Da kirimlah via japri, namo produk ko jo alamaiknyo. Nio ambo mancubonyo.
Salam
andiko
[email protected] wrote:
Andiko, Reni, Da Riri dan dunsanak palanta RN
Iko ambo babagi saketek pengalaman seputar kuciang jo mancik, ndak ado kato
basayok lai do carito ambo ko asli binatang tu bana nan ambo caritokan
Satantang kuciang
Kok carito kuciang balang tigo nan hebat dari ambo ketek sampai lah gaek ko yo lah banyak
mandanga ciloteh ko, kok kuciang balang tigo nan jantan ado mancik diateh kasau malinteh
inyo dibawah sajo jo tatapannyo sajo mancik ko jatuah tingganyo cengkraman sajo, tapi
ambo yo alun sakali alahe basobok kuciang nan "sakti" balang tigo dengan segala
kehebatannyo (apo Andiko punyo pengalaman nyata jo kuciang bantuak iko, atau hanyo tingga
varito nan digadang2 sajo tentang kesaktian kuciang jantan balang tigo
Satantang Mancik
Ambo yo sabana "stress berat" manghadoi mancik di rumah apolai di dapua dan
sekitarnyo antahlah yo sabana licin, cadiak, parangai mantiko buruak. Pantang tapico
mulai lamari makan dari kayu nan digiriaknyo, kabel, sabun mandi batangan, kaos kaki nan
ka dicuci dibaok larinyo kesuatu tempat, tulang2 ayam dagiang di tong sampah samantaro
cucian piriang, lupo stek manutuik samba jaan ditanyo dilarikan ka suatu tampek nan
lambok2 galok biaso dibalakang lamari dll di dapua atau gudang. Alun lai malam hari
sabana heboh lari sana sini jingkrak sana sini diloteng, kadang konser musik rokenrol
kadang konser musik dang dut..stress ambo mengatasi mancik rumah ko
Lah bamacam2 jenis parangkok mulai parangkok ba umpan ikan asin manutuik sorang
katiko masuak sampai parakek mancik, itu hanyo sakali sajo, hanyo mancik2 nan
ongok raya nan taparangkok alias nan anak2 sajo alun tinggi sakolahe, bisuak
dipasang baliak ambo jamin indak ka ado masuak parangkok lai..ampun sabana
cadiak, abih aka ambo cirik baleak2 di dapua, baun jambannyo..rutin sakali
saminggu mambarasiahkan, diangkek lamari bopet..onde mande disuduik nan galok2
lambok baserak sarawa2 anak kaos kaki tulang2 ayam dagiang dan bungkuih makanan
jo sarok2 karate bamacam2 bapulun-pulun jo kotorannyo nan haluih2 sarato lambok
baun aia kajambannyo
Solusi nan jitu
Kumpua2 klga mengeluh masalah mancik, pambayan ambo maagiah solusi, yaitu
sebuah produk pengengendalian hama rumah dan gudang (mancik, kapuyuak, rangik,
samuik dll) buatan amerika punyo lisensi di Negara awak, pabriknyo di Bogor
produk ko merek dagangnyo initialnyo T (ndak usahlah ambo promosikan) jadi
diagiah nomor telepon kantua di Pekanbaru produk T ko, datanglah salesmannyo
nan berseragam serta profesional
Pertamo inyo jalehkan baa bana karakter mancik nancadiak dan ciluihko, apo nan
andiko alami tu kotak speker plastik abih digesoh e jo gigi, kecek salesman ko
bukan dimakannyo tapi iko inyo mangasah gigi mukonyo nan tajam bia runciang dan
indak batambah panjang, lalu mancik ko kok diparangkok inyo memang
cadiak/pintar indak ka namuah jatuah ka lubang nan samo duo kali
Carito ka carito dan mandanga penjelasan salesman tantang mancik secara ilmiah dan hasil penelitiannyo, inyo tawarkan produknya dalam bentuk makanan sebesar dadu warna biru dari ketan yang telah dicampur zat2 beracun
Kontrak ambo jo salesman sekali tretmen kanai 150 ribu, di parisonyo jalur
tikus dan tampek bakumpuanyo terutama di dapua dan gudang rumah ambo dilayakan
dalam kotak kusus dari karateh 6 sampai 8 potong dadu katan umpannyo ko
Caro karajonyo mancik ko yo ndak jaran mamakan dadu baracun ko, kok lah
dimakannyo dadu katan ko akan mambae sistim pencernaan mancik secara perlahan
indak mati lansuang, badannyo sahari duo hari angek dan akan mancari aia (pai
ka got atau banda dakek rumah awak nan baraia)n akhirnyo hari katigo mancik ko
bagalimpangan mati di banda muko rumah
Jampang kok ado mati ateh loteng atau di dapua jijik awak para profesional nan
manjua produk ko tingga telepon inyo siap mambarasiahkan
Nan hebatnyo lai, mancik lah mati dan indak ado lai datang mancik2 lain karumah
sabana tuntas masalah nan mambuek ambo stress berat jo mancik rumah ko, iko
dibuktikan ado garansi 3 bulan setelah pemasangan makanan dadu ko, kok ado
mancik datang atau buek masalah tingga telepon sajo agen produk bamerek T ko di
Pekanbaru
Alhamdulillah sampai kini ndak bamancik dapua gudang dan sekitar rumah ambo,
memang ambo mamuji bana caro karajo produk ko dengan segala kajian ilmiah baik
biologis, prilaku, kebiasaan mancik (pokoknyo komprehensif bana mancik ko
diteliti sehingga dapek formula nan tapek membasminyo)
Itulah pengalaman ambo, semoga bamanfaat dek sanak, jaan main2 jo mancih jujur
ambo yo amuah tabik tangih ciek2nyo sapatu kulik resmi ambo nan agak rancak
dipalubangi dimukonyo (iko dek jarang bapakai balatakan dalam tampek sapatu
tabuek dari kotak2 kayu..)
Banyak lai kalakuan mancik nan marugikan awak baik secara psikologis, kesehatan
dan materi
Psikologis ko maksud ambo sadang lamak lalok bakaruah awak bagandang rokenrol we e diateh loteng
Wass-Jepe
Sent from my BlackBerry® smartphone from Sinyal Bagus XL, Nyambung Teruuusss...!
--
.
Posting yg berasal dari Palanta RantauNet ini, jika dipublikasikan ditempat
lain wajib mencantumkan sumbernya: ~dari Palanta r...@ntaunet
http://groups.google.com/group/RantauNet/~
===========================================================
UNTUK DIPERHATIKAN, melanggar akan dimoderasi:
- DILARANG:
1. Email besar dari 200KB;
2. Email attachment, tawarkan disini & kirim melalui jalur pribadi;
3. One Liner.
- Anggota WAJIB mematuhi peraturan serta mengirim biodata! Lihat di:
http://groups.google.com/group/RantauNet/web/peraturan-rantaunet
- Tulis Nama, Umur & Lokasi pada setiap posting
- Hapus footer & seluruh bagian tdk perlu dalam melakukan reply
- Untuk topik/subjek baru buat email baru, tidak dengan mereply email lama
===========================================================
Berhenti, bergabung kembali serta ingin merubah konfigurasi/settingan
keanggotaan di: http://groups.google.com/group/RantauNet/subscribe
