Alhamdulillah................ Tanggapan nan baragam dari Mamak2 ambo sangaik manyanangkan hati, mulai dari sebuah hayalan barangkali akan ado ide tercetus dikamudian hari. Antahlah itu sia nantiknyo..
Hayalan ko juo berdasarkan pengalaman ukatu jalan di seputaran pasa ateh jo pasa bawah di Bukiktinggi waktu pulang hari rayo kapatang ko. Kami pai mamuta lalu ka arah hotel Jogja naiak janjang gudang ka pai makan di pasa putiah. Tapi pas ambo caliak kironyo sabana rami urang basalingkik. Untuak ka lalu sajo alah payah kunun lo kok sadang tasasak jan kan awak surang kok tibo di anak nan indak pakai pempes pulo. Tantu manangih sen nan dapek deknyo. Kok ka dipacuan se di tangah janjang tu tantu berang dunsanak awak nan manggaleh suok kida. Kok satolo maantri di toilet dakek sabalah kida agak ka ateh janjang tu, antahlah hati tabedo. Mancaliak dari lua sajo lah suruik kadalam se jauah2 niaik jadinyo. Mano antrian nan sampai kalua lo. Mako dari itulah manuruik ambo supayo ado dapek paretongan nan seriuslah urusan nan ciek ko, tarutamo di kawasan nan di wakatu tertentu ko urang antah datang dari maa sajo manyalingkik. Syukur Alhamdulillah Pak Emi alah manyadiokan itu di By Pass tantunyo banyak nan tabantu khususnyo urang nan malewati jalan panjang dari arah Riau daratan. Nan sakaliko ambo manghayal di Rantaunet ko supayo postingan sehabis Hari Rayo nantik agak batuka buninyo saketek dari nan taralah. Jadi otoko barangkali dikelola dek petugas nan berkompeten mungkin bisa barasa dari Dinas Pariwisata mungkin bisa dari Dinas Pasar atau Kebersihan. Nan tabayang dek di Oto ko ditulih ; "Hasil pengumpulan lembaran ribuan dari perantau kita untuk kampung tercinta". Alasan ambo manghayal ribuan tu, supayo urang ketek cando ambo ko bisa sato lo manyumbang tanpa ado ragu atau sagan. Tapi kok ka dikirim lewat rekening jo sebuah namo mungkin itu hanyo Rp.5,000 dek itu pitih nan ado tantunyo agak baa gitu. Itu sajo Mak ndak muluk-muluk doh, sebab kito indak maambiak wilayah nan berkuasa di toilet-toilet warisan di kota awak tu doh. Tapi hanyo sekedar manolong di ukatu nan kritis sajo cando Taun Baru, Hari Rayo atau Liburan anak sakola. Kalo lah sepi lo ndak masalah oto tu diinapkan untuak di maintenance. Asalkan di waktu yg kritis Oto tu bisa jadi penolong yang diharapkan. O iyo Mak Duta, oto ko sabananyo bukan halayan, Oto ko ambo alah caliak jo mato kapalo ado di Batam ko. Dioperasikan di tampek-tampek jo waktu tertentu untuak manyambuik Visit Batam 2010 di Rantau ambo. Sakitu sen dulu Mamak2 kok ado nan indak ambo singajo mamiliah kato nan indak tapek ambo minta maaf sabanyak-banyaknyo. Wassalam Rina, 33, batam
-- . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, bergabung kembali serta ingin merubah konfigurasi/settingan keanggotaan di: http://groups.google.com/group/RantauNet/subscribe
