Sanak Suryadi Lapeh subuah ambo baco seputar hikayat. Keluarga kawan sanak di Jakarta tu, ambo kunci sajo apo nan dialami dek klga kawan sanak berusan jo aparat hukum nan mentalnyo bobrok, hepeang ka hepeang, pitih ka pitih sajo kok kito beracara dan mencari keadilan
Nampaknyo di nagari awak ko "JIKOK AWAK MAURUS AYAM HILANG, TAJUA KAMBIANG....LHAAA KATIKO AWAK MAURUS KAMBIANG HILANG....ONDE AMPUN MANDE LUCUIK LO JAWI AWAK BATAMBAH DALAM MANDE KANDUANG Oiiii PANJANG URUSANKO TAGADAI JAWI KO SAIKUA LAI, nan kambiang diurus olun juo salosai...yo sansaiiii" So...Sanak bia ndak stress awak baurusan jo aparat hukum kito nan bamental sagalo sesuatu kepeang kepeang sajo utaknyo jadi kito paliharo sajo ayam, kambiang, jawi (terbaca :arato) kito elok2 jaan sampai ilang, kok ilang atau dimaliang urang juo dari pado batambah dalam awak yo relakan sajolah elok2 sambia badoa ka nan kuaso supayo baliak arato awak atau minimal dapek gantinyo baliak dek awak Kecek urang dilapau"kok mambana waang ka kantua "Buayolah" Jaan lai mambana kasinan ndak ado kebenaran disinan lai, ancak awak mambana ka nan kuaso jo dunsanak2 awak atau kawan2 awak nan elok hati kecek urang kini Curhat awak ka urang2 dakek sekitar awak Iko carito nan angek bana ambo sampaikan satantang "buayo-buayo" penegak hukum di negara kito Sopir nan mambaok ambo kini bacarito kami dijalan dan ambo lah tahu tantang kajadian ko, sopir perusahaan ko lah naik pangkek manjadi humas lapangan tapi ambo minta tolong ka inyo mangawankan ambo ka ranah mambaok bantuan dan baganti2 manyetir oto "Bang Jepe cubo lah bayangkan kasian bana karyawan camp awak namonyo Winarno (bia ambo sabuik namo iko fakta dan sadang "dizalimi" dek buayo) jadi Winarno ko memang sadang dirunduang masalah nan sakiro inyo batangguang jawek sacaro pribadi ateh kesalahannyo dimano dilapangan/camp inyo maantak anak urang jo sepeda motor kok dikecekan inyo salah indak juo karano anak ketek ba umua 4 tahun ko lari kajalan lapeh dari tangan induaknyo Baa lai kecek urang tuo kito "kok mujua sapanjang hari tibo dek malang sakicok mato" Winarno ilang kendali mambaok motor dek tibo2 anak ko malinteh dan inyo kecelakaan ndak bisa di hindari singkek carito tatabrak anak ko akibatnyo kakinyo patah kapalo cabiak Winarno segera memberi pertolongan baok ka Puskesmas terdekat, indak sanggup ka puskesmas dilarikan ke Pekanbaru ka rumah sakik swasta nan rancak Awal Bros sabulan anak ko dirawat disinan sagalo biaya ditangguang dek Winarno Tapi nan urang tuo anak ko antah sia nan manggosok mangadu inyo ka Polisi dek perdamaian indak tacapai Winarno ka diselkan dek jaminan perusahaan kami Winarno ndak ditahan (tahu sajolah sanak kalau lah manjamin ko) Ortu sikorban minta kepeang damai ka Winarno 30 juta angko nan sangaik barek dek Winarno karyawan biaso tawar manawar Winarno hanyo sanggup 20 juta, lah dibayia Winarno tunai 10 juta sisanyo bajanji tapi ortu korban tetap bertahan diangko 30 juta kalau ndak polisi ka mampakarokan dan manahan winarno Ibo kami, perusahaan lai mambantu dan manyalangkan kepeang ka Winarno potong gaji Oke damai deal 30 juta, apo nan tajadi sanak paralu juo kepeang nampaknyo mancabuik pengaduan ka Polisi dll...(Masih berjalan kini) Ambo sadiah bana kok mandanga malang nan di timpo Winarno ko manitiak aia mato ambo deknyo jujur ambo sopir ambo jadi saksi ditambah Winarno ko istri sadang hamil pulo bininyo urang awak nan rumah ortnyo di Padang rusak parah pulo dek gampo dan Winarno ko alumni pertanian Unand nan cukuik akrab jo ambo karano inyo jo ambo mambina masyarakat di lokasi dalam program Com Dev satahun kabalakang yaitu Tumpang Sari mananam jaguang disalo tanaman pokok akasia nan baru ditanam Jadi ambo ka menggerakan kawan2 kantua ambo untuak baiyua sa ikhlasnyo buek biaya winarno paliang indak maringankan bebannyo kok yo paralu kepeang mancabuik pakaro di kantua "buayo" ko Kok dipikia2 lah damai kaduo belah pihak hitam di ateh putiah apolai urang nan sadang tatimpo kemalangan, harusnyo surek pengaduan tu dibatalkan sajo lai..dicabiakan sajo lai manga harus pakai pitih bana... "Sabana ndak abis pikia ambo Pak Jepe" kecek sopir nan mambaok ambo ka ranah ko Antahlah sanak..sedih dan prihatin kito kannn? Wass-Jepe Sent from my BlackBerry® smartphone from Sinyal Bagus XL, Nyambung Teruuusss...! --~--~---------~--~----~------------~-------~--~----~ . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, kirim email kosong ke: [email protected] Untuk melakukan konfigurasi keanggotaan di: http://groups.google.com/group/RantauNet/subscribe -~----------~----~----~----~------~----~------~--~---
