Assalamu'alaikum wr. wb. Mak Ngah, Mamak, Apak, Bundo, Kakak, Adiak, sarato sanak palanta nan Budiman.
Bahwa daerah Tiku merupakan tanah tapian kebanggaan "Rang Agam", rasonyo bukan hal baru. Sajak ketek, kito nan ba bendera 'sirah' ditanamkan 'raso' tentang keutuhan tanah Agam nan punyo gunuang di lereng merapi sampai punyo tapian dan ombak di Tanjung Mutiara (baca: Tiku). Keterikatan emosional tantang kesatuan dan keutuhan ranah Agam nan "Harimau Campo Koto Piliang" tu selalu berusaho ditanamkan urang tuo-tuo Agam ka generasi mudo sampai kini. Barangkali itu juo salah satu faktor, kenapa bagi urang Agam, sadonyo lauak (ikan) nan diambiak dari lauik (bukan dari air tawar), labiah sering di sabuik "LAUAK TIKU". Ndak peduli jenis ikannyo apokah ikan tongkol, ikan sisiak, ikan ambu-ambu, atau kerapu. Baitu juo walaupun ikannyo dari daerah lain, urang-urang tuo agam dulu manamokannyo cuma satu namo: "Lauak Tiku" ... :) :) Dulu wakatu ketek-ketek ambo pernah batanyo, baa kok sadonyo jenis ikan tu cukuik disabuik lauak tiku sajo, kan ikannyo macam-macam, dan datang dari berbagai tapian, bukan cuma dari Tiku. Jawab urang-urang tuo wakatu tu, sabab kalau lah babicaro tapian/lauik, Tiku tu lah lauik nan di punyoi rang Agam ... :) :) :) Wallahu Alam... Nan kini manjadi pertanyaan ambo, dan ingin ambo tanyokan ka mamak-mamak, bundo dan sanak palanta nan arif bijaksano adolah masalah namonyo. Di Agam, kito tahu ado duo satandan namo daerah, yaitu "Tanjung Raya" untuak daerah salingka/sakuliliang Danau Maninjau, dan daerah "Tanjung Mutiara" untuak daerah atau ranah tapian/pantai Agam. Jiko daerah kecamatan "Tanjung Raya" tu (nan melingkupi nagari Maninjau, nagari Sungai Batang, nagari Tanjung Sani, nagari VI koto, sampai nagari Bayua) beribu negeri di Maninjau, mako kecamatan "Tanjung Mutiara" beribu negeri di Tiku. Dulu rasonyo ambo pernah mandanga sejarah asal muasal hubungannyo kenapo nan ciek banamo "Tanjung Raya" dan nan ciek lai banamo "Tanjung Mutiara". Sayang kini ambo samo sakali lupo. Ambo cubo mancari buku-buku peninggalan ayah ambo, indak ado basuo lai tantang itu doh. Nan ambo ingek hanyo ado hubungan antaro "duo Tanjung" di Agam tu. Rasonyo ado keterikatan kaduo "Tanjung" ko, sahinggo nan ciek diagiah namo "Raya", nan ciek diagiah namo "Mutiara". Sayang ambo lupo samo sakali. Kalau Tanjung Mutiara mungkin disababkan karano di tapi lauik nan mamungkinkan dulunyo marujuak ka tanah nan tanjung dan punyo mutiara :) Kalau asal kato Maninjau, mungkin dek dipicayo bahwa danau nan kini tabantuak tu manuruik tambonyo adolah Gunuang Tinjau nan zaman dulu malatuih... Tapi Tanjung Raya...??? Baa pulo mangko duo Tanjung nan dianggap punyo keterkaitan tu malah terpisah, bahkan ado daerah/kecamatan Lubuk Basung di tangah-tangah nyo? Beberapo waktu nan lalu ambo ditanyokan anak-anak remaja di kampuang pulo tantang sejarah iko. Karano di ambo ndak tahu pasti, ambo ndak bisa menjawab detail, karano khawatir ambo maagiah info nan keliru atau salah. Untuak itu ambo batanyo ka mamak-mamak dan sanak palanta, supayo keingin tahuan ambo dan juo raso ingin tahu anak-anak remaja tu tajawab pulo. Tarimo Kasih sabalum nyo. Wassalam, Rita D. Lukman
-- . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, bergabung kembali serta ingin merubah konfigurasi/settingan keanggotaan di: http://groups.google.com/group/RantauNet/subscribe
