Assalamu'alaikum warahmatullahi wabarakaatuh, Mamak Duta jo dunsanak palanta budiman,
Ateh namo warga di batam ambo ikuik berduka ateh hilangnyo Hp Mamak di Batam ko. Sabananyo hari sabtu jo minggu adolah hari libur nan sarancaknyo kok kami tau mamak masih tatap di batam tantunyo Mamak kami pandu untuak manguliliangi Batam ko. Baa laih Mak, kito di Batam ko sabana baragam suku, jadi untuak barang2 nan di lua control awak iyo lakeh lanyoknyo. Mode ambo nan ibuk rumahtangga, bungo wak latak di laman rumah se namuah lo hilang. Kan ndak mungkin lo do kalo bungo ka awak simpan lo di dalam rumah kalo ka pai2 dari rumah. Mode itulah gambarannyo Mamak. Susah lo awak manyabuiknyo. Bak kecek Mas Permadi, kalo masih disabuik urg ngindonesia nagariko, masih ado hal2 sarupo maliang, suap, monopoli jo korupsi ko. Namuahnyo dituka namo nagari ko hehe. Iko kecek liau tu yo Mak.J Tapi lucunyo Mak, kalo oto sumbarang latak sen disiko nyoh, ndak ado bagai ka ilang doh hehe. Btw, Alhamdulillah Mamak lai mancubo kapalo kakap di Jodoh, memang kawasan jodoh ko adolah tampek nan kalo di Bukiktinggi samo jo pasa lereangnyo. Banyak tampek makan nan bisa dimasuak i . Mulai dari gorengan nan salirik jalan di muko bank BCA khusus utk malam hari plus pagi untuak sarapan tarutamo lontong sayua. Tapi Mak jan salah lo, ado olok2an urang disiko kalo lontong sayua Nagoya aratinyo PSK (hehe) Dari sadonyo pedagang disinan tun, kebanyakannyo adolah urang awak. Mungkin Mamak mangiro si Rina ko gadang carito se salamo ko, banyak ota kuliner nan inyo sabuik, tapi indak ado dibaoknyo makan doh..hehe.. Itulah dek Mamak tu ha..Nan rina ko memang ndak baitu familiar jo tampek2 makan di seputaran Batam kecuali seafood di Kelong2 tapi lauik. Kalo itu Rina tau dima2 se kelong2 tapi lauik tampek seafood. Tapi Mak itulolah masalahnyo. Seafood di Batam ko ampia sadonyo dikelola dek Chinese. Kalo lah makan seafood ko agak taraso barek kapalo deknyo, incek matopun sirah. Jadi kami curiga baso seafood nan ado disiko ko diolah jo campuran arak putiah sarupo rumor nan ado. Apolai kalo dicaliak di meja sakuliliang awak ditiok meja tu ampia sadonyo ado sadio arak ko. Agak ngari jadinyo. Makonyo mancari aman rina jo Mas jarang makan di lua, kami labiah acok bagadang di rumah sambia makan2 jo tetangga. Mambuek bbq party di laman rumah. Itulah kok rina tau Mamak masih di Batam sabtu tu, rina maadokan BBQ lo di rumah sore tu. Buliah Mamak cigok di FB rina ado albumnyo, tapi sayangnyo nan dikodak tu adolah siso nan tatingga, bukan hidangan utama hehehe.. Salamaik beradventure Mak, salam rina ka Uniang. Banyak Maaf Wassalam Rina, 32, batam --~--~---------~--~----~------------~-------~--~----~ . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, kirim email kosong ke: [email protected] Untuk melakukan konfigurasi keanggotaan di: http://groups.google.com/group/RantauNet/subscribe -~----------~----~----~----~------~----~------~--~---
