Aha Rina, tabukak kiyeknyo. Ruponyo ado perbedaan ucapan dari frase "bawang putiah nan digampo" tu. Dalam hal iko ruponyo do beda ucapan antaro huruf "g" jo huruf "k" ruponyo apokoh iko vriasi ucapan dialek lain nagari, atau ucapan variasi paribadi. Itulah sababnyo mangko MakNgah tanyokan tadi tu, karano MakNgah lah badatak hati kalau-kalau nan Rina mukasuik "digampo" tu itu samo jo pangaratian umum "dikampo" saroman jo contoh nan Rina barikan tu.
Kalau "digampo", asakato "gampo" lah samo-samo jaleh di awak basamo, karano lah manjadi topik gadang dalam Gampo Gadang nan mahoyak-hoyak bumi awak kini ko. Itu sababnyo mangko MakNgah tanyokan tadi tu, Dengan keterangan Rina tu, jaleh mukasuiknyo "dikampo" pangaratian umum dengan asa kato "kampo". Bahaso Indonesia/Melayunyo "dikempa", asakatonyo "kempa", bukan "digempa" dengan asakato "gempa". MakNgah lah mancalaik urang "mangampo gambia" di "dangau kampo", di ladang gambia di Sumpur Kudus, baitu juo lah mancaliak urang "mangampo karambia nansudah dipangua" untuak mangaluakan santannyo untuak mambuek Minyak Tanak nan sangat harum di Talago, Pek Ten. Pun kalau ka mamakan manggih iyo paralu dikampo dulu jo tapak tangan. Nah rasio nan tabukak kini ko ado pabedan ucapan hurug "G" jo huruf "K" tu dalam berbagai dqaerah atau pribadi. Misanyo ado daerah atau urang nan maucapkan "ka dipangaKan" saroman "ka dipangaGan". Bahkan ado nan dilulua sajo G atau K tu manjadi "ka dipanga-an." Tarimo kasih manarangknnyo, batambah juo kaji awak saketek-saketek satantangan variasi ucapan dalam berbagai speech communities di Nagari Awak. Salam, --MakNgah DiTapi Riak nan Badabua Santa Kuruih Kalipornia --- In [email protected], "rinapermadi" <rinaperm...@...> wrote: > > Mak Ngah di Santa nan kuruih, > > Bawang putiah kalo nak kadigampo ko, caronyo di kapikkan ka daun pintu. Kan > mantun pulo du kalo nak kamamakan kadondong. Kalo nak ka manggampo manggih > lai agak santai, dikapikkan jo duo tangan di latakkan diantaro duo > tampuruang lutuik. Ratak lansuang manggih ko baru bisa Mak Ngah balah untuak > mangaluakan incek no. kan mantun du Mak Ngah :) > > Wassalam > Rina > > -----Original Message----- > From: [email protected] [mailto:[email protected]] On > Behalf Of sjamsir_sjarif > Sent: Monday, November 02, 2009 12:15 PM > To: [email protected] > Subject: [...@ntau-net] Re: PINDANG IKAN PAPEHAN DARI LAUIK > > > Bawang putiah 4 rueh digampo > Baa lo tu bawang putiah nan digampo tu Rina? > Bawang putiah nan alah dihoyak-hoyak gampo? > > --MakNgah :) > > --- In [email protected], "rinapermadi" <rinapermadi@> wrote: > > > > Assalamu'alaikum Warahmatullahi Wabarakaatuh, > > > > Sadono nan sadang manyanda di Lapau, > > > > Do'a ambo sasudah mambaco postingan ko, nan sakik jadi lakeh cegak, nan > > kurang happy jadi happy, nan cameh jadi tanang, nan indak suko aa iyo ndak > > dapek di ambo tu doh. Silahkan di katapian sen. Nyampang kok ado ibuk2 nan > > binguang kadipangakan ikan nan fresh nan baru di papeh dek suami > > tercintanyo. Bialah ambo cubo pulo mangatangahan resep nan alah di cubo Da > > Jepe di maa du di Bagan kalo ndak salah. > > > > > > Saketek informasi, ikan nan pernah malakek di mato kaia ambo nan panuruik > > kalo la pai lo urang mamapeh ka lauik ko adolah ikan sagai jo ikan bawal > > putiah nan sabana lamak kalo di pindang. Salain itu ado juo mamindang ikan > > tenggiri nan dapek di lauik dakek alias di pasa hehe. > > > > > > Kalo lah lewat rombongan ikan bawal putiah ko, iyo bana mancandu, inyo > > balega-lega se sekitar saparampek jam, tapi sakitu tu bagi ambo alah > cukuik > > untuak dapek agak salapan ikua. Lah happy bana raso no du, dek alah cukuik > > untuak dipindang. Acoknyo ambo dapek bawal putiah ko kutiko mamapeh dakek > > palantar jembatan ampek barelang nan jalan masuaknyo samo jo jalan masuak > ka > > kampuang Vietnam di pulau galang dakek pulau batam. Ampia mirip rasonyo > > mamapeh baronang atau dingkis sebutan disiko, tapi umpannyo tatap potongan > > dagiang udang, beda jo baronang umpannyo jo pisang.> > > > > > Ndee lah panjang lo mukaddimah ambo ko yo? Bialah dimuloi laih ndak? > > > > Bismillah > > > > Pindang Ikan Bawal Putiah > > > > Bagi ambo dagiang ikan bawal putiah tetap labiah lamak manih dari pado nan > > lainnyo. Nan mendekati itu adolah sagai atau kalolah gadang disabuik urang > > ikan Kwe atau ikan bulek disiko, kalo di M'sia disabuik GT. Nah > jenis-jenis > > ikan mode itulah nan lamak dipindang nan tipih-tipih tu. > > > > Bahan-bahan : > > > > Ikan bawal putiah 5 ikua ukuran @ 1-2 ons > > > > Mentega satangah sendok makan > > > > Bawang putiah 4 rueh digampo > > > > Irihan kunyik 5 irih tipih2 > > > > Daun bawang nan gapuak duo batang potong serong kasa2 > > > > Bawang bombai saparo potong dadu > > > > Lado ijau potong serong kasa2 > > > > Batang sarai di tokok sabatangnyo trus di buhuan > > > > Daun alam salai > > > > Asam kandih ciek > > > > Asam limau utk palimaui ikan > > > > Garam > > > > Caro mamasak : > > > > Tumih jo mentega bawang putiah, bombai jo kunyik sampai harum, masuak-an > aia > > sadang elok tarandam ikan, sudah tu masuak-an daun bawang, sarai jo salam. > > > > Ikan di masuak-an sambia disusun elok2 diateh sarok2 tadi tambahan lado jo > > garam > > > > Tunggu santa sampai kampuah dagiang ikan baru disanduak ka piriang layah > > supayo aman dari durinyo nan tajam. > > > > Ado kawan nan manambahan asam balimbiang bagai ka dalam kuahnyo tu. > > > > Tapi bagi ambo kalo judulnyo ikan baru manggalatiak tu, yo bumbu a nan ado > > se. Abuih sajo jo bawang putiah + garam sen alah lamak diagiah sentuhan > > sarai ciek. Alah manjadi tumah. Silahkan mancubo bagi nan minaik. > > > > " Life on the plate" > > > > Wassalam' > > > > Rina, 32, batam --~--~---------~--~----~------------~-------~--~----~ . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, kirim email kosong ke: [email protected] Untuk melakukan konfigurasi keanggotaan di: http://groups.google.com/group/RantauNet/subscribe -~----------~----~----~----~------~----~------~--~---
