Di buka kalam 2010, ba abad sajak maso Cindua mato. Asok bakapusuang di pamanggangan, lindok-lindok baro di timpo pamasak ikan. Bumbu nan asli dari mandeh kanduang, manyubarang lawik mangko sampai. Harumnyo nan alang kupalang, bakucatak si galang-galang. Bukan tahun baru nan barayoan, tembak manembak si kambang api, bukan itu nan di garihkan, tapi iko maso "sauak aia mandian diri". Di saouak ayia mandinginkan, dikana apo nan alah talalu, dimandian diri di buka kalam, mangaji apo nan alah sudah nan talakuan. Dek badan mudo matah, kok mode rancak dilabuah nan talalui. Untuang-untuang dek umua batambah, tahun dimungko manjadi elok. Disinan tahun baru diagiah ma'na. Bukan bagumbira, ba abih maso.
Tapek diangko 12, jarum bagisa mangaja angko 1, disinan du'a dilapeh ka udaro, nak tabukak juo rasaki di tahun baru. Du'a bakaja mandaki langik, serak baserai di kaki Arras, salamaikkanlah urang sa ranah bundo, taguahkanlah Marapi jo Singgalang, usah bakucak Talang jo Tandikek. Dilapeh pulo du'a kunci, tatampuah juo ndaknyo ranah bundo, agiahlah jalan bakeh pulang, basarato aleh tapak katiko bajalan. Sakian dulu sanak, rila jo maaf ka dimintak, mampabarui buku catatan di tahun mungko. Salam andiko sutan mancayo -- . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, bergabung kembali serta ingin merubah konfigurasi/settingan keanggotaan di: http://groups.google.com/group/RantauNet/subscribe
