MakNgah Yo sabana sebuah kemewahan bana makan gulai paku di Nagari ampek musim tu. Apokah ado pulo ikan salai baranang di kuahnyo. Kalau mungkin, asam kandihnyo agak banyak, saiiriang pulo jo lado kutunyo. Iyo sabana ndak taraso musim dingin nan mahampia ka mamak. Di Padang, di halte disamping pom bensin di muko hotel pangeran beach, tiok pagi ado seorang mandeh urang Piaman nan manggaleh katupek gulai paku. Sapiriang katupek, bakawan jo sala atau talue abuih, yo sabana sero. Antahlah kini ko masih manggaleh inyo ko. Baliau ko seorang ibu yang manggadangkan anak-anaknyo sorang, terakhir batamu, sorang anaknyo alah manjadi guru setelah tamaik kuliah. Jo katupek gulai paku itu dicarikan biayanyo, sungguah angkek topi ambo jo sumangaik mandeh ko. Itulah salah satu kelebihan wanita Minangkabau, mandiri dan bisa berbuat katiko kaadaan mamaso untuak itu.
Kalau rimbang ko, yo nan sasuai rasonyo, yo nan tumbuah di ranah bundo, mungkin dek di paga Marapi jo Singgalang. Di daerah-daerah lain, rimbang yang diagiah agak babeda jo nan tumbuah dikampuang. Sakitu dulu Salam andiko sjamsir_sjarif wrote: > Aaaah, gulai paku, ..kambeh, ...jo rimbang,eran beach > > Mandanga carito kapatabang bzatv indak aneh di ambo; iyo dari Jakarta ka > Pakanbaru sadoncek lah tibo. Indak saroman Jakarta - San Francisco jo > pangalaman ambo partamu kali tabang jauah jo PANAM 1966, langok jo carito ka > adiak ambo di Kampuang untuak jaan mandi jo aia hujan, karano langik lah uda > kacurehi... :) > > Tapi nan tagalitik ambo mandanga gulai pakau, kambeh jo rimbang ko. Gulai > paku lai ambo buek patang ko jo ikan tilapia. Labiahnyo disimpan di kulkas > panduoi gulai pangek jo kacang baluik nan dibeuk sabalunnyo. Kambeh, iyo > paik, banyak di siko, ado kambeh raksasa bagai, lah ambo cubo tapi acok > mainda. Kalau indak karano khasiatnyo indak ka ambo gisia doh, paik! Rimbang? > Ondeh mandeh, takana amak. Amak ambo (lah lamo almarhumah) tahu bana ambo > suko jo rimbang. Kok indak rimbang bauwok dimakan jo nasi jo gulai cangkuak > ala Diah Sembiring, ambo pagatok matah sajo rimang tu badaci-dacik > badaruak-daruak. > > Dek mandanga ota gulai paku tu, ambo tapaso manyingkok kulkas, mancilok gulai > paku saketek, diangek-microwavean jo nasi, walaupun ambo biasonyo indak makan > nasi untuak breakfast doh. Cuma sakadar malephan bangih hati se ka ota angku > Andiko Sutan Mancayo ... :) > > Salamat mahoyak paku, kambeh, jo rimbang. > > Lai takana sinonim istilah "makan" dalam Caro Awak nan kito daftarkan di > Lapau patang ko? Rasonyo ado 31 sinonimnyo nan lah tadaftar wakatu itu. Sia > nan takana, buliah daftarkan baliak palamak makan ... > > Salam, > --MakNgah > Sjamsir Sjarif > > --- In [email protected], andikoGmail <andi.ko...@...> wrote: > >> Palangkahan kali iko yo rancak bana. Tabang dari Jakarta ka Pekanbaru, >> dapek pulo garuda nan sabana baru. Baru catnyo, baru interiornyo dan >> mungkin baru masinnyo pulo. Di sandaran bangku, saketek diateh meja nan >> talipek, tapancang mode tv lcd ketek nan bisa iduik dek jari, layar >> sentuh kato urang. Banyak informasi jo film pendek didalamnyo, yo bana >> sibuk para penumpang mancubonyo. Barangko biasonyo hanyo basuo di >> pesawat internasional. >> >> Sakicok, alun pueh jari mancubo tv ko, pilot manyampaikan kito alah ka >> turun di Sutan Syarif Kasim II, palabuhan kapa tabang di Pakanbaru. >> Takana wakatu SD, guru mangecekkan kalau palabuhan ko banamo simpang III >> (kalau ndak salah), antah pabilo baganti pulo. Sampai di pintu kalua, >> manunggu panitia manjapuik. Setelah oto mambao kalua, batanyolah ka >> karean nan manjadi supir, kamano rencana makan. Baliau ka ma ajak ka >> seafood keceknyo. Dek pangana alah ka gulai paku, dimintaklahnyo ma >> antakan ka lapau Malayu. Indak bara kali gas, sampailah oto di kadai nan >> banamo Pondok Yurika, sahampia dari musajik gadang. >> >> Ndak lamo badan manunggu, datang palayan mahampa jamba. Partamo tahidang >> gereng ikan salai, sapiriang balado mudo, sapiriang balado merah. >> Sasudah tu disusun sagalo gulai, mulai dari gulai putiah sampai ka gulai >> pucuak parancih nan manimbun ikan salai gadang. Ndak lamo datang >> mairiang palai, sairiang jo asam padeh patin. Tapi ndak lamo, datang apo >> nan ndak disangko-sangko, muncul gulai langkitang jo asam durian, >> langkok jo pandampiang beberapa samba lado. Datang panutuik sayua abuih, >> bacakak raso kambeh jo rimbang. >> >> Kasimpulannyo, yo bana barubek kangen jo Pakanbaru ko. >> >> Salam >> >> andiko sutan mancayo >> > > > -- . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, kirim email kosong ke: [email protected] Untuk melakukan konfigurasi keanggotaan di: http://groups.google.com/group/RantauNet/subscribe
