Batua da, karupuak jariang ko nan manggilo, baa banalah resiko baunnyo,
nan palastiknyo bacabiak juo...he..he.., basiram pulo jo kuah asam
padeh, ondehhhhh raso indak ka tagak dari sinan. Tambah pulo mancaliak
kapa-kapa kayu lalu lalang, raso taloncek kito ka zaman saiusuak, ukatu
masih tabuka pintu ka singapura, banyak barang smokel nan masuak, banyak
urang minang nan manggaleh ka sinan. Yo harum bana namo Pakanbaru. Baru
sajo uda manawarkan makan kasinan, raso alah duduak di kadai kayu tu,
mungkin duo hari duo malam mandendangkan sagalo jamba disinan.
Oh yo da, Insya'Allah, akhia bulan ambo ka pai manjinguak Bukiktinggi,
ado urang nan elok ati, nyo buek acara disinan, disuruahnyo awak
badendang, tabao rendong pulo badan buruak ko, alah tabayang pulo dek
ambo nasi kapau uni lis tu, jo urang manggaleh dadiah di pasa lereng,
kok talakik, taniat ndak lapeh ka Sungai Torok pulo, manjinguak kopi daun.
Kok rasaki lai elok, batamu malah kito, di bawah jam gadang nan uda
poto, tapi dek tangan ambo singkek, yo digumam sajo nan kaninan, ka
tuhan sajo do'a dilapeh, untuang-untuang dek saruan tibo, malompek bendi
bugih itam tu, ganti baganti gas ditakan, mancicik bunyi ban, tatagak
pulo bendi bugih hitam di mungko Simpang Raya, bacakak teh talua jo
angin dingin, bukik tinggi kala malam, manyapo puncak jam gadang. Dek
tuhan sabana pamurah, Tatampuah pulo naknyo Tanjuang Barulak Bapintu
Rayo tu.
Bialah dari kini pintak dibaco, dek do'a dilapeh baibo hati, kok lai
pintak ka buliah, do'a mandaki tanggo Arras, yo ka nan satu.
Salam
Andiko Sutan Mancayo
[email protected] wrote:
Ya Andiko memang ado ditapi sungai siak ko RM panggung balantai kayu dan
dindiang kayu (satangah) nan talatak di bibia atau tapian sungai siak
Ambo pernah makan disinan, anyangnyo lamak juo
Ado nan istimewa buek Andiko kok kasinan wak bisuak..manjalang masuak ado meja
disinan talatak karupuak jariang nan salaweh piriang, tipih badaruak dan rapuh,
kok digigik indak karupuak jariang tu nan rarak tapi gigi jo garaman andiko nan
ka rarak :) tu dek sabana badendang juo kulek tantu juo badendang angok baun
jariang ha ha ha
Bilo2 kito cubo makan kasinan lah lamo ambo ndak makan kasinan
Wass-Jepe
Sent from my BlackBerry® smartphone from Sinyal Bagus XL, Nyambung Teruuusss...!
--
.
Posting yg berasal dari Palanta RantauNet ini, jika dipublikasikan ditempat
lain wajib mencantumkan sumbernya: ~dari Palanta r...@ntaunet
http://groups.google.com/group/RantauNet/~
===========================================================
UNTUK DIPERHATIKAN, melanggar akan dimoderasi:
- DILARANG:
1. Email besar dari 200KB;
2. Email attachment, tawarkan disini & kirim melalui jalur pribadi;
3. One Liner.
- Anggota WAJIB mematuhi peraturan serta mengirim biodata! Lihat di:
http://groups.google.com/group/RantauNet/web/peraturan-rantaunet
- Tulis Nama, Umur & Lokasi pada setiap posting
- Hapus footer & seluruh bagian tdk perlu dalam melakukan reply
- Untuk topik/subjek baru buat email baru, tidak dengan mereply email lama
===========================================================
Berhenti, bergabung kembali serta ingin merubah konfigurasi/settingan
keanggotaan di: http://groups.google.com/group/RantauNet/subscribe
