Yah Angku Dr. Suheimi, sehubungnan dengan Biola tu, salah satu simpanan kenangan lama tu takana lo kini. Akhir tahun 1984 Uda Azwar jo Uni Jus sarato 6 orang anak dan kemenakan beliau berkunjung dan tingga di tampek ambo di perumahan staff University of Californa Santa Cruz http://www.ucsc.edu/about/ di atas bukit penuh kayu merah di pinggir Teluk Monterey Bay nan indah. Baliau baduo menempati kamar tidur di tingkek duo nan marupokan loft atau balkoni. Kami jo anak-anak baliau wakatu itu balapak di living room ruangan bawah basamo-samo.
Pagi-pagi Minggu jago lalok, Uda Azwar ruponyo manampak biola tu di bawah. Baliau turun dan mancaliak-caliak biola tu dengan sanang hati, saroman anak ketek mangaca pamenan baru dapek. Baliau tanyo ka ambo, Buliah Uda cubo? Oh, kecek ambo, sanang bana ambo kok Uda mainkan. Beliau terseyum basanang hati, baliau jenjeng biola tu elok-elok naiak tanggo ka kamar tidua baliau. Sabanta tibo di ateh, lah tadanga suara biola merdu memainkan lagu-lagu kesayangan baliau maso dahulu. Nan hebatnyo lai, samantaro Uda Azwar manggesek biola sambia malenggok-lenggok, Uni Juz manari manuruikkan irama lagu asmara baduo maso dahulu. Kaduo pasangan berkasih sayang ko samo-samo manyanyikan lagu-lagu pantun kesayangan baduo. Dari Bawah kami manikmatinyo, anak-anak tasengang galak, mandanga jo mancaliak Mama jo Papa manari manyanyi main biola pakai piyama... Sambia galak-galak diam-diam ambo pai ka ateh. Kamera lah tasadio di tangan. Ambo patiak dalam Kandid Kamera. Baliau baduo tambah beraksi, posing, mancaliak ambo mamatiak kamera tu. Oh, kenangan lamo, kenangan pribadi kami, nan indak panah lapeh ka publik ... Yah, kini kito danga Uni Juz alah pai maninggakan kito. Pado hal, malam Minggu sabalun maningga hari Robaa ko, ruponyo arwah baliau malayang-layang ke seberang Lautan Teduh ke Santa Cruz; ambo basuo jo baliau di dalam mimpi. Ambo ingin manalipon bisuaknyo, tapi sayang indak ado lai nomor talipon nan lah lamo. Itulah kironyo takwil mimpi tu indak ambo sadari; baliau takana maso dahulu, mungkin mambari tahu mangucapkan Salamat Tingga mintak ambo mandoakan baliau ka Pai Jauah... Wakatu ambo talipon HP pribadi Uda Azwar sacapek ambo baco/mandanga Kaba nan Baambauan di Lapau kito, tadanga suaro kami serak dan tabayang aia muko sadiah kami baduo saling memaafkan almarhumah dalam Jarak Jauah di Subarang Lauik Basa, Lautan Teduh. Sekitulah, sakadar cuplikan sebingkah kenangan pulo nan muncul spontan dari ingatan, nan indak disangko-sangko dalam suasana duka belansungkawa ko ... Salam, --MakNgah Sjamsir Sjarif --- In [email protected], ksuhe...@... wrote: > > Tadarauh hati mambaco nostalgia Mak angah > Ambo ingin baraja Biola jo mak angah malanjuit an pelajaran nan diagiahkan > ayah Ambo Karimuddin > Baliau tamasuak salah sorang panggesek biola di tahun 50 an > Takana tarago ketek kalau kalalok papa Kariimuddin manggesek biola dg > senandung "Nina Bobok" alunan irama yang menyayat. > Antahlah mak angah" > Jikok dikaka sidaun paku uuuu > Jatuah nan badarai si daun lado oooo > Jikok di kana masu daulu uuu > Jatuah nan badaraii si aia mato ooo > Alah sansai yo badan oi > > Ibu yang baik hati Jus azwar itu telah mendahului kita sore kemarin > Hanya do'a yang dipanjatkan mengiringi ke pergan beliau > Salam > Powered by Telkomsel BlackBerry® -- . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, kirim email kosong ke: [email protected] Untuk melakukan konfigurasi keanggotaan di: http://groups.google.com/group/RantauNet/subscribe
