Mantap bana Tuan Rangkayo... Cieklai iyo kawan-kawan Nan Mudo, indak tabagi mangicek doh, pandapek kadisabuik, wukatu lah abih, dek banyak abih sabalunnyo jo perkenalan, mukasuiknyo berkenalan tapi malah panjang carito dari nan inti perkenalan, baa kicek Rangkayo khas RN tumah, tapi isuakko kalau bakenalan juo kito batehi hanyo namo jo asa, nan lain-lain isi biodata, subaliah labiah banyak wukatu wak badiskusi dari pado manyabuik diri nan surang.
Tantu indak sadonyo ureh-ureh talapeh, banyak nan biasonyo lantang, bapuaso mangicek, maagiah kesempatan ka nan lain untuak baurai kato, tapi ditunggu-ditunggu indak juo sampai kabadan diri, kito bari maaf menlah badan kito basamo, nan pantiang hepi kicek urang. Baa nan isi ota tadi malam, kito tunggu sajo coito Tuan Rangkayo barikuiknya, caitolah Tuan.. Wass DYEK ________________________________ From: Madahar (madahar) <[email protected]> To: [email protected] Sent: Thu, 19 November, 2009 11:05:45 Subject: [...@ntau-net] Re: LPM OTA PALANTA KUBANG 181109 Wa’alaikum salam ww, Sadang mambaco ketikan Rangkayo dibawah io taraso di tangah pulo awak dibueknyo. Io iduik suasana badunsanak kutiko itu karano suasana lapaunyo taraso bana. Mudah-mudahan asia nan lah dicapai mamicu pulo grup-grup ketek nan lain untuak basato di nan katibo, amiiiiin. Wassalam Buyuang Batuduang Ameh (42) Nan Ba Bandera Sirah From:[email protected] [mailto:[email protected]] On Behalf Of ARIEF Sent: Thursday, November 19, 2009 10:42 AM To: Milis RantauNet Subject: [...@ntau-net] LPM OTA PALANTA KUBANG 181109 Assalaum'alaikum W W Adi dunsanak Palanta RN nan ambo hormati. Jikok Tuan St Sati sarato kanti St Mudo alah malewakan kodak poterek hasia silaturrahim PALANTA KUBANG KALIMALANG. Perkenankan pulo ambo bakucantang bacarito satantang ota nantun. Namun sabalun no mohon maaf jikok laporan pandangan mato ko kurang langkok, kurang galeme bagai sarato kurang kurenah bagai dalam malewakan laporan nangko. Tolong tukuak tambahi sarato masuak an kalinco no bagai agar semakin lasuah kito kunyah2x. Manolah dunsanak rang palanta RN Kok dari jadwal nan dibuek Rang Dapua, bahwa majelis palanta RN ko bakumpua dari pukua 18.00 s/d 21.30, nan namono jadwal tatap sajo kito langga. Ba a ka indak/ Baiak jadwal mamuloi sampai manyudahi INDAK TAPEK WAKATU. Tapi, samantangpun baitu, bukan sado urang nan tibo malewati janji. Bahkan ado nan alah tibo sabalun ukatu no. Pukua 17.29 (berdasarkan SMS nan ambo tarimo) Tuan Dt Bagindo Rajo alias Kanda Yumetra Fidel Amir alah tibo dan baliau mangecek an alah 7 urang peserta nan hadir, dan 2 di antaro no adalah BUNDO KANDUANG. Ambo yakin baliau nan baduo ko adalah BUNDO HAYATUN NISMAH RUMZY dan BUNDO ISNA HURIATI. Ondeeeeeeeeeee, salut dan sangat salut ambo dengan komitmen kaduo bundo kito ko. Iyo paralu malu awak dengan komitmen baliau terhadap waktu. Ambo sendiri memang harus malu, karano baru tibo sekitar pukua 18.25, sakalian mambaok konco palangkin nan datang dari BUKITTINGGI. Raso salut dan kebanggaan lain bagi member RN nan hadir adalah kehadiran Mamanda AJO Duta dan Uniang Lis, nan datang dari subarang lauik nagari MAK ITAM OBAMA. Sabana sanang hati mancaliak para tokoh palanta maya rantaunet bakumpua malam tu. Alah bih salasai menunaikan Shalat Magrib, dan kemudian lah mamasan kulek nan kadisantuang sarato parabuang no, sekitar pukua 19.00 (labiah atau kurang yooo??), nan ota ko dimuloi pulo. Antah dari ma kesepakatan, antah sia nan manyuruah, antah dek karano latah, antah lah. Nan mik untuak mangecek lah ado di tangan ambo. Dan langsuang pulo ambo ma halo-halo untuak mamuloi acara. Mungkin dek terlalu basumangaik, atau mungkin juo grogi, sebagai urang nan mambukak kato, agak lamo pulo pengantar dari SANG MODERATOR ko. Setelah dibukak jo ota kian kamari, baru takana baraso kito nan hadir alun saling berkenalan. Dek mik sadang di pacik Mamanda kito nan datang dari subarang lauik, mako Mamanda AJO Duta, setelah bacarito ttg aktivitas baliau di USA dengan MINANG USA nyo, baliau pun mengenalkan diri. Di acara perkenalan ko, iyo nampak bana ciri khas RantauNet. Ba a ka indak??, kok bisa maudi an urang, di udi an juo, kok dapek manyalingkik mangecek, balaluan juo. Galak mangakah selalu ditingkahi satiok urang abih memperkenalkan diri. Sesi perkenalan nan seharus no sangat ringkas dan capek, tatap sajo berlangsung lamo, hampia satu jam. Sakali lai, ikolah ciri khas kurenah RN. Ciek lai ciri khas RN. Kok urang barundiang sudah makan, di RN barundiang sadang makan. Jadi kok ado nan lucu, lansuang tagalak dan kasadak an. Dek karano barundiang sadang makan ko pulo lah AJO DUTA takicuah jadi no. Saking samangaik baliau mangecek jo Mik, baliau lupo, sate nan alah baliau pasan, lah dulu urang lain mangameh an. Lah salasai mangecek baru sadar, sate baliau lah abih satangah dikameh an Tuan Tan Ameh. Indak bisa bangih, karano urang sibuk dimakan urang aniang. Tabasuik galak sado urang mancaliak Ajo Duta takicuah tagak. Di tangah perkanalan, batambah pulo nan datang. Ado Bung Firdaus HB sarato Istri baliau dan salah seorang staff baliau banamo Henny (dulu Henny banyak mambantu di Sekre Saudagar Minang). Kemudian datang pulo Sanak Mantari Sunaik eh Mantari Sutan, Kanda Herman Jambak, Roland, Tirta dan bbrp nan lain. Salasai perkenalan, ditaruihan ota ka inti permasalahan. Sasuai agenda nan dibuek RANG DAPUA. Inti ota adalah APO NAN BISA KITO KARAJOAN PASCA GEMPA??. Dimuloi prolog oleh moderator, ditukuak Tuan St Sati, bacarito singkek pulo Endah Kayo, dan ditingkahi panjang leba Bung Firdaus, mengenai penanganan masalah PASCA GAMPO ko. Sangat panjang curito dan banyak inti curito nan mungkin berguno bagi awak nan di rantau sarato dunsanak nan di kampuang. Apolai sabalun itu, dalam sesi perkenalan Mak Lembang Alam, alah bacurito panjang leba ttg perjalanan baliau ma antakan bantuan ka beberapa daerah bencana. Satu hal nan jadi catatan khusus dari carito Mak Lembang adalah, SAATNYO MEROBAH CARA DALAM MEMBANGUN MORAL DAN PERILAKU GENERASI MUDO MINANG KE DEPAN. Bahwa SUMBAR berada di alam yang menjadi pusat banyak patahan, dan ancaman bencana baik gempa, longsor atau gunuang malatuih akan datang kapan saja, tidak perlu diperdebatkan. Tapi selain bahaya alam, Mak Lembang juo mengingatkan awak basamo bahwa PERINGATAN ALLAH SWT, atas bencana tersebut juo harus menjadi perhatian mendalam awak sado no. Mengenai inti carito nan serius, akan ambo buek secara khusus, agar indak bacampua nan garah jo nan serius. Nan ambo caritokan kini adalah tentang suasana ota nan cair dan hangat. Betul betul hangat bana pertemuan malam tu. Jadwal nan sabana nyo hanya sampai 21.30, akhirnyo sampai juo ka jam 22.00 (lewat stek). Itu pun sabana nyo masih banyak nan tabudua ingin bacarito. Dan mohon maaf ka Kakanda Dt Endang, di tangah Kakanda bersemangat, langsuang kanai pinteh. Sabalun bubar, seperti biasa, sebagai kenang2 an tantu ado pulo sesi Kodak basamo (alah dilewakan di Tan Mudo di Milist dan FB. Nah di siko pun nan kehangatan sarato raso badunsanak indak bisa dihilang an. Antahlah, indak ado nan labiah membahagiakan selain bahagia no batamu jo banyak dunsanak. Batamu jo Bundo Nizmah dan Bundo Isna. Batamu jo Ajo duta + Uniang, nan ternyata masih gagah. Juo ado Mak Lembang + Istri tercinta, nan dak pernah baranti bapituah baiak di Palanta maya dan di palanta darek. Ado pulo Pak Muchlis Hamid, nan walau antok-antok tapi kalo mangecek tatagun urang. Bahkan Mak Patiah (Mak Darul) nan satiok pertemuan pasti kritis terhadap forum. Sampai2 baliau nan di dunia maya acok jadi moderator, kapatang tu mahariak MODERATOR (bari mauh mbo Mak Darul dan peserta nan hadir patang, sebagai moderator ambo tabudua pulo mangecek, sehingga sato loh membahas, nan sabana no dilarang) . Nan agak garik iyo jo Bung Firdaus. Bukan garik karano baliau ko adalah SEKJEN FORUM SAUDAGAR NUSANTARA, atau baliau pengusaha. Tapi garik karano badan baliau duo kali badan ambo, dan suaro baliau ko menggema ka saluruah ruang. Bisuak kok ka mambaok Firdaus maota, jan agiah an MIK ka baliau. Tanpa Mik pun suaro baliau alah lantang. Ambo, sudah lah duduak di sampiang Bung Firdaus, di bulakang ado lo speaker nan kareh. Tiok Bung Firdaus mangecek, ambo sato tagalenjek. Untuang ambo agak gadang karengkang, jadi kok kanai garetak di dakek baliau, lai talok juo tagak. Dunsanak rang Palanta RantauNet nan Budiman. Mohon maaf jikok indak sado urang nan tasabuik, nan pasti kebersamaan awak Rabu Malam tersebut rasono sangat membahagiakan (minimal untuak ambo pribadi). Pertemuan sederhana tapi membuahkan banyak pemikiran cemerlang, rasono paralu di pa acok. Bakuampeh di milist, saling debat di dunia maya. Katiko duduak basamo sambia makan sate, atau nasi goreng dan tea talua ala Kubang, sado no bisa cair dan bersahabat. Apopun inti carito (nan akan ambo buek terpisah), rasa kebersamaan tetap nan paling utama, dan akan selalu awak junjuang tinggi. Kemudian rasa kebersamaan itu akhirnyo kami sudahi dengan doa nan sangat khusyuk dan badacak. Mak Lembang nan di daulat mambacokan doa untuak kito basamo, betul-betul mambuek awak tanang, dan bahagia. Sangat pas isi doa baliau jo pertemuan malam nantun. Sebagai palangkok curito sabalun ambo akhiri, dek awak mambiasokan badoncek, hasil doncek samalam nantun adalah Rp 1.731.000,- , dikaluakan untuak pambia nan alah tamakan dan taminum, Rp 1.161.000. Sehingga siso nan masuak ka KAS RN adalah Rp 570.000. Semoga curito tentang kebersamaan tadi malam, tidak berakhir sampai disiko sajo. Insya Allah akan balanjuik jo carito-carito lain nan bermanfaat untuak kito basamo baiak di Rantau maupun di Ranah. Kok ado nan salah atau senjang dari Laporan Pandangan Mata ko, mohon dimaafkan. Pun kok ado kurang dari carto ko, mohon ditukuak dan ditambahi. Ambo sudahi LPM Majelis Kubang Kalimalang, dan akan ambo sambuang jo INTI CARITO nan dibuek tapisah. Sakitu dari ambo. Billahi Taufiq Wal Hidayah Wassalam W W Arief Rky Mulia (Moderator Majelis Palanta, kanai hariak dek Mak Darul karano sato loh mambahas) -- Arief Rangkayo Mulia.... 39 Th/ Asa Pakan Kamih /Tilatang Kamang / Agam Perwakilan Bukittinggi TV - JAKARTA HP : 0813 1600 7756 --~--~---------~--~----~------------~-------~--~----~ . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, kirim email kosong ke: [email protected] Untuk melakukan konfigurasi keanggotaan di: http://groups.google.com/group/RantauNet/subscribe -~----------~----~----~----~------~----~------~--~---
