"Sakilo Paneh" Kurenah urang Manggaleh By : Jepe
Kini ko sadang puincak2nyo musim buah sabuik sajo durian, rambutan, mangga, manggih dan lansek (duku) Banyak urang manggaleh dadakan jo oto pick up "cigak baruak" buah ko di tapi jalan tarutamo buah durian jo lansek, kok lah mambali lansek awak yo kadang2 kuciwa awak deknyo, dibali sakilo ka urang panggaleh tu kok dicubo jo timbangan dirumah jauh bana malesetnyo dari sakilo. Istilah gaul urang panggaleh di Padang wakatu ambo bujang2 dulu disabuik lah nan sakilo kurang ko jo "Sakilo Paneh" aratinyo 9 ons balabiah saketek sakilo jauh bana kurangnyo kalau dikomakan kiro2 sekitar 9,3 kg sampai 9,5 Kg, sempat juo ambo protes ka panggaleh lansek ko kontan-kontan sajo ambo mangecek "Bato yuang kapatang waden bali lansek bareknyo sakilo panehnyo" Panggaleh ko galak sajo, inyolah sadar kalau timbangan lanseknyo ko yo timbangan nan angkonyo sakilo "paneh" alias kiurang jauh dari sakilo, kadang2 timbangannyo ko madok angkonyo ndak ka sipambali do, lalu inyo baalasan baa kok "sakilo paneh" lansek tu "Baa dek apak tu, cubo lah bayangkan dek apak satiok urang mambali lansek ambo lah pasti mangicok, manjalang ka ditimbang piliah ka piliah dikicok juo lansek ko dek nan mambal beko terakhir tingga sajo nan ketek2 jo busuak dek ambo" Nampaknyo dek alasan pambali acok mangicok lansek nan dibayakan di dalam oto pick up cigak baruak ko makonyo timbangan panggaleh ko ukurannyo "sakilo paneh" Sabananyo ambo pernah mangecek ka panggaleh ko, "jaan main-main timbangan kok manggaleh badoso awak ndak berkah awak mancari rajaki, bialah arago maha asa timbangan pas" Tapi ndak inyo openan bana ambo mangecek bantuak itu, mungkin dek asumsinyo tadi " kok sakilo paneh timbangan waden kan lah pas sakilo tu dek ulah kicok ka kicok pambali lansek ko" panggaleh ko kok inyo naikan pulo aaogo sakilo jo timbangan nan pas kalah saingan pulo inyo jo urang nan manggaleh bajejer disepanjang jalan tu nan rato2 timbangannyo sakilo paneh dan juo panggaleh ko bapikia kalaupun timbangan ko pas sakilo nan kicok ja kicok lansek ko pambali ndak bisa dihindiri do Nampaknyo kok awak mambali lansek ko bia pueh indak takicuah mambali sakilo paneh iyo pai ka toko buah, di toko ko lansek lah dirajuik jo jariang khusus atau dalam plastik nan lah diklem jo hekter rapek-rapek dan ditimbang jo timbangan elektronik nan akurat sampai koma perseratus gram, aragonyo tingga dikalikan bara per kilonyo Tapi mambali ka toko buah ko dengan catatan awak ndak bisa mangicok ka mangicok lansek ko doh :) pasrah sajo antah lai manih atau masam lansek ko, tapi rato2 lansek di toko buah ko lah pilihan dan arago per kilonyo memang diateh arago panggaleh lansek pinggiran jalan. Tasarah kito kok lai barelakan sajo timbangan sakilo paneh ko ya sudah bali sajo lansek tu di panggaleh nan timbangannyo sakilo paneh, sudah inyo manimbang nyanyikan senek "Nak urang tanjuang barulak (kampuang ambo bana mah) Barulah barulai pulo ditimbang lansek nan manih nan busuak tingga di ambo" Iko syair bagian pentingnyo dinyanyikan ka panggaleh tu "Iko tukuak, iko tambah paragiahnyo perai sajo" Kok lai kandak balaku jo syair lagu tu lah lumayan juo tu mah indak sakilo paneh lai barek lansek nan awak bali apolai ditambah barek jo nan di kicok ha ha ha Salamaik berakhir pekan sanak Kota Pinang, 5 Desember 2009 Sent from my BlackBerry® smartphone from Sinyal Bagus XL, Nyambung Teruuusss...! --~--~---------~--~----~------------~-------~--~----~ . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, kirim email kosong ke: [email protected] Untuk melakukan konfigurasi keanggotaan di: http://groups.google.com/group/RantauNet/subscribe -~----------~----~----~----~------~----~------~--~---
