantak buliah nyo dapek panyakik; kok indak nyo tau indak manga. Katigo, rotan dibuek panjamua kain; kok dibueknyo, dek kuto nyo. Kaampek, mambuaikan anak; anak nan dibuaikan indak nan iduik, mati-mati juo. Kalimo, labah di ateh pagu [loteng rumah]; kok basarang labah di ateh pagunyo, acok kali dapek dek panyakik jahek. Pantangan urang [suku] Caniago Buruang tiuang; indak buliah nyo manangkok atau mambunuah buruang itu; mako indak buliah sabab dulu niniaknyo sasek ka rimbo, basuo jo buruang tiuang, jadi itulah nan maantakan ka nagari; sampai kini tak buliah diniayokan. Pantangan urang [suku] Mandailiang Patamo, kabau putiah; kaduo, padi anjalai; katigo, pinang aia ameh; kaampek, lapiak bingkuang. Adopun tatkalo dulu-dulu diambiaknyo pinang aia ameh dek urang, digantuangkannyo ka ateh lumbuang, datang anak urang Mandailiang nak maambiak pinang itu, jadi luluih masuak padi anjalai, matilah anak cako dalam padi itu. Kiro-kiro lah sampai busuak, datang kabau putiah manjilek-jilek lapiak bingkuang [nan] talatak di bawah lumbuang itu, lapiak itu kanai dek titiak aia bangkai anak cako. Jadi, sampai kini sakali-kali tak buliah anak [suku] Mandailiang mamakai nan sadamikian itu. Pantangan urang [suku] Piliang Patamo, katitiran; sakali-kali indak buliah ditaruah atau dibunuah, kok dibueknyo juo dek kurok atau dek kuto nyo. Kaduo, bantai; sabalun anaknyo turun mandi lai, balun buliah dibao bantai ka ateh rumahnyo, kok dinaiakkannyo juo payah anaknyo itu dek panyakik. Adopun mulo asanyo, anaknyo baru lahia, dinaiakkannyo lauak [bantai], jadi tatuka, kakak anak cako dimasaknyo, lauak dicampakkannyo. Itulah mulo asa larangan tu. Itulah nan sapanjang ambo danga carito urang, batua tidaknyo Allahu alam.
[1] Aslinya dalam De Wall (1889: 106-7). --- Pada Jum, 23/10/09, Edi Has <[email protected]> menulis: ___________________________________________________________________________ Dapatkan nama yang Anda sukai! Sekarang Anda dapat memiliki email di @ymail.com dan @rocketmail.com. http://mail.promotions.yahoo.com/newdomains/id/ --~--~---------~--~----~------------~-------~--~----~ . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, kirim email kosong ke: [email protected] Untuk melakukan konfigurasi keanggotaan di: http://groups.google.com/group/RantauNet/subscribe -~----------~----~----~----~------~----~------~--~---
