Da Santiang bana caro buyuang ma imbauan kayonyo, ambo kutip yo
"Dirumah nan dicabiak e lah kurisi sofa den nan dari kayu Jati jepara tu< den lacuik jo lidi ondee tabang hambuanyo ka ateh tipi layar data den nan 36 inci tu Di, ooo bangkik rabo den den kaja , lari lo kuciang ko ka ateh kulkas duo pintu den, abih kesabaran den Sudia den ambiak lai tangkai sapu den langkang lai kuciang ko tabang hambua kalua rumah, yo sansai waden lah naik lo ka kap masin oto kijang inova nan den baok kakampuang ko (padohal dirental 15 hari yo Sutan Mancayo :) yo ampun waden deknyo Di, lah bagores2 cat oto dek dicaka kuciang ko". Bantuaknyo bisa jadi carito koloborasi ko mah, cerpen Buyuang Marantau malah juduleeee. Executive Summarynyo alah ambo buek di bawah, tingga diurai se masing-masing plotnyo, bisa jadi roman jaman saisuak ko da. Kambangkanlah bakat mambuek roman ko.... Salam Andiko Sutan Mancayo jupardi andi wrote: > Dilanjuik dulu carito si buyuang ko jo versi lapaunyo, sambia > mangalai2 dek lah mati pulo ditikam raso samba baluik masiak goreang > balado ratak ratak leba nan dirancah jo patai diirih serong > > Lah Rabaa lo hari dikampuang sadang rami bana balai malakik tangah > hari ko, dek rami balai yo jaankan kudo nan kabalari bahu jo ikua > sajo bisa bagesoh lalu lalang diantaro jalan lapak-lapak panggaleh, si > Buyuang ko yo kamahawo kawan samo gadang e lai nan sadang mangopi > dilapau Mak Piih, yo talen bin stedi bana nyo si buyuang kabalai rabaa > ko, baju licin sarawa jaan disabuik sabana tajam basandiang suduiknyo, > sapatu lokak dari buatan cibaduyut basemir mangkilek bisa lo kuciang > nan manggesoh kaki sarawa si buyuang bacamin ka sipatu lokak si > buyuang, tpagalangan tangan sabakah suok lah lakek lo jam tangan > barantai ameh bamerek MIDO (tabali malam), Cincin bamato tapak jalak > lakek dijari manih tangan sabalah suok, sabalah kida ndak namuah lo > kalah jo batun akiak sagadang kalereang sarupo batu akiak si Tessy > Srimulat, balubang tangahnyo, pahobi batu akiak batu ko namonyo > combong diikek lo ameh penang. > > Sato masuak lapau mak Piih, disapo sakali kanti2 wakatu keteknyo > dikampuang > "alowww bro..pa kabar bro" > > Si Edi nan manyuduik dipalanta mairuik kopi yo agak tatagun babisiak > ka Si Dirih nan duduak disubalahnyo > "oiii dirih tahu waang..tu si buyuang ba Bro Bronyo" > > Bia lah den tanyo ka Si Buyuang lu apo lo apo arti e Bro bisiak si > Dirih ka si Edi > > "aaaaaaa aratieee bro..tuuwww yuaaangg, banyak nah gaya waang mah > yuaaang, " > > Tanang pren..jaan "apo kaba bro" tu samo arati e "apo kaba kanti2 den > nandilapau ko > > "oiii co itu mah arati e..duduaklah waang kasiko Bro" lah ba bro lo si > Edi ko > > Lah bajadi maota lamak si Buyuang jo kanti2 e dilapau, si buyuang > mahawo kawan lai jo jam tangan Mido barantai ameh tabali malam jo > cincin ameh penangnyo maikek batu tapak jalak jo combong > > "onde mandeh, tahu ndak waang Edi, Dirih, Sudia mulai jalan di > sitinjau lauik yo agak licin tadi dek hari hujan, waden manyetir oto > ampia tagalincia lai, naik turun babelok-belok jalan disinan yo (naik > turun jo babelok-belok ko inyo layokan tangan si buyuang ko kamuko > iduang kawan-kawan nyo malagakan jam tangan jo cincinnyo) > > maraso kanai hawo bana si Dirih, Edi jo Sudia mancaliak gaya si > buyuang nan malenggang lenggok tangannyo, nan dicaritokan jalan > mandaki jo manurun sarato babelok-belok tapi layok tangannyo ko yo > sabana manjadi raso kalapeh tangan ko dari bahu e :) mahawo kawannyo > > Mulai lo masuak manghawo jilid duo si Buyuang (Emang kabinet aje yang > jilid dua bro :) > > Nden caliak kuciang-kuciang dikamouang awak lai elok laku, ndak > sarumon kuciang nan den paliharo di rumah den di Jarkata :) > tahu ndak waang Edi< Dirih< Sudia kuciang Jarkata ko sabana jae > > Dirumah nan dicabiak e lah kurisi sofa den nan dari kayu Jati jepara > tu< den lacuik jo lidi ondee tabang hambuanyo ka ateh tipi layar data > den nan > 36 inci tu Di, ooo bangkik rabo den den kaja , lari lo kuciang ko ka > ateh kulkas duo pintu den, abih kesabaran den Sudia den ambiak lai > tangkai sapu den langkang lai kuciang ko tabang hambua kalua rumah, yo > sansai waden lah naik lo ka kap masin oto kijang inova nan den baok > kakampuang ko (padohal dirental 15 hari yo Sutan Mancayo :) yo ampun > waden deknyo Di, lah bagores2 cat oto dek dicaka kuciang ko > > > > “ndak gitu do Yuang, baa kiro2 kok dek ado lo karaji senek kami ha< > biaso lah mamborong banda proyek pak wali nagari, tolonglah waang > bayia lu sado alahe minum kami ko, nampaknyo iyo lah mamacik bana > waang pai marantau ka Jarkata tu” kecek si Sudia nan lah mulai muaok > maliehek si Buyuang gilo manghawo sajo bacilotet > > > > Aman tu Bro, lah dikaruak e dompet ko yo ndak tangguang lo kakah > dompet ko lah dihawonyo lo pitih modal untuak kapambali galeh liak di > jarkata (tantu taba rono e jo pitih sirah 100 ribu) > > > > Mak Piih bara kasodoalahe minum kami, ambo nan mambayianyo, ehhh > buyuang lah padek kini mah, agiah se lah selembar karate sirah tu ka > Mak Piih baanyo > > > > Iko ha..pacik lah dulu mak Pii”kecek si buyuang ndak kaberetong bagai > wak do (lah mahawo lo si buyuang ko liak > > > > Lah maurak duduak kawan batigo tadi kalua dari lapau mak Pii > > > > Nan si Buyuang inyo tamui Mak Pii > > > > Mak..mak bara etongan kopi tadi, ndak sampai bagai doi saratuih ribu, > baliakan lah kepeang den tadi mak, itu piti ka modal manggaleh di > Jarkata mah..tadikan ambo kecekan ka Mak pii “pacik sajo dulu” itu > bukan baragiah ambo do mak > > > > Mak Pii : Haaaaa !!!! ?????? > > > > Lanjuk lah Sutan mancayo alah lo dulu dek ambo mah, parintang2 > manjalang maukua panjang kasua > > > > Wass-Jepe > > > > ------------------------------------------------------------------------ > *Dari:* andikoGmail <[email protected]> > *Kepada:* [email protected] > *Terkirim:* Sel, 5 Januari, 2010 19:01:38 > *Judul:* [...@ntau-net] Jurus si Buyuang > > Jurus si Buyuang > > > Karatau madang diulu, babuah babungo balun > Karantau bujang daulu, di rumah paguno balun > > Satonggak pantun ko bana-bana berkesan dek buyuang karojan. Pantun > kenangan, induak sagalo pantun nan inyo pahami, baa mode itu sanak. > Baiko caritonyo. Saisuak katiko buyuang mudo matah, kok bantuak lai > cukuik, gagah indak-buruak talampau. Pintar indak talalu, bodoh pun > bukan, tapi kok tasasak lai indak ilang aka, takana juo silek lamo tu, > pandai mancari tampek jatuah. > > Dek buyuang mudo tangguang, alah mulai tampak kaniang bakilek, galak > manih kamanakan angku datuak yo manggilo. Kok siang ka buah angan, kok > malam manjadi rasian, tapi sabalun talalok, maetong-etong kasau daulu. > Tapi ado ciek nan marusuah, tiok ado kaniang bakilek, tiok ado galak nan > manih, urang rantau juo nan mambao. Bacarai juo pinang jo tampuaknyo, > apolah katenggang si carano. Ternyata itu bana nan tajadi di si Buyuang. > Sadang arek basurek-suretan, bak cando pujangga pantun di lapeh. Baitu > pulo nan si upiak, yo da buyuang bana nan kaninan. Tapi disinan kasiah > tak sampai, datang garudo dari rantau mambao tabang. Disinan aia diminum > saraso duri, nasi dimakan saraso sakam. Bahabih patang ba habih ari, > duduak tamanuang disuduik kampuang. Talang sarueh indak mangkuih, > malawan bendi bugih dari jao. > > Sampailah buyuang ka kaputusan, dirancah pulo rantau jauah. Kok untuang > lai mujua, maungkok rasaki datang, taubek juo luko diri. Jiko susah nan > di tape'i, lareklah badan di parantauan, bialah rantau di pajauah, > marantau Cino urang imbauan. Mako bajalanlah bujang, masuak kampuang > kalua kampuang, masuak kota kalua kota. Dima pasa disinan galeh > dikambang, dima rami disinan galeh di jua. Dek lai rasaki ado, takumpua > pulo benggo agak sapuro. Takana dek buyuang handak pulang, manjinguak > kampuang nan batinggakan. > > Alah sampai ukatunyo, pailah buyung manyeo bendi, tukang rental oto > bahaso kerennyo. Di seo oto agak limo baleh hari, indak ka usak bana > untuang galeh. Di bali pakaian sapatagak, licin mangkilek, basandiang > suduik-suduiknyo, yo barubah bana rono si buyuang. Takanalah buyuang jo > pantun lamo, ilang rono dek tiado. Mambaleh dendam si buyuang pulang > malah kironyo. Baru sajo oto masuak kampuang, sangajo bana buyuang > bakuliliang, dima rami pura-pura basilaturrrahmi. Saminggu buyuang di > kampuang, alah harum nampo ka suduik kampuang. datanglah ciek duo urang > marosok, ka maambiak buyuang jadi minantu. Buyuang kini galak-galak > sengeang, manyisiahkan ma nan ndak katuju. Singkek kaji, jadilah buyuang > sumando idaman, babendi bugih bakilek dari rantau, buah tutua di lapau > suduik. > > Sakian dulu > > Cerita ini hanyalah rekaan, hanya cerita perintang sore, menunggu macet > selesai. Tapi ini satu fenomena yang tidak terlalu mirip terjadi di > Minangkabau, mohon maaf kalau ada yang "tagisia". > > Salam > > Andiko Sutan Mancayo > > -- > . -- . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, bergabung kembali serta ingin merubah konfigurasi/settingan keanggotaan di: http://groups.google.com/group/RantauNet/subscribe
