Sanak Suryadi dan para sanak sa palanta,Ambo jadi Komisaris Utama (bukan direksi) PT Semen Padang dari th 1999-2003. Nan jadi Direktur Utamanyo pado kurun tu adolah Ir Ikhdan Nizar. Kami baduo nan mandorong ditabikkannyo sejarah PT Semen Padang, wakatu umuanyo 90 tahun. Sacaro teknis buku sejarah tu disusun dek duo wartawan kito di Padang. Manuruik kesan ambo, arsip PT Semern Padang relatif lumayan banyak dipaliharo di Indaruang. Tantu indak kasadonyo. Labiah samparono kalau ditambah jo nan masih ado di nagari Balando.Dalam buku sejarah PT Semen Padang tu, nan alun masuak lai adolah heboh sakitar 'akuisisi' PT Semen Padang dek PT Semen Gresik, nan panuah rekayasa dan ado tando-tando manipulasi jo karugian keuangan Negara. Basamo jo kawan-kawan di Direksi dan karyawan, kami di Dewan Komisaris malawan akuisi tu dan mandukuang aksi 'spin off' dari kawan-kawan di Padang, sampai bapakaro ka Mahkamah Aguang, dan manulak panjualan saham PT Semen Gresik ka Cemex S.A. (Lai takana juo kasus ko ?) Sanak kito Israr Iskandar dari Unand panah manulis buku tantang 'spin off' ko.Hebatnyo, Yayasan Minang Maimbau nan sacaro yuridis naiak bandiang sampai ka Mahkamah Agung, kudian sacaro anok-anok -- ado indikasi jo imbalan pitih -- kudian mancabuik kasasi ka Mahkamah Agung tu. Tapi masih ado pakaro nan alun salasai sampai kini. Pak Ikhdan Nizar jo ambo 'keukeuh' indak amuah mancabuik, sampai kini. Arsip langkok sekitar perlawanan kami taradok 'akuisisi' dek PT Semen Gresik dan panjualan saham PT Semen Gresik agak langkok dirawat dek Sanak Ir Ikhdan Nizar, mantan Direktur Utama PT Semen Padang, dan bisa dimintai katarangan. [Rancak dipagagehkan, maklum kami alah samakin tu juo.]Sasudah tu, angin bakisa. Tokoh-tokoh nan dahulu mandukuang jo mamimpin aksi 'spin off'' kini justru atau alah duduak dalam manajemen baru PT Semen Padang atau indak lai mampasoalkannyo. Ringkasnyo, proses 'akuisisi' nan cacat hukum, indak lai dipermasalahkan, dan aksi 'spin off'' gagal total.Kadipangaan lai.Mungkin pado satu saat paralu kito adokan FGD dan eksaminasi putusan pengadilan dalam kasus 'akuisisi' dan panjualan saham ka Cemex S.A. ko. Ambo jamin, akan asyik. Bisa jadi bahan disertasi. Sia nan baminat ?
Wassalam, Saafroedin Bahar(Laki-laki, masuk 73 th, Jakarta) --- On Mon, 1/25/10, Lies Suryadi <[email protected]> wrote: From: Lies Suryadi <[email protected]> Subject: [...@ntau-net] Melacak arsip PT Semen Padang di Belanda To: [email protected] Date: Monday, January 25, 2010, 7:21 PM Sanak di lapau kasado alahe, Di koran SINGGALANG edisi bisuak (26/1/2010) ado tulisan ambo nan barisi laporan suka-duka melacak arsip PT Semen Padang nan tasimpan di Balando dan ditugaskan dek Panitia Peringatan 100 tahun PT Semen Padang (1910-2010). Kok ado sanak di lapau nan kebetulan mambaco Singgalang bisuak, mohon komen dan masukannyo. Pelacakan sadang diarahkan kini ka arsip keluarga GEBROEDER'S VETH HANDELMAATSCHAPPIJ nan ado di tujuah daerah di Balando. Dalam kesempatan ko ambo nak batanyo ka Pak Saaf nan pernah menjabat direksi PT Semen Padang: Sabarapo langkok arsip PT Semen Padang nan ado di Padang kini? Apokoh manuruik Pak Saaf arsip2 PT Semen Padang nan ado di Balando ko paralu direproduksi dan hasil repro tu disimpan di Padang (atau di salah satu perpustakaan kito di Sumbar) atau indak paralu lai? Wassalam, Suryadi 44 thn -- . Posting yg berasal dari Palanta RantauNet ini, jika dipublikasikan ditempat lain wajib mencantumkan sumbernya: ~dari Palanta r...@ntaunet http://groups.google.com/group/RantauNet/~ =========================================================== UNTUK DIPERHATIKAN, melanggar akan dimoderasi: - DILARANG: 1. Email besar dari 200KB; 2. Email attachment, tawarkan disini & kirim melalui jalur pribadi; 3. One Liner. - Anggota WAJIB mematuhi peraturan serta mengirim biodata! Lihat di: http://groups.google.com/group/RantauNet/web/peraturan-rantaunet - Tulis Nama, Umur & Lokasi pada setiap posting - Hapus footer & seluruh bagian tdk perlu dalam melakukan reply - Untuk topik/subjek baru buat email baru, tidak dengan mereply email lama =========================================================== Berhenti, bergabung kembali serta ingin merubah konfigurasi/settingan keanggotaan di: http://groups.google.com/group/RantauNet/subscribe
