Mak Ngah nan di rantau jauah jo dunsanak palanta, Ikuik maucapkan Salamaik Ulang Tahun ka Mak Ngah nan jatuah di angko 77 di perhitungan Hijriyah ko, juo ka Katua Miko. Mudah-mudahan banyak berkahnyo.
Satantangan bulan panuah nan Mak Ngah caritoan ka kami ko, tadi malam kebetulan ado tetangga maadokan acara di halaman rumahnyo nan barado di katinggian puncak bukik Delta Villa di daerah Tiban di Sungai Harapan Sekupang. Nan ambo lah maoncong-oncong lo jo tetangga sarato anak-anak ambo ka tampaik tu, bialah sakali-sakali mareka ko dipalapeh bagadang. Di sinan lah disadiokan kurisi-kurisi di tapi tabiangnyo tu. Sabana rancak malam samalam tadi tu, bantuak kecek Mak Ngah. Bulan samparono panuah kalua dari awan nan batambah malam batambah barasiah langik saraso langik bantuak ukatu parak siang. Di ateh langik Batam ko nan pesawat iyo sangaiklah ka sambuahnyo ilia mudiak dek banyak nan ka madok ka Changi S'pore. Yo lain rancak langik samalam tadi, maa pulo dari jauah mamandang ka sakuliliang batam nan taonggok di bawah tu panuah jo kambang api. Rato di tiok langik batam, nan labiah rami yo di arah batam centre di Engku Putri di alun-alunnyo. Sabananyo tuan rumah manyadiokan orgen tunggal untuak karyawannyo manyanyi sambia diagiah hadiah. Tapi paratian ambo labiah kapado pamandangan dari ujuang S'pore nan nampak sayuik-sayuik dek tahalang Bukik Sekupang tampek Musajik Raya Sekupang. Nampak galangan-galangan nan panuah lampu. Mc Dermot jo Nan Indah Shipyard nan paliang tarang jo menara-menara satangah jadinyo di tangah lauik. Nan dari ateh bukik tu juo ado tigo tampek rumah nan batingkek tigo malayokkan kambang apinyo ka ateh langik. Sabana pueh mancaliak pamandangan samalam tadi tu. Dari arah ateh langik batam, pesawat ndak baranti malayok di salo awan mangawani bulan panuah, nan di bawah di daratannyo panuah lampu jo kambang api. Rancak bana. Lapeh tangah malam tu kamipun pulang sambia mancaliak ka ateh langik nan panuah jo kambang api tu. Lai dicubo dikodak jo hape tapi indak talmpau jaleh doh, kok indak baralah karancaknyo kalo didokumentasikan untuak kenang-kenangan malam nan bluemoon kecek Mak Ngah ko. Wassalam Rina, 33, batam -- . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, bergabung kembali serta ingin merubah konfigurasi/settingan keanggotaan di: http://groups.google.com/group/RantauNet/subscribe
