Mak Ngah.. Dek karano tatuju ka ambo, mako kewajiban ambo manjawab baliak :)
Batua Mak Ngah, kacio nan iko dihiduikan baliak (dulu diawal 2000an), kami2 rang mudo, (tantu juo tamasuak siapo sajo nan sato) bakumpua2 sambia main tenis di daerah halim, satiok bulan kito dunsanak nan sato main badoncek untuak mambayia seo lapangan dan petugas serta wasit, dari siso badoncek ko masih ado takumpua-takumpua, dan iko kito pagunokan untuak kok ado nan paralu dibayia pakaro palanta, seperti dulu tu ado hosting dan domain name RantauNet, ataupun kegiatan2 lain nan paralu di tukuak tambah, seperti bakti sosial bagai maso itu pernah, dan wakatu itu sebagai pamaciaknyo da Ronald Putra. Namun sajak barumah tangga dan pai basawah jauah sebagian nan ado wakatu itu, akhirnyo alah jarang kumpua-kumpua, dan tantu kacio nan coiko indak jalan lai, dan rasonyo sagan kito basamo kalau soal iko, walau mungkin ndak banyak acok ditangguang sipangka sajo. Seiring kini lah acok pulo bakumpu2 baliak nan suko bakumpua2 ko, yang mano acok kito danga di Palanta seperti acara2 nan diasdokan di Kubang atau tampek lainnyo yang mano satiok pembiayaannyo adolah dengan cara badoncek, mako disatiok akhir acara dan salasai pembayaran, mako masih ado dana badoncek nan tasiso, dan baitu seterusnyo, akhir disimpan baliak (dari pado ndak batampek, kito takuikk....) dalam bentuk puro khusus, yang mano tujuannyo baliak cando dulu yang diantaronyo, untuak biaya domain RN kok ado nan tasiso, atau kok ado bakti sosial cando dulu, atau ado nan siaran di radio mambaok namo RN, paralu juo diagiah pambali ayia dan rokok untuak urang radio tsb. Iko iyo babeda jo Dana Abadi RN yang kito tau salamo ko nan dipaciak an mak lembang kini, dan kok lai banyak juo isinyo, tidak tertutp kemungkinannyo juo bisa digunakan atau dikirimkan ka Dana Abadi tersebut. Dan ambo kecek an offline, dek karano kini ko adolah siso2 piti dari beberapa pertemuan (kopi darek) dari member RN, juo ado bukan member RN dan akhirnyo jadi member RN. Tujuan utamonyo adolah sebagai Dana taktis untuak Operasional Palanta sajo mak ngah, Bukan penggalangan dana Resmi, kok ado Penggalangan dana resmi tatap kito melakukan cando nan alah alah, dan salah satu rekening tetapnyo adolah nan ado di Mak Lembang kini. Iko baru mulai baliak Mak Ngah, paliang bajalan dalam sebuah account mungkin 2 bulan iko baru, dan satiok ado kegiatan, laporan iko lai selalu disampikan melalu japri sanak2 nan terlibat, namun demikian, dek lah masuak ka sebuah rekening, tantu paralu ditambah banyak saketeknyo bia indak abis jadi biaya admin sajo nanti, ya salah satu caro nan dilakukan, dicubo pulo malewakan buku ajo Suryadi di Palanta dan juo berbagai macam group2 nan berkaitan jo buku tersebut. Jadi baitu saketek jawaban nan baru bisa disampikan mak ngah, kok ado nan agak kurang sasui, mohon diberi arahan dan petunjuaknyo mak ngah. Wassalam. Nofend. -----Original Message----- From: [email protected] [mailto:[email protected]] On Behalf Of sjamsir_sjarif Sent: Sunday, December 27, 2009 7:13 PM To: [email protected] Subject: KACIO <-- Re: [...@ntau-net] Syair Lampung Karam Maa Angku Nofend St. Mudo, sarato Rang Lapau nan Basamo Mungkin ambo katinggalan istilah atau katinggalan acara program nan lah sadang bajalan. Apo aratinyo "kas offline rang mudo"? Baa carito/latarbulakangnyo dana ko? Nan takana di ambo ado istilah dengan variasi namo "Kacio", "Kacio Lapau", "Kacio Rantaunet", "Kacio Rantaunet Foundation". Tadinyo Kacio ko dipaciak dek Alm Mak Ban, Angku Amzar Bandaro. Kacio ko lah dikumpuakan dan digunokan promptly sajak Gampo Kurinci (1994?) dan bencana alam lainnyo saroman Galodo (lupo ambo dimaa) dan penderitaan Nelayan di Pantai Padang, bantuan scholarship (ateh bimbingan Mak Sati), dan bantuan sekolah (saroman SMA Dhuafa), dan lain-lain. Salah satu usaho baliau dalam mambangun Kacio ko iyolah mangumpuakan buku-buku untuak Perpustakaan Rantaunet dan Manjua Buku-buku untuak Kacio tu. Sudah baliau [Angku Amzar Bandaro] maningga, Angku Lembang dipasarahi mamaciak Kacio tu. Katu Gampo Pariaman patang ko satidak-tidaknyo ambo caliak ado Tigo Akaun [independently atau tapisah?] nan maarah ka Bantuan Gampo. Nah baliak ka "kas offline rang mudo" apokoh iko balain jalur jo Kacio Lapau? Tarimo kasih. Salam, --MakNgah Sjamsir Sjarif -- . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, kirim email kosong ke: [email protected] Untuk melakukan konfigurasi keanggotaan di: http://groups.google.com/group/RantauNet/subscribe
