Sanak di palanta manyalo lo saketek satantangan ABS-SBK, dan talabiah dahulu ambo mohon maaf kok dirasokan solo ambo ko agak bakalabiahan.
Manuruik pandapek ambo bahwa, untuak manerapkan ABS-SBK indak bisa sarupo mamandikan baruak. Tapi, haruih sarupo mamandikan kudo dan kambiang. Sarupo fenomena nan tajadi kiniko, datuak-datuak sabagai pucuak pimpinan di suku nan lah di bari amanah untuak mambina kamanakan jo suku indak badomisili di kampuang lai doh. Dahulu datuak-datuak tu badomisili di kampuang dan "bakantua" di surau, langsuang mambina dan mandidik anak kamanakan untuak mangaji dan mambari palatihan bela diri silek, bapatitih-patatah dan basambah gai, kini ???, datuak-datuak pangulu pamimpin kampuang barado di kota dan di rantau, indak tahu manahu jo kamanakan apo lai jo kampuang. Kalau lai indak bakalabihan ambo kironyo, ambo mangusulkan ka sanak nan duduak di KAN atau sanak nan ka basaminar ABS-SBK cubo diberlakukan bahwa datuak-datuak pangulu nan kamamimpin kamanakan, suku jo kampuang harus badomisili di kampuang dan diharuihkan mambuek "SURAU" sabagai kantua datuak-datuak tu. Bagi sanak nan lah talanjua mamagang amanah atau nan alah diangkek sabagai datuak nan kini kabatulan barado di rantau agar meletakkan jabatannyo dan manyarahkan ka sanak nan lain yang berdomisili di kampuang, badoso awak amanah ditarimo tapi indak bajalankan, kaaa gunonya babangga-banga jo gala datuak ? Dahoeloe banyak surau-surau nan didirikan suku-suku di dalam nagari nan dipimpin sarato dikoordinasikan langsuang oleh datuak-datuak, sarupo "SURAU SIKUMBANG, SURAU BENDANG, SURAU GUCI, SURAU CANIAGO, dll banyak lai SURAU nan didirikan nan banamo suku masing-masing di Minangkabau, dan bahkan masing-masing surau tun balomba-lomba pulo untuk saling maningkekkan kualitasnyo, sahinggo muncullah surau-surau nan tanamo di wakatu tu. Nah, ambo yakin ABS-SBK akan bisa bangkik dan diaplikasikan baliak di tangah-tangah masyarakaik kalau masing-masing suku mambangun kambali SURAU dan datuak-datuak panghulu bakantua di SURAU ko, kumpuakan kamanakan satiok malam, bari pangajian dan palatihan dengan sagala macam ilmu pagatahuan sarupo internet dll sabagainyo, salain ilmu agamo dan adat istiadat tun. Mohon maaf, wassalam Z. Rky. Muli L-56-Pdg. --- In [email protected], ARIEF <ariefb...@...> wrote: > > Dunsanak palanta RN > > Manyalo ambo setek satantang ABS SBK nan ajo duta singguang tu.... > > ABS SBK tu kan sebuah pembahasan dalam seminar Jo, Kemudian dibuek lah buku > atau apalah namo nyo, lalu di promosikan dan lain-lain. > > ABS SBK nan salamo ko wak bahas memang hanya seperti itu, bukan > pengejawantahan nyo dalam masyarakat. > Untuak menerapkan di MASYARAKAT, maka diadakan pula seminar sekali > lagi.......... > > yaaah, begitu lah ............ > > O iyo ajo.... > Walau gak talambek, Salamaik untuak ajo nan alah mambuka LAPAU DUTA di USA. > Lai tasilau di ambo gambar ajo di METROTV ukatu nantun. CUma lupo se > malewakannyo > > Salam Untuak dunsanak di MINANG-USA > > Salam > > ABS RM --~--~---------~--~----~------------~-------~--~----~ . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, kirim email kosong ke: [email protected] Untuk melakukan konfigurasi keanggotaan di: http://groups.google.com/group/RantauNet/subscribe -~----------~----~----~----~------~----~------~--~---
